كل عام وحضراتكم طيبين...وعيد سعيد عليكوا ان شاء الله
بس مش سعيد عليا خالص لانى عملت النهاردة بس حادثتين بسبب الشباب المتفزلكين اللى فرحانين بالحاجات اللى مأجرنها من موتسيكلات وعربيات...ربنا ينتقم منهم ويعكنن عليهم زى ماعكننوا عليا ودمروا وش عربيتى
المهم انى خبطت عربية عمى(رينو لوجان) النهاردة خبطة خفيفة من ورا كسرت الفانوس الورانى من جنبه(يعنى حتة صغيرة جدا) وكنت عايز اعرف من خبراء اللوجان..هل العربية دى نزلها وشوش فوانيس بس من غير فوانيس ؟؟ ولو موجودة اجيبها منين؟؟
والله انا متضايق من اللى حصل لعربية عمى اكتر من اللى حصل لعربيتى لان اللوجان موديل السنة دى ولسة مافرحش بيها
وربنا يبعد عنكوا الهم وعيد سعيد عليكوا ان شاء الله
المفضلات