تحذير واجب من محطة بنزين التعاون أسفل كوبري الدقي

كل سنة و انتوا طيببين مبدئياً
ندخل في الموضوع
تشاء الظروف اني امون من محطة التعاون الي على ناصية شارع مصدق اسفل كوبري الدقي بنزين 92 ( أنا معايا أفيو 2008 )
المهم حسيت باختلاف في الاستهلاك بس ما حتطش في دماغي قولت يمكن علشان بشغل التكييف كتير
اخر مرة مونت منها لقيتها خرفت زيادة عن اللزوم 32 لتر مشيت 220 كيلو يعني اللتر بيعمل 6.8 كم طبعاً كتير جداً على عربية 1500
المهم دي كانت تالت مرة و أخر مرة كنت ناوي بعد العيد اروح أكشف على العربية و لكن تشاء الظروف اني امون من أمارات مصر و العربية رجعت زي ما كانت يعني انا عامل بالتفويلة بتاعة الأمارات 220 كم و المؤشر قبل النص بحاجة بسيطة و ده تقريباً الطبيعي بتاعها
لكن لما مونت من التعاون أخر مرة كان الـ 220 كم و الموؤشر تخطى الشرطة التالتة في العداد
انا حبيت أحذر كم منها
و كل سنة و انتو طيبين

فعلاً هى بتفرق من محطة للتانية وده ليه كذا سبب

انا بس عاوز اقولكم على شويه حاجات تعملوها وانتم بتفولوا العربيه

اولاً : حاول متمونش فى اوات الظهر وبالذات والجو حر لأن نسبه بخر البنزين من الحرارة العاليه بتكون مرتفعه

ثانياً : حاول تخلى الراجل اللى بيمون ميعملش المسدس على اقصى سرعه ليه لأن بردوا اندفاع البنزين بسرعه عاليه فى التانك بيخليه يديلك نسبه بخر بتأثر على العوامه تخليها ترتفع ( قراءة خاطئة )

اقتباس:

---

المشاركة الأصلية كتبت بواسطة أشرف العدوي

كل سنة و انتوا طيببين مبدئياً
ندخل في الموضوع
تشاء الظروف اني امون من محطة التعاون الي على ناصية شارع مصدق اسفل كوبري الدقي بنزين 92 ( أنا معايا أفيو 2008 )
المهم حسيت باختلاف في الاستهلاك بس ما حتطش في دماغي قولت يمكن علشان بشغل التكييف كتير
اخر مرة مونت منها لقيتها خرفت زيادة عن اللزوم 32 لتر مشيت 220 كيلو يعني اللتر بيعمل 6.8 كم طبعاً كتير جداً على عربية 1500
المهم دي كانت تالت مرة و أخر مرة كنت ناوي بعد العيد اروح أكشف على العربية و لكن تشاء الظروف اني امون من أمارات مصر و العربية رجعت زي ما كانت يعني انا عامل بالتفويلة بتاعة الأمارات 220 كم و المؤشر قبل النص بحاجة بسيطة و ده تقريباً الطبيعي بتاعها
لكن لما مونت من التعاون أخر مرة كان الـ 220 كم و الموؤشر تخطى الشرطة التالتة في العداد
انا حبيت أحذر كم منها
و كل سنة و انتو طيبين

---

انا حصلى نفس الشىء بنزينة حرمية خلى بالكم منها

شكرا على التحذير

شكرا يا ابو اسر
وكلام اخونا هارون سليم جدا

مشكور على التحذير

مشكوررررررررررررررررررررر ر

عليكم و على بنزينة موبيل اللي في صلاح سالم
هتفضل ماشي لحد ما تلاقيها على ايدك الشمال و هتلف من تحت الكوبري (اوعى تطلعه) و ترجع تاني و هتدعولي

انا باجي من فيصل مخصوص و الفرق يستاهل

فعلاً نصابين وكمان بتاع ظبط الزوايا نصاب
انا بمون من شيل اللي في آخر كوبري عباس من ناحية المنيل جربتها كذا مرره والعربيه (لانسر 1600) بتعمل في حدود 230 كيلو على النص

اقتباس:

