قطع غيار السوزوكي سويفت

**furp** · 14-03-2008 01:24 AM

احلي شباب
السلام عليكم ورحمة الله وبركاته

قدامي عربيه ممتازه سويفت خليجي 96 1600 cc كامله ماعدا التكييف وكله حاجه فيها ممتازه يعني كوتش وبطاريه وطقم صوت وهيا عجباني قووووووووووي

بس في مشكلة الاولي ناس بتخوفني من قطع الغيار انها غاليه ومش موجوده كتير والموجود معظمه الاستيراد وكمان بعد فتره مش هيبقي موجود

الحاجه التانيه ان العربيه مش بياعه او تقيله في بيعه ولو حبيت اغير هتبقي مشكله

فمش عارف اعمل ايه فعلا ارجو حد يبفيدني ويرد عليا وعلي العلم العربيه اخرها 35 الف

**hazem_khidr** · 14-03-2008 04:07 AM

اهلا و سهلا بيك اخي الحبيب.
بالنسبه للسويفت ف هيا عربيه كويسه جدا و معايا و مش بتستهلك قطع غيار خالص بصراحه بس انا بهتم بيها دايما.\
لكن الموتور ال 1600 دا مش حتلاقي قطع غيار له.
كل الللي فوق 94 في السوق مصري فاشك انها خليجي .
راي لو عاوز سويفت هات واحده يابني 93 او 94 في نفس الحدود لكن بتبقي 1300 و بالتكييف

**furp** · 15-03-2008 01:49 AM

الف شكر ليك ياستاذ حازم

نصيحتك قيمه فعلا

لاني فعلا عمال اسال عن 1600 فمعظم الناس مستغربه وده معناه انه مفيش انتشار وبالتالي هتكون في مشكلة في قطع الغيار

وفعلا المشوره بتخليك مطمئن

لكن من ناحيه اخري ما مدي ثبات العربيه معاك لان كل الناس بتشتكي من ثبات السويفت وخصوصا المصري

وبارك الله فيك

**hazem_khidr** · 15-03-2008 02:22 AM

بص يا باشا
انا بجيب بالسويفت 140 و 150 و معنديش مشكل في ثباتها نهائي الحمد لله .
عربيتي 93 ياباني و بصراحه مريحاني جدا فلو في نيتك السويفت استخير ربنا و توكل علي الله ما تقلقش بس اهم حاجه الحاله