الموضوع: عن الروسى و عن روسيا أتحدث!

بعد ثلاث شهور من دراستى للغة الروسية ... المعقدة فعلا !!

حبيت أشارككم بخبرتى عن الدولة دى ...

روسيا عاملة زى أمريكا كده تتكون من 83 محافظة مستقلة , كل محافظة ليها الحاكم المنتخب بقوانينها المنفصلة بسلاطاتها ببابا غنوجها ... و لكن لها حكومة خاصة و هى المسؤلة عن الإشراف على المحافظات دى و عن العلاقات الخارجية و عن القوات المسلحة ..

روسيا فيها حوالى 22 مليون مسلم من أصل 150 مليون نسمة .. يعنى حوالى 14% مسلمين .

طبعا بيتقال عن الروس فقراء و فساد و حالة إقتصادية سيئة و رشاوى و بلد مقرفة ... ده غير إللى بيطلع و يفتى و يقولك بلد مش نضيفة و كلها زبالة و أى كلام يا عبد السلام! ..

الكلام ده غير صحيح ... روسيا بلد عالم أول ... صناعية و إقتصادية من الدرجة الأولى ... أى نعم الحريات السياسية فيها مقيدة إلى حد ما ... و لكن مش زينا ... الرئيس فيها ينتخب مرتين بس ... و لو الشعب متمسك بيه يتنقل بين مناصب فى منتهى الخطورة .. زى فلاديمير بوتين .. الرجل ده بيعتبر من أفضل رجال روسيا ..

و الفساد موجود فى روسيا .. أكتر من بقيت دول العالم الأول ... و الحالة الإقتصادية مش كويسة .. فقيرة بعض الشئ .. و الحياه هناك مش مرفهة وى ألمانيا و أمريكا و بريطانيا ... الحياه تقشفية بعض الشئ ..

يا سيدى أنا موافق فى مصر نعيش بنفس التقشف ...

بس نبقى كده ... بالنضافة دى




شايف الزحمة ؟؟ شايف العربيات كل واحد ملتزم بالحارة إزاى ؟؟؟ شايف مهرجان السيرك زى إللى بيبقى عندنا ؟



طبعا فى شئ من عدم النضافة فى الصورة دى ... بس شايف النهر ؟؟ الترعة دى ؟؟ شفافة ... ألقط حاجة مش نضيفة فيها ..

شايف المبانى مدهونة إزاى و متنضفة ؟؟؟ صيانة المبانى الدورية ؟؟؟



شايف الشارع إللى جنب محطة المترو ؟؟؟ و الله أنضف من المحور!



الصورة دى شبيهة بشوارعنا النضيفة ... يعنى ينفع نبقى زيهم !!!



بلا يا سيدى الشوارع ...


إحنا بلد مضروبة على أفاقنا ... و بقينا ملطشة ... أمريكا تقول يمين .. نروح يمين .. أمريكا تقول شمال .. نروح شمال!!

أنا موافق نعيش فى تقشف بس نعرف نصنع دول ...



su-35 ... من أقوى المقاتلات الحربية فى العالم ... محدش يقدر يقف قدامها!

روسيا لما ضربت جورجيا فى 2008 لما هجمت على أبخازيا ... رغم إن أمريكا بتدعم جورجيا من زمان .. و حليف ليها .. لكن عملت عبيطة لما روسيا إجتاحتها ... ليه ؟؟ عشان القوة !!

موافق أعيش فى تقشف .. بس لما تطلع دولة زى الدول العربية فاكرة نفسها حاجة متقدرش تفتح بقها و تيجى تبزس الرجلين ... لما يعروفوا إنى صنعت زى ده



بدون دخول فى تفاصيل ... ده صاروخ نووى قادر على الوصول لأمريكا نفسها يستحيل إعتراضه ..


أنا مواااااافق أبقى متقشف ... بس أكون زى الناس دى!!!!!!!!!! ليه لأ!!!!!

هو حرام نبقى نضاف؟؟؟ حرام يعنى نبقى كويسين ؟؟؟؟!!!


ننيجى للجزء التانى من الموضوع و هو اللغة :-

معقدة للأسف ... يعنى على سبيل المثال ...

يعنى .. لما أجى أقولك أنا أملك كلب ...

لما أقولها بالروسى أكتب

У меня есть собака

لكن ترجمتها الحرفية .. ( بجوارى منى يوجد كلب خاص بى )

و مثلا عايز أقول أنا بردان ..
بأقول Мне холодно

ترجمتها الإنجليزية I feel cold ... لكن لو ترجمتها حرفيا تصبح ( بالنسبة إلى الجو بادر )

ده غير قواعد الجرامر الغريبة ... إللى بتقتدى تغيير جزء من إسمك ... يعنى لو أحمد ..

عايز أقول ... أعطى زهور لأحمد .. أقولها أعطى زهور لأحمدي ... و فى حالات تانية تتغير تبقى أحمدو! ...

تحسة عباطة بالشيكولاته ... مش فاهم مين إبن الذكية إللى فكر يعبر بالإسلوب ده!!

مع إعتبار إن أحمد بالروسى تبقى أخمد ... هههههههه

يلا ربنا يقوينى و اكمل لأنى فعلا عاشق اللغة دى .....

طولت عليكم أنا عارف ...