---

المشاركة الأصلية كتبت بواسطة ralliart

فعلاً نصابين وكمان بتاع ظبط الزوايا نصاب
انا بمون من شيل اللي في آخر كوبري عباس من ناحية المنيل جربتها كذا مرره والعربيه (لانسر 1600) بتعمل في حدود 230 كيلو على النص

---

بتاع ظبط الزوايا الي في البنزينة دي لهف مني 110 جنيه قبل كدة و عوجلي الدركسيون و الزوايا ما أتظبتطش بردو
للعلم كنت بكشف عليها للاطمئنان فقط و هو بوظلي الدنيا حسبي الله و نعم الوكيل فيه

اولا مبروك لتغيير الاسم مع اني شايف اسم ابو اسر سابقا كان تمام وثانيا بدون زعل انا شايف ان بنزينة التعاون من اسوء البنزينات بمصر كفاية منظرها الخارجي متغيرش من ساعة ما عملوها ولا بيفكروا يغيروه وثالثا انا مدخلش بنزينة فيها بنزين 80 لسبب والله اعلم انهم بيخلطوا البنزين وكمان سرعة التغيير البنزين في الخزانات بيسبب حركة الرواساب يعني همون بنزين مخلط وكمان فيه شوائب يعني خراب من كل جانب وبعدين يا اشرف باشا انت جانبك بنزينة الامارات محترمة والي تعرفة احسن من الي متعرفوش وكفايه وانت داخل بتحس انك فعلا في بنزينة بره مصر

وايه السبب ي ترى
طالما العربية تتفول
بتحصل معايا احيانا بحس ان تفويلة بتفرق عن تفويلة تانية بس مش عارف ايه السبب!!!!
حد عنده فكرة؟

بنزينة موبيل اللى في جسر السويس ناصية احمد عصمت امام بوابة نادي الشمس لصوص ونصابين عن تجربة

على فكره أنا لسه ممون منها قريب و محستش بفرق

أنا ساكن هناك بس أغلب تعاملي مع موبيل اللي في البطل أحمد

المحطة دى على طول بعدى عليها و عمرى ما فكرت امون فيها .... شكلها ميطمنش

اقتباس:

---

المشاركة الأصلية كتبت بواسطة msafa

عليكم و على بنزينة موبيل اللي في صلاح سالم
هتفضل ماشي لحد ما تلاقيها على ايدك الشمال و هتلف من تحت الكوبري (اوعى تطلعه) و ترجع تاني و هتدعولي

انا باجي من فيصل مخصوص و الفرق يستاهل

---

جرب شل البحر الاعظم هتعجبك باذن الله

اقتباس:

---

المشاركة الأصلية كتبت بواسطة maka

المحطة دى على طول بعدى عليها و عمرى ما فكرت امون فيها .... شكلها ميطمنش




جرب شل البحر الاعظم هتعجبك باذن الله

---

شكرا على التخذير

وفعلا انا من زمان مبطمنش للمحطة دي يعني اذا كان منظرها من فوق بالشكل البالي دة امال خزانات البنزين تحت هتبقى عاملة ازاي

بس لازم ناخد بالنا من نقطة تانية مهمة

الحكم على عدد اللترات المستهلكة مع المسافة المقطوعه لا يصلح الا على الطرق السريعة لأنك داخل المدينة ممكن تاخد المشوار الـ 20 كيلو مره في 10 دقايق ومره في ساعة كاملة حسب الزحمة

يعني العربية دايرة لمدة ساعة ومشيت نفس المسافة اللي مشيتها في 10 دقائق فالحكم على استهلاك البنزين بالمسافة المقطوعة داخل المدينة هيبقى غير صحيح

هو انا لاحظت فرق الأستهلاك الرهيب
لاني بعمل نفس المشاوير كل يوم من نفس الطرق و الفرق فعلاً كان رهيب
يعني انا مفول دلوقتي من امارات مصر عامل تقريباً 230 كم و المؤشر لسة ما وصلش للنص هبقى اصوره
و ساعات بتفرق في موبيل بس مش الفرق الرهيب بتاع بنزينة التعاون دي يعني علشان اوضح الأمر العربية تقريباً كانت بتستهلك الضعف او أقل قليلاً

اقتباس:

