عيب فى مجموعة الدبرياج الالنترا 2008 مانيوال

**papadasa** · 11-09-2010 06:39 PM

قد قمت بشراء سيارة هيونداى الينترا مانيوال بضمان الوكيل المعتمد فى مصر غبور اوتو موديل 2008 (ملحوظه فترة الضمان 3 سنوات او 60000كيلو) و بعد الشراء بدأ يظهر عيب فى نظام الدبرياج بما يسبب اهتزاز و رعشه فى السيارة عند كل نقله وسماع صوت غريب. و ذهبت الى الوكيل المشار اليه و قام بتغيير نظام الدبرياج بالكامل و تحملت جزء من مصاريف التغيير. ظهر نفس العيب مرة اخرى و ذهبت الى الوكيل مره اخرى و اخبرنى بوجود نفس العيبب و تم استبدال نظام الدبرياج. هل يعقل انى للمرة الثالثه اواجه نفس العيب اى بعد حوالى 3 شهورمن التصليح مع العلم بان كل المسئولين فى التوكيل يخلوا مسئوليتهم من المشكلة ولا يسعون حتى للبحث عن السبب فى ظهور هذه المشكلة.
هذه المشكله عند العديد من مالكى الالنترا وقد قاموا بتغير مجموعة الدبرياج دسك و اسطوانه و بليه العديد من المرات
ارجو الافاده من مالكى المانيوال لاخذ خطوات سريعه

**ahmedsamir5edr** · 11-09-2010 07:17 PM

1 . باظ بعد كام كيلو كل مره ؟؟
2. العربيه بتتأجر ؟
3. متأكد أنه مش عيب سواق .. يعني بتريح رجلك كتير علي الدبرياش ؟؟
4. في حد بيتعلم علي العربيه ؟؟ خصوصا لو سيده ؟

**samihanwar** · 12-09-2010 12:38 AM

هقولك يا باشا على الخلاصه
هو فعلا ده عيب فى الألنترا مجموعه الدبرياج
بس مش للدرجاتى
يعنى المفروض تغيير طقم الدبرياج مش قبل 60 الف كيلو وخلى بالك ده كمان مع الشغل القاصى زى شغل الأيجار
وكمان تحس ان دوست الدبرياج مفيهاش سلاسه
مش مظبوط كده ولا أنا غلطان

**modydosoki** · 12-09-2010 02:33 AM

يا باشا انت كده من حقق استبدال العربيه ولا حد ليه عندك حاجه حسب قانون حمايه المستهلك اذا تكر العيب ثلاث مرات من حق العميل الاستبدال دون تحمل اي تكلفه خد بالك وما تسبش حقق خصوصا ان انت كده فاضلك سنه وضمانك يخلص ولو ظهرت المشكله تاني حا تصلحها علي حسابك

**papadasa** · 12-09-2010 04:22 AM

شكرا على الاهتمام
للعلم ان هذه السياره خاصة بى ولم يقودها شخص اخر غيرى, ولم تاجر ايضا و محصلهاش اى حدثه ولا خبطه حتى من الاخر يا شباب العربيه بحلتها.
وانا كان عندى 3 عربيات قبل ده و عمرى ما وجهت هذه المشكله .الدبرياج مبغيروش الا بعد 110الف على الاقل. لاكن انا فى خلال سنتان و العربيه عمله 30000كم اغير طقم الدبرياج 4 مرات متهيالى كده كتير.
و كمان انا حاسيس ان التوكيل بيماطل عشان تكون العربيه طلعت من الضمان بس انا مش هسيب حقى وهخدة بالقانون
عايز رايكم فى الكلام ده

**khpopo** · 12-09-2010 01:57 PM

المشاركة الأصلية كتبت بواسطة papadasa

شكرا على الاهتمام
للعلم ان هذه السياره خاصة بى ولم يقودها شخص اخر غيرى, ولم تاجر ايضا و محصلهاش اى حدثه ولا خبطه حتى من الاخر يا شباب العربيه بحلتها.
وانا كان عندى 3 عربيات قبل ده و عمرى ما وجهت هذه المشكله .الدبرياج مبغيروش الا بعد 110الف على الاقل. لاكن انا فى خلال سنتان و العربيه عمله 30000كم اغير طقم الدبرياج 4 مرات متهيالى كده كتير.
و كمان انا حاسيس ان التوكيل بيماطل عشان تكون العربيه طلعت من الضمان بس انا مش هسيب حقى وهخدة بالقانون
عايز رايكم فى الكلام ده

مش عندك ورق الصيانات ...متسبش حقك عشان مش تخلص بعد كده معاهم ربنا معاك ده ناس بتستهبل

ربنا يوفق

**AboMaro** · 12-09-2010 10:31 PM

المشاركة الأصلية كتبت بواسطة papadasa

قد قمت بشراء سيارة هيونداى الينترا مانيوال بضمان الوكيل المعتمد فى مصر غبور اوتو موديل 2008 (ملحوظه فترة الضمان 3 سنوات او 60000كيلو) و بعد الشراء بدأ يظهر عيب فى نظام الدبرياج بما يسبب اهتزاز و رعشه فى السيارة عند كل نقله وسماع صوت غريب. و ذهبت الى الوكيل المشار اليه و قام بتغيير نظام الدبرياج بالكامل و تحملت جزء من مصاريف التغيير. ظهر نفس العيب مرة اخرى و ذهبت الى الوكيل مره اخرى و اخبرنى بوجود نفس العيبب و تم استبدال نظام الدبرياج. هل يعقل انى للمرة الثالثه اواجه نفس العيب اى بعد حوالى 3 شهورمن التصليح مع العلم بان كل المسئولين فى التوكيل يخلوا مسئوليتهم من المشكلة ولا يسعون حتى للبحث عن السبب فى ظهور هذه المشكلة.
هذه المشكله عند العديد من مالكى الالنترا وقد قاموا بتغير مجموعة الدبرياج دسك و اسطوانه و بليه العديد من المرات
ارجو الافاده من مالكى المانيوال لاخذ خطوات سريعه

يا ريت حضرتك تبعتلي نمرتك ع الخاص او على الميل وانا هكلمك

**KING_LEDO** · 14-09-2010 04:08 PM

عندي النترا على 85000 ظهر صوت كده مع دوس الدبرياج كلمت التوكيل قالى تعال نغير طقم الدبرياج و لكن محصلش فرصة انى اسافر لمدة 11 شهر وو صلت 96000 الصوت على خفت رحت عند الميكانيكى بتاع العيله اول مرة العب في العربية قولت له حل و جد البلية مفتته غيرتها ب 115 جنية و رجعت العربية زي الفل و الحمد لله الأن 98988 كيلو