الحمد لله كلاكيت تالت مرة العربية تتخبط

**Karim_Monir** · 13-03-2008 01:21 PM

الحمد لله على نعمة كلها
يا جماعة اللي يعرف مكان بيبيع اسانسيرات استعمال الخارج ممكن اطلع فيه عربية الشغل يا ريت يقوللي
عشان انا تعبت من كتر خبط العربية
امبارح موقف العربية فوق الرصيف بالعجلات الاربعة انزل الاقي واحد طلع بعربيتة فوق الرصيف خبطهالي
كسرلي كلبسات الاكصدام لغاية ما دلدل في الارض وخد في سكتة الفوج لايت الشمال
انا نزلت وكنت خارج مخنوق من اجتماع مقرف لقيت العربية بالمنظر ده
وانا كدة كدة كنت متفق مع بتاع الدوكو عشان اوديلة الاسبويلر يترش لاني كنت اخيرا لقيت اسبويلر اصلي بتاع تويتا
كان ربنا بيقوللي ما تفرحش قوي لان الدنيا مش هاتديلك كل حاجة وافتكر اني كنت لسه مواسي احمد جودويف في الياريس الجديدة بتاعتة
قولت لنفسي لا راد لقضاء الله
خدت بعضي ورحت عملتها عند بتاع البلاستيك في الحرفيين وفضلت قاعد فيها من 5:30 لغاية 11 بالليل
والحمد لله انها رجعت سليمة ولحم الفوج ولحم الكليبسات وبقت كويسة والحمد لله
برضه اللي يعرف طريقة اطلع بيها العربية المكتب يقوللي
:(:(:(:(:(:(:(:(:(:(:(:(:(:(:(:(:(:(

**Hacker5** · 13-03-2008 03:45 PM

معلش يا استاذ كريم اصل البهايم كتير و حتى برضو لو طلعتها فوق السطوح بالاصانصير ممكن تتطلع تلاقى طيارة هيلوكوبتر خبطتلك العربية برضو و هانفضل نقول مافيش فايدة !!!!!!

طب اللى خبط العربية دى مسبش اى حاجة نمرة التليفون ولا ايه حاجة زاى محصلمعايا رجعت لقيت العربية مخبوطة و لقيت اللى خبطنى سايبلى ورقة حشرها فى المساحة و سايبلى رقم تليفونه بيعتذرلى و قالى انا الى خبط عربيتك بدون مقصد طبعا و ياريت تكلمنى عشان نتفق على الاصلاحات و كل اللى حصل الاكصدام الامامى وقع و الفانوس الشمال مكسور و كلمته و كان شخصية محترمة جدا و قولتله انا مسامحك طبعا و اكيد متقصدش تخبطها و انا مش عايز منك اى تعويض و انا بس كلمتك عشان احييك على زوقك و احترامك

و متزعلش يا استاذ كريم و كويس جت على قد كدة

**ramyfawzy** · 13-03-2008 04:03 PM

كريم باشا
ولا تزعل ولا تشيل هم
كل حاجة بتحصل بأمر الله
وقضى اخف من قضى
وقول دايما الحمد لله في السراء والضراء

على فكرة ماتسمعش كلام Hacker5 عشان ممكن فعلا اخبطلك العربية من غير ماخد بالي بالهيليكوبتر بتاعتي

رامي (ابو احمد)

**MTAK** · 13-03-2008 04:03 PM

لا حول و لا قوة الا بالله
قدر الله و ما شاء فعل
معلش يا كريم
اكيد شالت عنك حاجة تانيه ممكن كانت هاتحصل
و الحمد لله انها جت فى العربيه
بس الاسانسير مش الحل
الحل هو
كان يوجد اعلان شفته قبل طده بس مش عارف اوصله على اليوتيوب
عبارة عن واحدة يابانيه بتطبق العربيه كلها الى مكعب صغير فى شنطتها

------------
لله الامر من قبل و من بعد

**معاذ الشرباصى** · 13-03-2008 04:27 PM

قدر الله و ما شاء فعل يا كريم

الحمد لله انها جت فى حاجة بلاستيك مش صاج و وجع دماغ

و ربنا يجازى اللى خبطها كده

**aif** · 13-03-2008 04:40 PM

حتي لو طلعتها البيت برضه ممكن تلاقي بيدو وكنزي خابطنهالك بالاسكوتر ;)
الحمد لله .. فداك الف خبطة
ربنا يحفظهالك ويجعلها آخر الخبطات

**Hassan Khalil** · 13-03-2008 05:05 PM

الحمد لله علي قدر الله ..
و ان شاء الله ربنا فدي بيها حاجة تانية .. و محدش يعلم الغيب الا الله عز وجل ..
سيبها علي الله .. و روق ..
و احمد ربنا انها جت علي اد كده.

و متركنش العربية عند الباب الوراني و لا الشارع الجانبي علشان الدنيا زحمة اوي في المكانين دول .. دايما تركن ادام الباب الرئيسي او أدامه بس الناحية التانية .. بتبقي الدنيا رايقة شوية ...او ادام المستشفي اللي جنبكوا .

-

الموضوع: الحمد لله كلاكيت تالت مرة العربية تتخبط

LinkBack

أدوات الموضوع

عرض

الحمد لله كلاكيت تالت مرة العربية تتخبط - انشر الموضوع فى :

-

-

-

-

المواضيع المتشابهه

المرايا اتكسرت كلاكيت تالت مره

التمانينات ... كلاكيت تالت مرة

كلاكيت 3 مره فى اقل من اسبوعين العربيه تتخبط

كلاكيت تالت مرة

الفرامل كلاكيت تالت مرة

الكلمات الدلالية لهذا الموضوع

المفضلات

المفضلات

ضوابط المشاركة