الموضوع: تجربة عملتها بعد نصيحة أحد الأعضاء ،، و أدي النتييييجة

طيب أن شاء الله ،، بس خوفي من البوجيهات المرطبة و المواويل اللي مريت بيها في الكرنك ،، قصدي ال 128 ،، اللي كانت معايا ، هو اللي كان مخوفني يا أستاذ كريم والله مش تقصير مني ،، و مكدبش عليك،، لسة حتى الأن متخوف من الحكاية دي ،، كده مش ناقصني غير أني أعرف حد نضيف أو توكيل نضيف لأي ماركة بوجيهات نضيفة "زي ال ngk" و أروح أشتريهم ،، بس يا ترا فيه طريقة أعرف بها البوجيهات مرطبة ولا ؟!!

المشاركة الأصلية كتبت بواسطة a1_elsherif

يباشا اعتقد كده كتير اوي علي البوجيهات ولازم يكون السحب عندك مش تمام والعربيه موديل 2006 انا 2007 وغيرتهم من زمان بس لازم تجيب الاصلي بتاع العربيه عشان الكمبيوتر بتاعها انا جبت ngk في الاول والعربيه كانت بتبطل وهي ماشيه بص ده نوع البوجيهات من الكاتلوج عندي ودول اللي انا ركبتهم
Champion RC7YCC

سبحان الله ، انت حصل معاك زي اللي حصل مع واحد شوفنه في الضمان ،، و قاللوله ان البوجيهات كانت حتبوظ العربية و كارتة الكمبيوتر ،، ة أضطر انه يغيرها بلأصلي من الضمان ،، فأنا الصراحة مش عارف الكمبيوتر اللي بيدلع ده ،،و عمال ستفذني كل مدى ،، :))

أزاي مش عارف يشتغل على بوجبهات تاني ،، يمكن كان عايز يتظبط أكتر ؟!!

المشاركة الأصلية كتبت بواسطة karimfahmy99

99% ممكن تبطيل العربية كان عشان فتحات البوجية كانت مش صح او اتخبطط و قفل السن زيادة . ال ngk من انضف الانواع الحالية و الخوف فى الشامبيون لان السحب عليها بقى قليل هوا اللى ممكن يكون مرطب . المهم فى الموضوع انك تشترى من محل بيبيع و علية زباين لانة اكيد البضاعة عندة بتكون طازة و مش مركونة و موضوع البوجيهات المرطبة اعتقد بطل من زمان و ذلك لسهولة المعاملات الجمركية و سرعتها عما سبق فمتقلقش من الموضوع دا

استاذ كريم ،حضرتك عضو بجد غاية في الذوق ، و شكراً لرد حضررتك و متابعتك معي في موضوعي ،، بس مش عار انا كده قلقت بقى عشان دي تاني حالة تغير البوجيهات في العربية الدلوعة دي :)) و يحص كده
ططبعا العربية مش دلوعة ولا حاجة دي حمالة أسسية :) بس التعديلات فيها مقرفة شوية كتييييير خالص آخر حاجة ،،

بس كده أنا ححاول أدور أكتر اليومين دول عن هل ممكن أركب ال "ngk" عشان نفس السبب اللي حضرتك قلت عليه يا أستاذ كريم ،، و في نفس الوقت أحذر من اللي حصل مع الأخ "الشريف"

أن شاء الله ..

المشاركة الأصلية كتبت بواسطة windsofchange

سمسم باشا انا ولله اعلم قريت علي منظف بوابة الكربيراتير علي مااتذكر تنظف البوابة والعربية باردة الصبح مش سخنة لأن لو سخنة غلط

والله يا باشا ،، أتذكر حاجة زي كده برده ،، عشان الخليط قابل للأشتعال أو حاجة زي كده ،، بس مش فاكر ،، و أنا لما عملتها كانت سخنة شوية ،، أعمل أيه بقى أنا أتغابيت , بس أنا برده فاكر كده ،، و حصل معايا حاجة غبية برده ،، و هية أني و أنا برشش ،، أيدي أتهزت و رشيت على سنسور الهوا "mafs" و أنا موصله :) و قعد يطلع شارز و العربية تقطع و هوب تبطل ،، لالا بس ربكك بيستر :) ،، و ادينا أتعلمنا الحمد لله

و شكراً لنصيحة حضرتك :))