مقارنه واسعه شويه : نيسان صنى - اوبل كورسا - استرا - ياريس - بريليانز

السلام عليكم
انا جديد فى مجال العربيات و عاوز اجيب عربيه من 55000 لـ 65000
و تكون اوتوماتيك علشان اريح نفسى
ناس كتير بترشحلى عربيات زى :

نيسان صنى 2002 .. ناس كتير بتشكر فيها و يابااااااااانى

اوبل كورسا او استرا 2004- 2005 .. بصراحه مش عارف الفرق بينهم فى الامكانيات بس اللى مخوفنى ان سعرهم رخيص بالنسبه لعربيه المانى يعنى فى حدود 55000 - 60000


تويوتا ياريس .. ناس كتير فى المنتدى هنا بتشكر فيها

بريليانز frv .. مع واحد صاحبى و بيشكر فيها اوى و السعر ده يجيبلى واحده تقريبا موديل 2009

فياريت خد خبير يدينى رأى لانى محتار جدا مع الوضع فى الاعتبار ان فى اراء بسيطه بترشحلى الفولكس جولف 2000

انا فعلا محتاااااااااااااااااااااا ااار

اغيثووووووووووونى

تويوتا ياريس .. ناس كتير فى المنتدى هنا بتشكر فيها

نظرا لحداثة الموديل و عربية اعتمادية جدا

السلام عليكم هو سعادتك بتتعلم السواقة جديد لو كده فعلاً يبقى أنصحك لوجه الله تجيب عربية قطع غيارها رخيصة زى الكورى مثلاً كيا برايد هيونداى اكسل او اكسنت وتكون مانيوال علشان اللى بيسوق مانيوال بيعرف يسوق اوتو ماتيك انما اللى بيسوق اوتو ماتيك مابيعرفشى يسوق المانيوال والسواقة المانيوال أمتع والاوتوماتيك أكثر راحة ده فى حالة لو لسه بتتعلم انما لو متمكن أنصحك تجيب بالترتيب 1-جولف
2-اوبل استرا
3- اوبل كورسا
4- نيسان صنى
ليه الجولف فى المقدمة لأنها الاقوى والأكثر أماناً والاكثر احتمالاً والاطول عمراً فى قطع الغيار (كان معايا الموديل القديم منها)الاويل بعده لأنه محلى بس موديل حديث والنيسان بعدهم لأن من وجهة نظرى الموديل ده واطى والمطبات بتحك فيها لو محملة
ومش منتشر أوى وأبحث عن الحالة الممتازة وخد معاك سمكرى موثوق فيه وأكشف على الماتور فى المحطة أو أعمل كشف شامل لو السيارة حديثة فى التوكيل وربنا يوفقك

شكرا جدا للردود ياجماعه و اسف على التاخير فى الرد لانقطاع النت عندى
وفعلا فى ناس قالولى على النيسان انها بتحك فى المطبات

لكن حضرتك طلعت البريليانز من المقارنه خالص ... ممكن اعرف وجهة نظرك ؟

البريليانس ما أعرفشى عنها حاجة لأنها مش ماشية فى السوق بقى لها كتير علشان كده معلوماتى عنها معدومة سوى بس أختبارات الامان بتاعتها وطلعت سيئة

أنا لو مكانك أشتري يارس...
ب65000 ممكن تجيب حاجة استعمال نضيف 2007 أو أول 2008
و قطع غيارها منتشرة أوي و استهلاك بنزين موفر. مينى سيدان مناسبة للزحمة و مش هتخسر فى السعر لما تبيعها