عايز احجز صيانه الالف بروتون ساجا .....و تجربه السفر

**mahmoud18** · 12-09-2010 06:35 PM

السلام عليكم

اولا عيد سعيد على كل الاعضاء الجمديين اوى
يارب تكونوا ظبتوا الدنيا فى العيد
ان شاء الله ربنا يتقبل صيامكوا و يجعلكوا من العتقاء من النار

ثانيا بقى انا عايز احجز صيانه الالف للساجا
انا لسه راجع بيها من الساحل
بجد بسم الله ماشاء الله عليها
انا بحمد ربنا عليها وان ربنا هدانى و وفقنى بعد الاستخاره انى اجبها
بجد ثبات على الطريق تسارع مرضى جدا حتى مع التكيف و تكيف بسم الله ماشاء الله ثلاجه (شغلتوا و انا راجع الساعه 12 الظهر على 2 علشاء سقعت :dو كنت مركب فى العربيه 4 و كمان ماشى على 120-130 .ده انا جبت بيها و انا رايح 160 و ماشاء الله ثبات تحفه,انا عارف انى مش مفروض اقرص على العربيه و دا غلط بس كان عندى فضول هيموتنى و كنت عايز اثق فى العربيه اكتر من منا واثق علشان لسه فى ناس عماله تقولى دى 1300 و كلام كده بيحبت فحبيت اطمن نفسى علشان اتاكد انى بفضل الله اخترت صح احمدك و اشكر فضلك يارب )
المهم انا كنت عايز اعرف ازاى احجز الصيانه اكلم رقم كام و ينفع اروح بكره
شكرا جدا ليكو ربنا يكرمنا و يحفظنا من كل شر على الطريق ان شاء الله

**smase** · 23-09-2010 08:19 PM

الف مبروك على الساجا
انا كمان كنت بفكر اجيب الاوتوماتيك بس قلقان من حكاية انها 1300 و مع التكييف و الاوزان هيبقى سحبها ضعيف بس بصراحة كلامك طمننى جدا

**spiderloking** · 24-09-2010 12:08 AM

اولا الف مبروك علي العربيه و حمدالله علي السلامه يا رب تكون قضيت اجازه سعيده

ثانيا : ولاوني مستغرب من كلامك لأنوا المفروض مكنتش تقرص علي العربيه و هيه في التليين و تجيب بيها 160 في اول مشوار ليها تقريبا و 120 - 130 و بالتكييف بس عاوز اقولك انو العربيه فعلا بسم الله ما شاء الله عليها انا بس مختلف معاك في النقطه ديه انك المفروض كنت تستني عليها شويه بس لما تلين وتعمل صيانه ال 1000 و مكنتش كمان تشغل التكييف بس يلا مش مهم اهم حاجه ان الحمد لله العربيه عجباك و انت مبسوط منها و من ادائها معاك في الطريق و احب اطمن smase انو العربيه بجد تحفه انا معايا منها الاتوماتيك و سحبها حلو جدا و مع التكييف و متحسش ابدا انها 1300 خالص و الحمد لله محدش جاب العربيه ان كانت اتوماتيك او مانيوال و قال فيها حاجه وحشه خالص و الكويس انها بدأت تنتشر الحمد لله