الموضوع: سؤال عن الدبلومة الأمريكية علشان في واحد مجننا

طيب عندي كام سؤال يا دكتور كريم باشا:
الأول: من سن كام ممكن الواحد يدخل إبنه الدبلومة الأمريكية،
من اول أولى حضانة و ممكن بيبي سكول كمان
السؤال الثاني: وما الفرق بينها وبين الدبلومة الكندية. وأيهما أفضل؟
بصراحه ماعرفش انا اول مره اسمع عن الكنديه دي؟!!
السؤال الثالث: لو أنا عاوز أدخل إبني الجامعة الأمريكية - في رأيك - يبقى الأفضل الدبلومة الأمريكية من الثانوية العامة العادية؟
هو طبعا مادام حضرتك ناوي على الجامعة الامريكيه فقدامك حل من اتنين
اولهم تدخله الدبلومه الامريكيه من الحضانه و تريح نفسك من اول المشوار
او تدخل مدرسه لغات او انترناشيونال محترمه و لو عاوزه ياخد ثانويه عامة ماشي بس ماتقرصش عليه قوي عشان كده كده المجموع مش هيفرق معاه قوي

و بصراحه انا مانصحش بالدبلومه الامريكيه من الحضانه عشان ماتزعلش لما تلاقى ابنك خلص ما يوازي المرحله الابتدائيه و مش عارف يقرا كلمتين عربي على بعضهم عشان مابيهتموش بالعربي قوي طبعا
السؤال الرابع: المصاريف بتبقى كام تقريبا.
طبعا بتختلف من مدرسة لاخرى بس مش اقل من ١٠٠٠٠-١٥٠٠٠ على ما اعتقد
السؤال الخامس: كم عدد سنوات هذا النوع من الدبلومات؟

هما 12 Grade
شكرا يا باشا على سعة الصدر، ومتأسف على الآسئلة الكتير، وكل سنة وحضرتك طيب؟
و حضرتك طيب

المشاركة الأصلية كتبت بواسطة mohabzengar

أنا بقي أقولك الخازوق فين و بكل أمانة لأني كنت دبلومة أمريكية و بعدين دخلت الجامعة و أديني في 4 أهو
بص هما خوازيق مش واحد بس لوحده
أولا الأمريكن فيها دروس في مواد SAT1 اللي هما ال English و ال Math زي الثانوية العامة بالظبط و لو مخادش دروس ادي دقني لو فلح فالموضوع نفس موضوع الثانوية العامة بخصوص الدروس بس الفرق إن هنا بتاخد في مادتين بس , بس نسبة الدروس بتختلف من واحد ميح دا بياخد دروس كتير و واحد بيفهم و يذاكر و تمام دا ممكن يمشي حاله بحاجة بسيطة و خلي بالك إنت ممكن تفتكر إنو أية يعني دا إنجليزي و حساب و أنا مدارس لغات و الكلام ده هيبقي سهل لا بالعكس دا هيبقي غير أي إنجليزي شوفته في حياتك و هو تقريبا أصعب حاجة في الأمريكن كلو بس الحساب بيكون عادي مش خزعبلي و لا حاجة

نييجي للخازوق التاني هو إنك بتتخرج معاك كمية معلومات بسيطة أقل بكتير من بتوع الثانوية العامة و تروح داخل الكلية تلاقي إن مواد سنة أولي الناس خدتها في Ig و ثانوية عامة و إنت يا عيني عليك أول مرة تشوف الكلام دا دا غير إن الدكاترة بيكونوا متخيلين إنك مفروض تكون واخد الكلام دا قبل كده و هتلاقي نفسك بتلف حوالين نفسك علشان تفهم و لو إنت بتاع دلع مش بتاع مذاكرة أولي دي ممكن تشيلها لا قدر الله فتاخد بالك من الموضوع ده و علي فكرة الكلام ده في أول سنة بس بعد كدة بقيت السنين مبتفرقش كله بيبقي سواسية

نيجي للخازوق التالت بقي إنه ممكن يجيب نمرة وحشة في ال SAT ساعتها هيقولك دخلني جامعة خاصة و إدفع بقي يا معلم و يبقي دفعت دم قلبك في الأمريكن و في الجامعة الخاصة وممكن برضوا يبص يلاقي إصحابة داخلين جامعات خاصة يقولك أنا عايز ادخل معاهم و دي برضو مشكلة بس الحل إنو يا إما يذاكر كويس يا إما يدخل ثانوي و بعدين يجيب اللي يجيبه و يدخل بيه جامعة خاصة عل طول فا لازم تقعد معاه قبل ما يدخل و تفهمه النقطة دي

