الموضوع: حل لمشكلة استهلاك البنزين للساجا

أول حاجة حضرتك عامل كام كم لأن الاستهلاك فى الفترة الأولانية بتاعة التليين بتبقى عالية و ده لحد 10000 كم تقريبا كامن مش أول 5000 بس زى ما أغلب الناس فاكرة و الحاجة التانية و ده المهم إن زيادة السرعة عن 90 و ده مع أى عربية بيعلى استهلاك البنزين بنسبة كبيرة جدالأن مقاومة الهواء بتكون عالية جدا فوق ما تقدروا تتخيلوا لأن فيه نظرية فيزيائية عن الموضوع ده فى إن مقاومة الهواء دى ناتجة عن لزوجة الهواء و عشان تقدروا تتخيلوا الموضوع كويس افترضوا إنكم جبتم إناء واسع و مليتوه بزيت لزج جدا و ليكن زيت مواتير قوى و معاكم عربية لعبة صغيرة أو أى قطعة بلاستيك أو معدنية صغيرة و زى ما كنا بنلعب و احنا أطفال حركوا العربية اللعبة دى بإيدكم داخل الإناء للأمام و للخلف بالراحة و هتلاقوا إنها بتتحرك بسهولة و بعد كده حاولوا تحركوها بسرعة أكبر هتلاقوا فى جهد أعلى مبذول و كل ما هتحاولوا تزودا السرعة كل ما إيدكم هتألمكم أكتر

أولا زي ما كل الأخوة قبلي قالوا لازم نحكم على الأستهلاك على الأقل بعد أول 5000 كم كحكم مبدئي .

بس أنت مقولتش أ ي معلومات عن طريقة سواقتك .... سرعتك اللي أنت دايما بتسوق عليها .... الأر بي أم بتاعك بيكون كان على كل سرعة و المعدل بتاع رجليك على البنزين شكله أيه لأن سواقة الأوتوماتيك مختلفة عن سواقة المانوال حسب عدد لفات الموتور .

عموما الجين 2 ...... 1600 سي سي .......... أستهلاكها لو سواقتك هادية .... يعني أر بي أم ما بين 2500 إلى 3000 بتعمل 12 أو 13 كم لكل لتر ......... يعني نقول متوسط 11 لتر بنزين لكل 100 كم .... بس سواقة هادية .

المفروض أن أنت تعمل نفس الأرقام دي أو أعلى شوية لو سواقتك هادية
إنما لو بتطلع بالعربية بسرعة ........ و الكيك داون كتير ......... و عربيتك بتغير بسرعة و دي معناها أن الأر بي أم بيكون عالي فده عادي أنك تستهلك كتير ....

و برضه ياريت تعرفنا العربية بتستهلك كام بالظبط .

المشاركة الأصلية كتبت بواسطة a.saad

بعد سرعة 90 كم
الاستهلاك بيزيد جامد

والله ممكن لان كتير من الاوقات ببقي فوق ال 90 وجزاك الله خيرا علي الرد

المشاركة الأصلية كتبت بواسطة afr80

انا بصراحة ملقتيش حل للموضوع ده، و قلت اكبر دماغي علشان اعرف استمتع بالعربية، أنا احسن استهلاك كان 7.1 على طريق مصر اسكندرية الصحراوي بسرعة تتراح من 90 الى 100 ك/س، و الزميل العزيز اللي اول واحد استلم الساجا بس هو عربيته مانيوال استهلاكه كان متظبط، حاول تطنش و تستمتع بالعرية، و كل سنة و انت طيب و عيد سعيد.

وانت طيب يا ريس وهوا ده اللي حاليا بعمله اني بحاول اطنش شويه يمكن ينصلح الحال وجزاك الله خيرا علي الرد

المشاركة الأصلية كتبت بواسطة أشرف العدوي

بقيت تحط بنزين 95 عشتك ارتاحتك ماشية معاك يا عم
الله يرحم ايام الـ 128 و بنزين 80
بص يا سيدي حاول تمون من بنزينة أمارات مصر و تشوف ايه الفرق
لانها بتفرق معايا لما بمون من حتة تانية و خصوصاً لو كانت محطة التعاون بحس ان العربية بتستهبل
و كمان لمعلوماتك بما انك جديد في موضوع الزيرو ده ( هههههههههههه ) الحاجات دي بتظبط لوحدها بعد الـ 5000 كم و الله أعلم
و كل سنة و انت طيب

ماشي يا اشرف عامة مش هسيحلك هنا بعتلك خطاب تسيييح علي الخاص وكل عام وانت بخير يا باشا

المشاركة الأصلية كتبت بواسطة alarabiya11

اكشف على الاحساس بتاع البنزين واوامر الكمبيوتر بتاع العربية ده فى التوكيل ده مش راى نهائى عاحاول اسال الماليزين فى الموضوع ده وارجعلك

جزاك الله خيرا علي الرد وفي انتظار الجديد

المشاركة الأصلية كتبت بواسطة alarabiya11

لو سمحت ياصديقى ممكن تقولى عداد الاربى عندك بيحيب كام وانت على سرعة 90 الاستاندر 3

وبرده الماكينه لسه جديده لازم يكون استهلاكها عالى تحكم عليها بعد 5000 ان شاء الله عاتحسن

العربيه الاوتوماتيك ده لاوم يكون استهلاكها فى حدود 400 كيلو فى التنك على سرعة 90 الى 120
اما داخل البلد عايكون من 370 كيلو الى 350كيلو

بصراحة مش فاكر بالظبط عامة هاخد بالي من الاربي ام بعد كدة وجزاك الله خيرا علي الرد

المشاركة الأصلية كتبت بواسطة eslam_wega

انا عندى ال 15 لتر بيعملوا 100 كليو ولك ان تتخيل




بس طبعا سواقتى اغلب الوقت rbm عالى

كان الله في عونك واحمد ربنا انا بقي علي استهلاكي وجزاك الله خيرا علي الرد

المشاركة الأصلية كتبت بواسطة jisso82

أول حاجة حضرتك عامل كام كم لأن الاستهلاك فى الفترة الأولانية بتاعة التليين بتبقى عالية و ده لحد 10000 كم تقريبا كامن مش أول 5000 بس زى ما أغلب الناس فاكرة و الحاجة التانية و ده المهم إن زيادة السرعة عن 90 و ده مع أى عربية بيعلى استهلاك البنزين بنسبة كبيرة جدالأن مقاومة الهواء بتكون عالية جدا فوق ما تقدروا تتخيلوا لأن فيه نظرية فيزيائية عن الموضوع ده فى إن مقاومة الهواء دى ناتجة عن لزوجة الهواء و عشان تقدروا تتخيلوا الموضوع كويس افترضوا إنكم جبتم إناء واسع و مليتوه بزيت لزج جدا و ليكن زيت مواتير قوى و معاكم عربية لعبة صغيرة أو أى قطعة بلاستيك أو معدنية صغيرة و زى ما كنا بنلعب و احنا أطفال حركوا العربية اللعبة دى بإيدكم داخل الإناء للأمام و للخلف بالراحة و هتلاقوا إنها بتتحرك بسهولة و بعد كده حاولوا تحركوها بسرعة أكبر هتلاقوا فى جهد أعلى مبذول و كل ما هتحاولوا تزودا السرعة كل ما إيدكم هتألمكم أكتر

كلامك تماااام وانا مقتنع بيه فعلا وهجرب اغصب نفسي شويه واجرب السرعه علي 80 واشوف الفرق هيكون ايه
بس ده هيكون صعب جدا جدا علشان انا بحب الجري بصراحة وجزاك الله خيرا علي الرد