الموضوع: للرجال فقط

المشاركة الأصلية كتبت بواسطة ashouhdy

أنا مش مصدق اية يارجالة الافترى اللى انتم فية دة
لية الواحد مش بيفكر انة ممكن يكون عمل حاجة سببت الزعل دة وهو مش واخد بالة

لية دايما الراجل (اللى انا منهم) شايف انة لازم يتباس رجلة فى الداخلة و الخارجة والست او البنت اللى ممكن (تكون اختى او اختك) ترضى وتنكسر ولمة تعترض و تكشر كمان نديها ع دماغها.

لا فى رجالة عايزة ضرب الجزمة و بتعامل معاهم كل يوم وبيوعودوا بحكولى وفاكرين ان دى مجدعة وان كدة راجل

مالست برضة بنى أدمة وممكن يكون فى حاجة مذعلاها

يعنى انت مثلا عمرك ما أضايقت وعملت وش خشب ومش طايق تتكلم مع حد ولما حد يسألك تقولة مفيش. لية الطرف التانى مش بيقرف منك ويسبلك البيت فكر كدة كويس وشوف.

الأنسان اللى فاكر ان مفيش واحد ممكن تتقبل او يتوافق عليها او انها مش موجودة او مش ذى ستات زمان .... يبقى يدور ع العيب اللى فية الاول ويصلحة و حيلاقى كل حاجة جميلة و مظبوطة ... ممكن يكون العيب الرئيسى اننا بنبص ع العيوب بس

....

انا بقول كدة عشان كتير ممكن اكون انا سبب الخلاف و هى مضايقة ومش عايزة تقول ومكنش واخد بالى ولما اقعد افكر مع نفسى افتكر موقف او اتنين و اعرف انى سبب المشكلة

وممكن العكس .... بس الفكرة كلها المودة و الرحمة ومش ع طول أحكام احكام احكام

انا حاسس بقى ان اللى بيقول لو وش خشب يبقى وش خشب ذيية واسيب البيت وامشى دة اساسا مش فاهم معنى الجواز ودة اللى لازم يعرف يعنى اية جواز الاول لأن الجواز مش كدة خااالص.

انا بقول كدة لأن عندى اخوات بنات ومقبلش ابدا ان دة يكون تفكير اجوازهم ابدا ابدا

مش معنى ان انا مش طايق مناخير ووشى ان يبقى اللى يكلمنى اديلوة بالجزمة وهى مالها هى مراتى هى عشان اديها ع دماغها ؟؟؟؟؟؟؟؟ ولية لما هى تكون مش طايقة مناخير وشها يبقى طوظ فيها وكمان اديها هى ع دماغها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كلامكم ينقصة الكثير من الحكمة يارجاااالة :)

يا ريت تقلل حماسك ده لغاية ما تتجوز
وبعدين تقولنا رايك