الانشكاح= سعادة وتفاؤل بلا مبرر
عرض للطباعة
الانشكاح= سعادة وتفاؤل بلا مبرر
طيب بالله عليكم ولا واحد هنا فى المنتدى الطويل العريض ده سبب النكد فى بيت اهله كان لا بوه مش امه ارجعو لورا وافتكروه وبشجاعة ردوا
موش معقول كلكوا امهاتكم اللى كانو مسببين النكد ؟؟؟؟؟؟؟؟؟؟؟
ماهو دة من واقع التجربة الحياتية اليومية, و دي ردود الافعال اللي بنلاقيها و بتسد نفسنا عن اي حاجة الواحد ممكن يقولها او يعملها او حتى يتنيل يفكر فيها
على فكرة اسمة انشكاح مش انكشاح
الواحد لما ينشكح يعني ينبسط ويفرفش
انما لما ينكشح يعني ينطرد
هههههههههههههههه
انا قصدي انشكاح..معلش دي غلطة مصبعية
شكل الملوحه لسا ماثره عليك :)
انا مش بلعب في حجم خطي غير نادرا وفي بعض الكلمات
انا عايز بقي اقول كلمتين في الموضوع ده
الي بيفرق في الحوار طبيعة البني ادمه الي مرتبط بيها
بمعني طالما عارف انها بتحبني ودلوعه وحنينه
هيخليني اعمل اي حاجه علشان اصلحها
لان الزعل وقتها مش هيخرج عن انها بتدلع عليا وده حقها ووقتها هتذيد في نظري كمان
ولو اي سبب تاني طالما بتحبني لما هقولها مالك واراضيها بكلمتين
فورا هتلين وتبدا تتكلم شويه بشويه علي الي مضايقها
لاكن في حريم اجارك الله
طبيعيتها نكديه
بتحب النكد
بتحب دور التعيسه الحزينه المغلوبه علي امرها
وانا معلش مش طالع عين اهلي بره البيت
علشان اجي الاقي كمان نكد جوه البيت
دي لو هتلزمني مره ولا اتنين ولا حتي عشره وهقعد ادادي واحايل
مش هتلزمني بعد كده
لان كده البيت اتحول لحد بياخد علي طول وحد بيدي علي طول
واي بيت لازم يكون فيه اخد وعطا وده يتنازل شويه وده يتنازل شويه علشان نوصل لحل وسط
A.Yakout
لو اتجوزت واحده تعمل معايا نص اللي عملته امي
انا حعملها تمثال وحشيلها فوق راسي طول العمر
كفايه اوي اني بيبقي فيا هموم الدنيا واكتئاب نابليون وجنوده رجلهم بتتقطع من تلج روسيا
واول ما افتح باب الشقه واشوف ابتسامتها بحس ان همومي واكتئابي غارو في داهيه وصدري بينشرح
ولا وهو بتقولي ربنا يراضيك زي ما انتي مراضيني
طبعا احيانا بتقلب عليا بس زوبعه وبتعدي
بجانب ايام صعبه كتير لو عاشت ربعها اي واحده حتنتحر