---

المشاركة الأصلية كتبت بواسطة أشرف العدوي

بتاع ظبط الزوايا الي في البنزينة دي لهف مني 110 جنيه قبل كدة و عوجلي الدركسيون و الزوايا ما أتظبتطش بردو
للعلم كنت بكشف عليها للاطمئنان فقط و هو بوظلي الدنيا حسبي الله و نعم الوكيل فيه

---

لا والاسوأ انه كان مع واحد صاحبي بيجرب العربيه بعد ظبط الزوايا وصاحبي اللي سايق وقام الراجل مادد ايده على الدركسيون بدون سبب ولفه والعربيه اتدمرت واتكلف كتير وكان مبرره انه بيفادي بلاعه !!! مع انه مش هو اللي سايق !
واكتشفت بعد كده انه مبيعرفش يسوق اصلاً !

اقتباس:

---

المشاركة الأصلية كتبت بواسطة ralliart

لا والاسوأ انه كان مع واحد صاحبي بيجرب العربيه بعد ظبط الزوايا وصاحبي اللي سايق وقام الراجل مادد ايده على الدركسيون بدون سبب ولفه والعربيه اتدمرت واتكلف كتير وكان مبرره انه بيفادي بلاعه !!! مع انه مش هو اللي سايق !
واكتشفت بعد كده انه مبيعرفش يسوق اصلاً !

---

يا خبر ابيض
ده طلع نصاب و متخلف
حسبي الله و نعم الوكيل فيه

شكرا على التحذير

اقتباس:

---

المشاركة الأصلية كتبت بواسطة ralliart

لا والاسوأ انه كان مع واحد صاحبي بيجرب العربيه بعد ظبط الزوايا وصاحبي اللي سايق وقام الراجل مادد ايده على الدركسيون بدون سبب ولفه والعربيه اتدمرت واتكلف كتير وكان مبرره انه بيفادي بلاعه !!! مع انه مش هو اللي سايق !
واكتشفت بعد كده انه مبيعرفش يسوق اصلاً !

---

لا حول ولا قوة الا بالله

شكرا على التحذير

امبارح كنت راجع من الغردقه و البنزين مكنش هيكمل لحد القاهرة و كنت في عرض اي بنزينه لحد ما لقيت بنزينه في راس غارب ببص لقيتها التعاون و الله ما رضيت امون و قلت اكمل لحد الزعفرانه و امون من موبيل و اللي يحصل يحصل لو حتي هزق العربيه
بلاش البنزينه دي يا جماعه

اللى اعرفه ان محطات وطنية بنزينها هوه هواه بنزين التعاون لأنها بتمون من عربياتها
فغالبا اللى بيديروا المحطات معظمهم معندوش ضمير

دي صورة لمؤشر البنزين و تحتيه عداد الكيلو متر الي مشيته بالتفويلة دي

لما فولت من التعاون كنت ماشي 220 كم و المؤشر تحت الشرطة التالتة
http://img337.imageshack.us/img337/8452/photo0065j.jpg
http://www.nilemotors.net/Nile/%3Ca%...to0065j.th.jpghttp://www.nilemotors.net/Nile/%3Ca%...photo0065j.jpghttp://www.nilemotors.net/Nile/%3Ca%...to0065j.th.jpg

امال ايه العمل لو عرفت ان البنزين مخلوط بمياه يا ناس
افجر البنزينه

لو قولت اللي في نفسي عن المحطة دي و اللي بيشتغلوا فيها مش حيكفي الادارة فيا وقف للابد
الراجل عادل بتاع الزوايا منة لله, و سعيد بتاع الكاوتش ده خسارة فية الدعاء عليه

لكن الناس بتوع غسيل العربيات مش بطالين, اصل مفيش مجال للنصب.

شكرا على التحذير

يا جماعة باختصار محدش يحط بنزين من محطة مصرية... دايماً خليك مع الاجانب زي شل وموبيل، عشان لما يخربوها تلاقي حد تشتكيه

اقتباس:

---

المشاركة الأصلية كتبت بواسطة dayun

انا حصلى نفس الشىء بنزينة حرمية خلى بالكم منها

---

ومش حرام عليك برضه تمون الفيرارى واللامبورجينى من بنزينه زى دى ؟؟:ma:

كل بنزينات التعاون مش مريحة , لو مفيش غيرها برده مش همون.

انا كنت بمون من التعاون من قديم الازل الى فى المنيل لحد ما اتعرف انها بتغش فى البنزين