الموضوع: نظرية سواق الميكروباص : إلى يتاخد بالسرقة ميرجعش إلا بالسرقة

المشاركة الأصلية كتبت بواسطة dr-mohamed

وحضرتك ممكن تقنعني ان فيه سواق من سواقين لاميكروباس مبيعملش حاجات مش تخيل عربيته تتاخد الحضانة ده المفروض هو نفسه ياخد له 5 سنين سجن
يا راجل اي سواق ميكروباس لو معملش 10 مخالفات على الاقل كل يوم يبقي مينفعش سواق ميكروباس بغض النظر عن انهم بيتمسكوا ولا لا

مفيش مرة واحد بتاع ميكروباس حدف عليك من اقصي الشمال لاقصي اليمين علشان يحمل او ينزل زبون
مفيش مرة واحد بتاع ميكروباس خبط لك عربيتك بدون اي زنب غير انك ماشي ملتزم
مفيش مرة سواق ميكروباس وانت جاي على الزراعي مصر اسكنديرة وماشي على 100 كليو وواخد اقضي اليمين كمان وهو جاي من وراك لازق عربيته في الشنطة بتاعة عربيتك وعمال يرعش لك النور علشان توسع له وميعرفش ان فيه حاجة اسمها اليمين للبطئ والشمال للسريع وان الحد الاقصي للسرعة اصلا هو 100 كليو وانت واخد اقصي اليمين لانك ابطا واحد في الطريق
وبعد ده كله اقبل منطق واحد سواق ميكروباس وحرامي كمان

يا عزيزي أنا مش باقبل منطقه
لكنى أتعرف بوجوده

و قبل ما نطبق النظام على سواقين الميكروباص (اللي هم على مش أكثر الفئات فسادا) لازم نبص على حاجات تانية كتير

اعذرنى مش هاقدر أكمل غير بإننا في حلقة مفرغة من الجهل و الفقر و الفساد

الموضوع وسع يا جماعة ولا انا بيتهيالى
انا بقى عندى حل بسيط
حاول تبدا بنفسك
خليك انت صح
على قدر المستطاع

نظرية ?
طبعا كلامه زي سواقته ..
غلط x غلط

اللى قاله الاخ السواق ده مبداء وناس كتير ماشيه عليه
اللى بيزود الاسعار وبيسرق الناس نفس المبداء
واللى فاتح الدرج للرشوة نفس المبداء
والحرامى والنصاب نفس المبدء
دى بقت ثقافه ازاى تاخد حقك من الحكومه