الموضوع: إسعفني..شكرا..

السلام عليكم.. شحوالكم شخباركم..وشحتوني العيد دا كتير

بس الظاهر حد عينه مش ولابد بصلي في الاجازة دي ونبرلي فيهافخلاني اقضيها

برده فلمستشفي بس المرة دي نزيلة ..لالا مش أنا

دي والدتي

اتحسدت ياعيني قبل العيد بيومين كنت فغيبوبة تامة لانه اول يوم اغيبه من اول رمضان.. ومرات

البواب نازلة خبط ورزع وتسكيع ..والاقي صريخ صرييييييييخ...قلت اكيد دي الشيطانة اسراء بنتها وزودت اوسائد الهوائية اللي حطاها علي ودني

والصريخ بيزداد...الله الله ..دا صريخ باسمي

دنا اسمي موجووووووووووووود..اتاريها ماما ياعيني كانت بتعدي من فوق حاة وهووووووب اتكعبلت ووقعت جامد... وعمالة تصرخ تصرخ ومش عارفة اي اللي بيوجعها بظبط

ونا كأني مخبوطة علي راسي مش عارفة لا اقومها ولا اقعدها ولا اعمل اي..ولا عارفة ولا هي عارفة فين المشكلة... بقيت اطلب فكل الاسعاف بتاع المستشفيات زي المجنونة ومفيش حد راضي ييجي..مأنقذناش في الاخر غير 123 الاسعاف الحكومي..ربنا يكرمهم يارب ويجازيهم كل خير

جم بعد 10 دقايق بظبط اينعم عدوا كأنهم 10 ساعات واتصلت بيهم فيها خمستاشر مرة

لكن بصراحة جم بسرعة وطلعت عنيهم معانا الله يخليكم تدعولهم... وماما اللي يلمس صباعها بس تصرخ صريخ جامد جدا لدرجة العمارتين اللي جنبنا كلهم طلعوا الشبابيك

وفيييييييين بعد نص ساعة قدرنا ننزل وطلعنا علمستشفي طلع عندها خلع فكتف... وكسر فلدراع التاني..نخيلوا..الاتنين وطبعا دخلت العمليات لانها مكنتش هتستحمل الرد وهي صاحية

آه ياني... كان يوج جميل بصراحة من اوله ولحد مخرجت بلليل مكنش حد يعرف رحت مبلغه اخويا بسرعة وقفلت الموبايل عشان عارفه سيل التليفونات اللي هينهال عليه علشان يزعقولي

وقضيت الويك اند بتاعي فمستشفي الهرموبرده نفخت البلالين في الاوضة وعيدت هناك بطريقتي الخاصة...

يلا دعواتكم بقي للست الوالدة علشان هي داخلة فدور اكتئاب جامد ومش واخدة ع الرقدة ومقتنعه تماما انها لازم تنزل الشغل الصبح