الموضوع: لو صحيح.......منهم لله بتوع محطات البنزين

النهارده الصبح ( كل سنه وانتم طيبين) قلت افسح الاولاد واوديهم النادى
وفى الطريق العربيه ماشيه فى امانة الله ولا مشاكل
قلت امون ( وانا بحط كوكتيل بنزين وماشي على الكلام ده من اكتر من شهر والكربراتير مش بيشتكى وزى الفل )
ويادوب مشيت متر العربيه عطست اقصد نتشت هههههه قلت التفويله مش عجباها وكملت للنادى وبدون مشاكل -- حوالى 2 كيلو متر --
وقعدنا فى النادى حوالى ساعه
وفى العوده بدأت المشاكل
العربيه بتقطع كما لو انى لسه بتعلم السواقه
وروحت البيت بالعافيه وقلت اريح شويه وبالليل طلعنا بالعربيه والتقطيعه زادت ومعرفناش نكمل مشوارنا

قلت افك الفلتر واغيره بواحد معايا فى الشنطه والمفك اللى معايا رفض

اتصلت بالميكانيكى -- قال لى النهارده عيد - بكره هاتها لى
دورت على اى ميكانيكى مافيش حد
سالت الميكانيكى بالتلفون
هو من الوصف بتاعى بيقول دى مشكله بوجيه قاطع او ابلاتين لادع
اشتريت بوجيه وفكيت وغيرت بالتلاته شمعه الللى مركبه وليقت الحال زى ما ما هو
ورجعت البوجيه اللى معايا
حاولت افك الابلاتين بس معرفتش

اخيرا سبت العربيه فى شارع واحد معرفه ورجعنا مواصلات

وبكره ان شاء الله هعرف هى مشكله كهرباء

ولا ...زى ما شاكك انها مشكله بنزين مخلوط بماء عمل كل ده
ولو ده صح فمنهم لله وحسبي الله ونعم الوكيل
الكلمه اللى الواحد بكررها كتير مؤخرا

المشاركة الأصلية كتبت بواسطة karimfahmy99

اللى اعرفى ان الكوندسر لما يبوظ العربية تفضل تدى مدافع لما تسيب رجلك و مش مظبوطة العربية و كمان لما تدوس بنزين بسرعة زى ما قلت تعطس بس مش مرة مرات و مع السحب اقصد سرعة عالية شوية ممكن تظبط شوية . هل دا اللى كان بيحصل معاك ؟؟

===

الغريبه وسبب انها ما جتشي على بالى انها مدتشي مدافع خالص
هى عطست فى البدايه وانا قلت كده مره واحده
لكن بعد كده كانت بتنتش كانى لسه بتلعم سواقه
وفعلا زى ما قلت حضرتك لما وصلت بيها للرابع كانت التقطيعه بسيطه جدا
لكن كل ده من غير مدافع !!!!!!!!!!!ده اللى كان بيحصل معايا

المشاركة الأصلية كتبت بواسطة aymanay32

متضايقش قوى انا حصلت معايا و غيرت الكوندنسر 5 مرات لحد ما اشتغل واحد منهم كويس و العربية اتظبطت

و من اول ما قرات الموضوع فى البداية كنت عاوز اكتب لك انه كوندنسر بس لما كملت الردود لقيتك اكتشفت المشكلة

و كل سنة و انت طيب

==

شكرا لحضرتك والحمد لله