عفشة الفليشيا والاسكترا

**medofarou** · 11-09-2010 09:04 PM

انا رحت لعفشجى علشان العربية بتدبدب جامد قالى كاوتش مقصات وحشوة للاسكترا وقالى الاحسن تجيب مقصات جديدة احسن بتبقى بكبس المصنع بصراحة مش عارف اعمل اية اغير كاوتشة ولا مقصات واية الاحسن وبالنسبة للاسكترا الحشوة كويسة ولا اغيرها واسعار المقص والاسكترا كام وانوعهم وعيد سعيد عليكم وارجو الافادة

**zico2009** · 12-09-2010 12:28 AM

المشاركة الأصلية كتبت بواسطة medofarou

انا رحت لعفشجى علشان العربية بتدبدب جامد قالى كاوتش مقصات وحشوة للاسكترا وقالى الاحسن تجيب مقصات جديدة احسن بتبقى بكبس المصنع بصراحة مش عارف اعمل اية اغير كاوتشة ولا مقصات واية الاحسن وبالنسبة للاسكترا الحشوة كويسة ولا اغيرها واسعار المقص والاسكترا كام وانوعهم وعيد سعيد عليكم وارجو الافادة

بص يا سيدي
بالنسبة للمقصات هات جلب رخيصة30 جنية الفردة مش غالية عشان مش هتلاقي مقصات اصلي والصني عمال تقريبا 150-180 مش فاكر او هات مقصات استيراد
بالنسبة للاسكاترا هات حشوة هتكلفك 50 جنية هتشتغل سنة او هات عربة صيني كويسة مركة فيكا ب220 جنية بتفضل 2-3 سنين وجيدة او هات اورجينال اصلي هتكلفك 850
لو الاسكاترا حالتها معقولة هات حشوة

**medofarou** · 12-09-2010 02:47 AM

شكرا لمرورك يا باشا وعلى الافادة

**ahmedtaha20012000** · 12-09-2010 01:53 PM

بالنسبه الي المقصات لو بقلها فتره كبيره يبقي تغيرها احسن اما بالنسبه الي حشو الاسكترا ابعد عنه لانو مابينفعش في الاخر و بالنسبه الي العلبه الاصلي مشهتلاقيها اللي عند الشركه الهاشميه اللي بجانب مستشفي القوات الجويه و ده قطع الغياربيتاعته معتمده من ارتوك وعلي فكره ده من خلال اخر نشره طلعها التوكيل و علي فكره هي تمنها 1200 ج مش 850 ج و دي الاصلي بجد و لو شايفها غاليه عليك هات الصيني تقعد زي ما تقعد و خلاص

**medofarou** · 12-09-2010 03:08 PM

شكرا للافادة يابو حميد بس هل المقصات موجود منها الاصلى ولا لا

**EngAhmedSayed** · 13-09-2010 12:08 AM

معليش انا فى اقتراح عندى وانتا صاحب القرار
انا من راى بخصوص موضثوع الاسكترا علشان دى عليها حمل كبير لانى زى محنا عارفين الفليشيا تقيله جدااا
انتا و له تعمل حشو و له تشترى صينى اه و الله و عن كلامى و كلام الميكانيكى بتاعى
و له تشترى الالمانى ام 900ج لانه حرام اسكترا 900ج
بص يا باشا اعمل زى منا عاملت هات اسكترا المانى استيراد
قلى هيخليك تدفع فى الصينى 220ج انا من راى هات المانى الاستيراد قلى هى الاصليه انا عاملت كده
من عزبة شلبى و هاتله علبة شحم و هاتله كوتشتيى و 4 حزمه و خلى العفشجى يغسله و ينظفها و يكبسها شحم كويس
و يركب الكوتشتين و تمام كده بس اتاكد انو يكون مفيهاش بوش
تعرف ازاى اختبره بنفسك و دى حاجه ليك
امسك الباره و شده و زوقه لو اتدية تكه سيبك منها بس ابقى امسك الباره من جنب تمام ابقى امسك الباره التانيه و اعمل زى ماعملت فى الاولى و ربنا معاك خلى بالك ثمنها 250ج

اه نسيت اقولك يا صديقى متنساش تظبط زوايا على الكمبيوتر 25ج دى اهم حاجه بعد الشغل ده كله و الله المستعان

**EngAhmedSayed** · 15-09-2010 12:21 AM

المشاركة الأصلية كتبت بواسطة medofarou

تسلم على الافادة يا بشمهندس احمد انا هسأل على الاستيراد عندى فى الاسكندرية وهخلى العفشجى يكشف عليها لو تمام هتبقى احسن طبعا

بالتوفيق ان شاء الله
بس اهم حاجه يا صديقى يتاكد انو مفيش فى الاسكترا بووووووش
ويغسله كويس و يجبلها كوتشيتين جداد و يكبسها شحم و هتيبقى باور

**egyhuge** · 27-09-2010 02:05 AM

بص يا باشا حشو الاسكاترة دة اصلا و لا لية اى لازمة و الله اخرو فى شوارعنا شهرين هات سكاترة جديدة تركى مش صينى كويسة و سعرها جديد 280 جنية بلظبط او هات سكاترة استعمال و فى اسكندرية متلفش كتير اهبط على النيلى او الرشيدى مفيش غيرهم علشان دماغك النيلى ارخص بكتير اوى و دة فى شارع الفراهدة و الرشيدى فى صلاح الدين دة لو حتجيب استعمال و اساسىلو ناوى على استعمال خد معاك عفشجى كويس هو اللى يشتريلك و الفصال معاهم شغال طبعا دة استعمال
جلب المقصات الواحدة ب 30 جنية بس دى اصلا متخليش العربية تهبد لو بايظة دى تخلى العجلة و انت ماشى مش بتلف صح يعنى
تهبيد و انت ماشى دة ممكن يكون مساعدين
على كل حال يعنى اسال عفشجى و الله المستعان