هو ينفع ان الزوج يجدد بطاقة زوجته الشخصية بالاحوال المدنية بدون حضورها و بدون توكيل علما بأن ورق التجديد مستوفي البيانات ؟ و هل في التجديد بيتطلب تصوير فوتوغرافي تاني ؟ و كل عام و طيبين .
عرض للطباعة
هو ينفع ان الزوج يجدد بطاقة زوجته الشخصية بالاحوال المدنية بدون حضورها و بدون توكيل علما بأن ورق التجديد مستوفي البيانات ؟ و هل في التجديد بيتطلب تصوير فوتوغرافي تاني ؟ و كل عام و طيبين .
مينفعش ازاى بس يا باشا ممكن تدفع فلوس بس مين حا يتصور دة من وجهة نظر السجل المدنى خطر لانهم سيظنو وجود شبهة و تلاعب تروح زوجتك معاك و تقف معاها و تخش تتصور و العملية تمشى غير كدة لآ
لازم يشوفوها عشان لو شكلها اتغير من وجهة نظرهم بتتصور تاني
الا اذا هتحط الصورة القديمه بدون تغيير بس دى فى حاله ان شكل المدام متغيرش كتير عن الصورة القديمه
يا جماعة البطاقة الكارتون أتلغت من زمااااااااااااااااااااان دلوقتى بطاقة رقم قومى مش ممكن أبدا و لازم ننصور و فى التصوير الزوج حا يستنى برة و الى بيعمل بطاقة بس هو الى بيدخل دة سجل مدنى مش عيادة طبيب و الناس الى هناك عفوا أخرهم فى التعليم و الذكاء تحت الصفر كل واحد حا يطلع لك بكلمة و يوقف لك المراكب السايرة خد المدام يا باشا و ممنوع حد يقدم الورق الا صاحب الشأن
باشا بص فى سجل مدنى مدينة نصر شوفت ناس عواجيز و على كرسى متحرك لازم صاجب الشأن غير كدة لآ حا يفتكر أنك بتعمل حاجة مش مظبوطة لازم المدام تبقى معاك و طابور الستات أرحم و اقصر من طابور الرجالة و بيتعاملو بصورة ألطف و ابقى خد معاك الؤهل و كافة الاوراق علشان ما تضربش المشوار كذا مرة و لو كانت بتشتغل أختم من التأمينات الاجتماعية الورق و جط الوظيفة
شكرا للمساعدة و التوضيح ، و كل عام و انتم جميعا بكل خير
لابد من حصور الشخص بنفسه , و يستثنى من ذلك حالة ما اذا كان طالب التجديد متجاوز ال 67 سنة , لكن فيه طريقة تانى تعفيك و تعفى المدام من المشوار لكن شرطها الوحيد ان البطاقة تكون لسة ما انتهتش و لو حتى بكون فاضل عليها شهر واحد , هى انك تستخرج البطاقة بدل فاقد او تالف اليكترونيا من موقع الحكومة الالكترونية على النت , فى الحالة دى هتجيلك البطاقة لحد البيت بتاريخ جديد و هتدفع التكلفة عند استلامها. الموقع بتاعهم اهه.
https://secure.cso.gov.eg/prerequest.aspx?serviceid=2
معلش سؤال هي صلاحية بطاقة الرقم القومي اد ايه علشان نسيت ؟