موضوع غايظنى جدا فى المنتدى

**ahmad--ezzat** · 12-09-2010 02:45 PM

السلام عليكم ورحمه الله وبركاته
.
.
.
مش فاهم ليه الناس مبتدورش فى المنتدى على المواضيع اللى عايزاها واللى محتاجنها...ليه المواضيع بتتكرر عمال على بطال...على سبيل المثال..تلاقى عضو كاتب
1-افيو ولا لانوس
2-صنى ولا اوبترا
3-سيراتو ولا النترا
4-ايه رايكم فى الجين 2
5-لانوس افضل ولا فيرنا

بصراحه حجات تغيظ....وبعض المواضيع بتبقى فى المواضيع المثبته كمان...احنا عندنا البحث...ليه محدش بيستخدمه
ليه الناس مبتدورش؟؟؟؟؟؟؟ دة حتى هيستفادو اكتر ويلاقوا كل حاجه بالتفصيل الممل اكتر ما كانو عايزين كمان....بلاش يا جماعه تكرار المواضيع....وكل حاجه موجوده ما شاء الله

انا قليل لما بعمل مواضيع استفسارات غير ماكون فليت المنتدى
وكمان يارب نختار كلمات كويسه لعنوان المواضيع بلاش الحقونى ويلاهوى ويوم اسود ومنيل والكلام دة ....كله خير ان شاء الله وكله بيتحل

تقبلوا مرورى.........

**Soma_Sooma** · 12-09-2010 02:58 PM

المفروض المواضيع المكررة المشرف عالقسم بيبعت اللينك للشخص اللى طارح الموضوع ويغلق وبعد يوم يحذف

وطبعا عندك حق ان كل واحد يعمل بحث الأول عن الموضوع قبل الكتابة

وبالنسبة للعناوين مكتوب فى قوانين المنتدى ان العنوان يوضح صلب الموضوع ودة انت عندك حق فية ومن حق المشرف عالقسم انة لو لقى كلمة غير لائقة ممكن يغيرها

**hazoom2006** · 12-09-2010 03:04 PM

انا معاك انها حاجة غريبة وانا مش بسال غير لما مالقيش اجابه او الاجابة مش كامله

بس فى ناس مثلا بتسال على العربيه زى مثلا الكروز لسة جديده فبيعمل موضوع جديد يمكن فى مشكلة ظهرت مع حد فى العربيه او فى راى جديد او يكون فى عربيه تانية مكنش يعرفها فى نفس الفئه وسعرها اقل

وفى ناس عايزة تشوف اراء اكتر علشان دى تحويشة العمر وعايز يجيب حاجة كويسة ومناسبة

وفى ناس مالهاش فى النت والمنتديات ومتعرفش ازاى تعمل بحث

وفى الاول والاخر لازم نلتمس العذر لبعض محدش عارف ظروف الناس

**ahmad--ezzat** · 12-09-2010 03:08 PM

المشاركة الأصلية كتبت بواسطة Soma_Sooma

الموضوع ودة انت عندك حق فية ومن حق المشرف عالقسم انة لو لقى كلمة غير لائقة ممكن يغيرها

بشوف كتير ومفيش اى قرارات الصراحه

المشاركة الأصلية كتبت بواسطة hazoom2006

وفى ناس مالهاش فى النت والمنتديات ومتعرفش ازاى تعمل بحث

وفى الاول والاخر لازم نلتمس العذر لبعض محدش عارف ظروف الناس

بالظبط...بس الموضوع زاد كتير.....بس برده زى منت قلت محدش يعرف ظروف الناس فى تكرار المواضيع....بس غير كده فى ناس تعملك تلت اربع مواضيع ويرميهم فى كل قسم...دة عزره ايه مش فاهم

....

**mazagngi2010** · 12-09-2010 03:14 PM

نسيت التكييفات والشاشات والفلاتر؟؟

**ASKAFRAWY** · 12-09-2010 03:16 PM

اقول لحضرتك حاجة كمان...ان المواضيع دى بتتكلم مثلا عن موديل 2009 او 2008
فلو البحث لقيت فى مقارنة قديمة فممكن ينشط الموضوع و يسأل عن المقارنة بتاعاته عشا يكون موضوع واحد مثبت فيه مثلا الفيرنا والانوس من موديل 2008 الى 2010
يعنى اقصد موديل السنة بيفرق فى المقارنات ممكن الادارة لو لقت الموضوع مكرر تحذفه او لو لقت الموضوع ببيتكلم عن نفس نوع السيارة بس موديل احدث تضيفه على الموضوع القديم بحيث لما استخدم محرك البحث ملاقيش عشرين موضوع بيتكلموا عن نفس المقارنة

**ahmad--ezzat** · 12-09-2010 03:22 PM

المشاركة الأصلية كتبت بواسطة shiko85

المشكله بعد البحث عن الموضوع المطلوب و مشاهده المشاركات هتلاقى حاجات كتير ملهاش لازمه

انا بقول لحضرتك مواضيع مكرره....ازاى الردود ملهاش لازمه؟؟؟؟؟؟؟؟؟

هيا هيا نفس الردود المطلوبه لاجابه العضو صاحب الموضوع المكرر

**رزق** · 12-09-2010 03:29 PM

بص يا فندم أنا مشفتش منتدى اجنبي أو عربي مفيهوش المشكلة دي.
في ناس حتى تبقى تدخل بدل ماترد تديله لينك البحث
فـمتألقش نفسك..
كمان مثلا افرض أنا عندي مشكلة..ولقيت موضوع فيه المشكلة نفسها بس قديم..سنة ولا 2 يعني ..مش حينفع اضيف ليه عشان ساعتها حيبقى برجع الموضوع ده لقدام فالناس الداخلة ممكن ماتفهمش إن الموضوع ده قديم..

-

-

الموضوع: موضوع غايظنى جدا فى المنتدى

LinkBack

أدوات الموضوع

عرض

موضوع غايظنى جدا فى المنتدى - انشر الموضوع فى :

-

-

-

-

-

-

المواضيع المتشابهه

طلب فى إيجاد موضوع هنا فى المنتدى

ايه احلى موضوع في المنتدى ؟

الكلمات الدلالية لهذا الموضوع

المفضلات

المفضلات

ضوابط المشاركة