الموضوع: حد معاة invite تورنت ليش؟؟

المشاركة الأصلية كتبت بواسطة medo_2060

تمام ياباشا الكلام دا.. الف شكر لاهتمامك
بس كام واحد قالى لازم يكون ليك تقريبا اشتراك فى المواقع دى وبتبقى مقفوله فى عمل العضويات... وكمان هل كل موقع بيبقى ليه برنامج تحميل معين ولا بينزل ازاى
معلش هتعبك قولى ازاى اتعامل معاه

مش شرط تجيب موقع صعب ونادر علشان تلقيه كويس

يعني مثلا ناس كتير جدا بتحاول تجيب الليتش وانا كنت واحد منهم اول ما جبته حسيت بصدمة

اولا منزلتش منه 4 او 5 ملفات كتجربة بس تخيل بعد وقت كبير جدا في البحث عنه

السبب المواقع دي

iptorrents

zamunda

bitgamer

demonoid

اي بي تورنت من وجهة نظري افضل من الليتش وسهل جدا الحصول عليه وزاموندا رهيب بمعنى الكلمة وكل حاجة موجودة عليه برضوا وبيبقى فاتح التسجيل كل فترة يعني ممكن تسجل فيه بسهولة

بس خلي بالك من حاجة علشان ابقى انا في السليم

معظم مواقع التورنت بيبقى عليها اعلانات اباحية وعليها مواد وملفات اباحية علشان تبقى تاخد بالك

خصوصا زاموندا لان الاعلانات بتاعت الصفحة بتاعته بايظة على الاخر

فلو حتتعامل مع حاجة زي كده وبتستخدم فايرفوكس او كروم فيه اضافة ممتازة جدا اسمها اد بلوك

دي بتشاور على اي اعلان وتعمله فلترة ومش هيظهر معاك تاني خالص يعني الصفحة هتبقى بيضا

من هنا ممكن تنزل الاضافة دي حسب المتصفح بتاعك

https://addons.mozilla.org/ar/firefox/addon/1865/

https://chrome.google.com/extensions...biglidom?hl=ar

نرجع للموضوع الرئيسي

علشان تتعامل مع التورنت محتاج تنزل برنامج تورنت

افضل واحد ده utorrent

نزله من هنا

µTorrent - a (very) tiny BitTorrent client

بعدين هتدخل على اي ملف وتنزله من اي موقع تورنت سواء خاص او عام وبعدين هتفتحه من البرنامج وهو هيبتدي ينزل لوحده بدون تدخل منك حتى لو كان ا تيرا او اكتر

نزل بس البرنامج وشوف اي ملف محتاجه وانا هشوفهولك على تراكر مفتوح علشان تتعود على الجو

لان فيه نقطة مهمة جدا

التراكرات الخاصة اللي زي اي بي تورنت والليتش والدايموند والزاموندا ..... الخ

بتبقى شغالة بنظام اسمه الرشيو ... يعني ايه راشيو

ببساطة لازم اللي تنزله لازم ترفع زيه ... يعني ايه برضوا

افرض نزلت ملف 1 جيجا لازم ترفع برضوا 1 جيجا

طيب ترفع ازاي ؟؟ الملف هو وبينزل بيعمل عمليتين عملية داونلود ( تنزيل ) وعملية ابلود ( رفع )

يعني زي ما بتنزل الجزء اللي نزلته من الملف في نفس الوقت بترفعه لناس تانية بتحاول تنزل الملف ده في نفس الوقت

وبعد انت ما بتخلص تنزيل الملف تماما بتسيب البرنامج مفتوح علشان هو شغال بيرفع لناس تانية

وطبعا كل ما رفعت كتير كل ما الرشيو اللي اتكلمنا عليه زاد وده طبعا بيحسن موقفك في التراكر وبيخليك متطردش

لان لو الرشيو في المواقع الخاصة باظ عندك جامد ممكن عضويتك تتلغي وتنطرد من التراكر ده

على فكرة فيه برضوا تراكرات عربي متخصصة في الافلام اغاني مسرحيات مسلسلات زي

arabfilms

arabseries

arab-torrents.net

arabits.org

sharingcode

ودي ميزتها انك بتلاقي الفيلم نزل عليها اول مينزل على ديفيدي يعني نسخة اصلية طبعا غير الالبومات ... الخ غير فيها ناس بتسجل المسلسلات والكليبات وغيرها

ايه كل اللي كتبته ده يا خبر

شوف كده الدنيا معاك ايه واي سؤال انا معاك

المشاركة الأصلية كتبت بواسطة medo_2060

MRBEBO باشا بجد مش عارف اشكرك ازاى....
انا نزلت البرنامج خلاص .. دلوقتى مثلا عايز انزل الموسم السادس من مسلسل lost دخلت على المواقع الى فوق مفيش تسجيل مفتوح حاليا...
وكمان كنت عايز اعرف ايه ميزه التورنت عن التحميل المباشر زى الميديافير مثلا عشان حجم الملفات بيبقى كبير ولا كمان السرعه...
وتانى عاجزين عن الشكر ياباشا والله

العفو

بس انت مقولتش عاوز الموسم السادس درجة وضوح الفيديو ايه ؟

الهاي دفنيشن الموسم السادس بيعمل تقريبا 40 جيجا ولو عاوز حاجة اقل شوية فيه 7 جيجا و 4 جيجا و 3 جيجا

ودي ميزة من مميزات التورنت انك بتلاقي الحاجة الواحد بكذا نسخة حسب الجودة اللي بتحبها

الميزة زي ما قولتلك لو التراكر كويس والسيدرز او الرافعين عددهم كويس بتحمل بكامل سرعتك

تاني ميزة لو حتى ملف كبير جدا بيبقى بلينك واحد مش عشرين لينك كل ما يخلص واحد لازم انت تديله امر علشان ينزل اللينك اللي بعده لا ده شغال دايركت بدون تدخل منك حتى لو سبت الجهاز ونمت

واهم ميزة كمية الملفات وتنوعها مش هتلاقيه غير في التورنت

والتجربة اهم من الكلام لازم تجرب بنفسك وتشوف هل الموضوع مستهويك ولا لا

ممكن تاخد دعوة demonoid من حازم باشا وتجرب الدنيا

على فكرة demonoid برضوا عليه الموسم السادس كامل نسخ كتير جدا من اول 40 جيجا لغاية 3 جيجا للموسم كامل حسب الجودة

المشاركة الأصلية كتبت بواسطة hazoom2006

لو حد عايز دعوه ل arab-torrents.net او demonoid

يبعتلى ايميلة

see ur private mailbox
i have send u message on private
thx in advance

تورينت ليتش كان فاتح الدعوات بمناسبة افتتاحه لقسم البلاي ستيشن 3

جربوا تدخلوا عليه يمكن يكون لسة فاتح