الموضوع: علي بركة الله Gen2 _ 2008

اولا مفيش ولا عربيه مانيول موجوده فى التوكيل
ثانيا مفيش غير 4 عربيات هما اللى فاضلين فى التوكيل من رساله 2008 اللى لسه داخله امبارح وهما اوتوماتيك ولونهم مشمشى تقريبا
ثالثا انا حاجز بقالى شهر وكنت عاوزها اسبورت باكدج لونها فضى ومفيش ولا واحده سبورت باكدج
كل المعلومات دى وانا لسه داخل حالا من التوكيل

المشاركة الأصلية كتبت بواسطة mohameddawoud

اولا مفيش ولا عربيه مانيول موجوده فى التوكيل
ثانيا مفيش غير 4 عربيات هما اللى فاضلين فى التوكيل من رساله 2008 اللى لسه داخله امبارح وهما اوتوماتيك ولونهم مشمشى تقريبا
ثالثا انا حاجز بقالى شهر وكنت عاوزها اسبورت باكدج لونها فضى ومفيش ولا واحده سبورت باكدج
كل المعلومات دى وانا لسه داخل حالا من التوكيل

معلش استاذى

انته متأكد انهم باعوا ايه سيارات الأسبوع ده و فى اى فرع ؟؟؟؟

انا طلعوا عينى و معلوماتى ان السيارة دخلت المخازن فى الصحراوى انبارح الأربعاء باليل و لا يوجد توزيع إلا من يوم الأحد 2008 اوتماتيك
و لا يوجد سيارة واحدة فى اى من الفروع

برجاء المزيد من الإيضاح

لا يااخى مافيش تسليم الى الان التسليم من الاحد إن شاء الله والا كان زمانا استلمنا لاننا حجزنها بقالنا زياده عن شهر الالوان كله هايكون متوافر إن شاء الله احنا حجزين الاسود
اوتوماتيك مافيش مانيوال نزل المانيوال بعد شهر هاينزل مصر وسعر الاوتوماتيك 90 الف جنيه والاسبورت باكدج منها ب94ونصف المانيوال هاتكون 84 الف ونصف والاسبورت باكدج بتزيد اربعه الاف ونصف

mohameddawoud
sindbadffff
meramor81

شكراً للمشــاركة و التواصل

يعني نقدر نقول فى الانجــاز :

- الاتوماتيك = 90.000 جنية
- اتوماتيك اسبورت باكيدج = 94.500 جنية
- نصف مانيوال =84.500 جنية
- مانيوال اسبورت باكيدج =84.500+4.500 =89.000 جنية

- تسليم المانيوال او اى حجز بعـــد شهـر من الحجز -

طيب انا عموماً نازل القاهرة بكرة ان شاء الله و بعدي على التوكيل لو حد عايز يسأل عل حاجة يكتب لى و انا اسألة

بس سؤال قبل ما ادبس فى المشوار

هو التوكيل بيفتح يوم الجمعــــه

و سؤال صغير لــ ا/ meramor81
اللى نورت الموضوع و أفدتنا بالمعلومات عن الاسعار

اية الفرق بين (المانيوال / نصف مانيوال ) :p
معلش العبد لله لسة بيبتدى الطريق :o
انا اعرف يا مانيوال يا اتوماتيك .... الرمادى معرفوش :D

.......................
ممنوع الكتابة باللون الأحمر لإنه مخصص للإدارة فقط
برجاء مراجعة قوانين المنتدى
الإدارة - 3

كـــــدة اتنورت المحكمة يا ا / فهـــد :)
لكن ســـؤال علي الطاير : كماليات المانيوال اية ؟

بص ياباشا التوكيل مش بيفتح الجمعة شغال كل الاسبوع من الساعة 10 الصبح لحد 6 بالليل ماعدا الجمعة مش فاتح

مفيش نص مانيوال هو فى 1- مانيوال 2- ومانيوال سبورت باكدج

المانيوال فيها كل الكماليات والسبورت باكدج نفس الكماليات مع زيادة السبويلر (الجناح اللى ورى ) والعتب والاكصدام الامامى رياضى ومختلف شوية غير انى عرفت ان الفرش فى 2008 هايبقى رياضى فى السبورت باكدج

بالنسبة للحجز انا كنت هجيب موديل 2007 الصراحة لانى مش عايز انتظر وكنت خلاص بخلص فى عربية واحدة كانت باقية فى اسكندرية سودة سبورت باكدج بس العربية مخربشة وحاسس انها مرشوشة من ناحية الباب فصرفت نظر عنها خالص وهى اتباعت كمان بعد ماصرفت نظر عنها بيومين

فقررت انى استنى بقى موديل 2008 مانيوال سبورت باكدج وللعلم انا نازل احجز فى عز العرب يوم السبت ان شاء الله بتدفع 1000 ج وبيحجزلك والتسليم بتاعها هايبقى بالظبط على كلام اللى هناك يوم 10-5 شهر مايو يعنى وخلى بالك بالدور واسبقية الحجز وناس كتير حاجزة مانيوال هناك فانت لو خلاص استقريت عليها الحق احجز عشان تستلم فى اول شحنة وبدرى

اتمنى اكون رديت على اسئلتك وعلى فكرة تسليم الاوتوماتيك من يوم الاحد وياريت الناس تقولنا انطباعتها بقى من اللى هيستلموا خصوصا الفرش بتاع السبورت باكدج بقى فعلا مختلف عن الفرش العادى ولا لاء

.............................................
ممنوع الكتابة باللون الاحمر لإنه مخصص للإدارة فقط
برجاء مراجعة قوانين المنتدى
الإدارة - 3

المشاركة الأصلية كتبت بواسطة meramor81

لا إن شاء الله احنا حجزين الاسود
اوتوماتيك

ميرا انتى حاجزة اسود ففرش بيج ولا فرش اسود وانهو الافضل فرايك ؟؟؟