نيجي بقي لاخر خازوق خلاص الحمدلله المحروس إتخرج من الأمريكن و جاب مجموع عالي يدخله صيدلة القاهرة و جيه و قالك أنا سمعت إن الجامعة الألمانية مثلا بتعمل تخفيضات و منح للمتفوقين و أنا عايز اروح اقدم و تروح بقي تصتدم بالحقيقة المرة إنهم بيعملوا الموضوع دا لبتوع ثانوية عامة أكتر حاجة يعني ممكن تبقي جايب 96 و لا حاجة و تاخد 50% خصم و هي اصلا مدخلكش صيدلة أما لو جايب مجموع صيدلة القاهرة في امريكن و راح يقدم في الألمانية مش هايخد ولا تعريفه خصم لازم تكون جايب مجموع خزعبلي علشان يدخلوك بخصم

ودي يا باشا كل الخاوازيق بس في مجملها هي سهلة أسهل من الثانوية العامة بكتيييييييير بس بس ياخد بالو من الخوازيق و كلة هيبقي تمام

فعلا الجزئية بتاعة الجامعة الخاصه دي مهمة جدا لانه هيلاقي مستويات عالية و ناس مش فارقه معاها الفلوس و يدخلوا جامعات خاصة
انا و الله العظيم اعرف ناس كانوا بيدفعوا حوالي ٣٠ الف في السنه في الاميريكان و كانوا ادبي
يعني اخدوا في SAT 2 تاريخ و اي حاجه تانيه
ناس داخله تريح دماغها

لكن طبعا في نفس الوقت هتلاقي ناس دافعة دم قلبها عشان الواد يدخل طب او هندسه

المشاركة الأصلية كتبت بواسطة Ahmed Samy

بجد بجد كلام جميل و مبسط

نيجي للعبة

يعنى المدرسة ممكن تفقع الواد ال40 و 60 المية دول كدهو سفلقه !!
وهل ده بيحصل لأنه يبقى الصراحة يعنى ........كويس ماهو قريبي برضه
هو غالبا الدرسه بتدي درجاتها كلها
يعني الواد الضايع اللي ضاربها طبنجه هياخد ٣٦ او ٣٧
لكن المدرسه ماتقدرش تقرب ناحية ال٦٠%بتوع امريكا عشان لو اللجنة بتاعة الامتحانات في امريكا شمت خبر الرخصة هتتسحب من المدرسه فورا

النقطة التانية


هم ليهم كوته في التنسيق

الكوتة دي في مصلحتهم يعنى اماكن كويسة ولا بتخنق الأماكن عليهم

سؤاااااااال أخير هو المجموع الكلي من كام لأني شفت مثلا طب اسنان واخده من 114 و كسور كتيرة كده
هو طبعا فرصتهم افضل من الثانويه العامة بس طبعا مع زيادة الاعداد كل سنة الفرص بتقل

المجاميع فعلا بتبقى عاليه كده عشان هي ليها حسبة معينه
يعني اللي مايجبش فوق ال١٠٠% ده بيبقى حمار و يستاهل محاكمة عسكرية

المشاركة الأصلية كتبت بواسطة dr.karim emam

الأول: من سن كام ممكن الواحد يدخل إبنه الدبلومة الأمريكية،
من اول أولى حضانة و ممكن بيبي سكول كمان

شكراُ د/كريم على الإجابات الوافية دي
بس انا مهتم بالنقطة دي شوية
الدبلومة دي ممكن تبتدي من اولى حضانة..! طيب فين المدارس المعتمدة في الاسكندرية
وتقريباُ متوسط المصاريف السنوية كام .... ؟؟
اتكلمنا عن العيوب طيب ممكن توضح لنا المميزات ..

شكراُ جزيلاً وتقبل تحياتي
عييييد سعيييييييد

المشاركة الأصلية كتبت بواسطة Eng. Rafy Samy

شكراُ د/كريم على الإجابات الوافية دي
بس انا مهتم بالنقطة دي شوية
الدبلومة دي ممكن تبتدي من اولى حضانة..! طيب فين المدارس المعتمدة في الاسكندرية
وتقريباُ متوسط المصاريف السنوية كام .... ؟؟
اتكلمنا عن العيوب طيب ممكن توضح لنا المميزات ..

شكراُ جزيلاً وتقبل تحياتي
عييييد سعيييييييد

المميزات:
طبعا الولد هيبقى في مجتمع ذو مستوى مرتفع (ناس نضيفه يعني) عشان طبعا المدارس دي عايزه امكانيات ماديه أعلي من الناشيونال
الفصول نفسها و الاهتمام بنضافة المدرسة افضل بكتير
المدرسين و المدرسات منتقين بعنايه (مش أي مدرسه تشتغل اميريكان)
و طبعا وسائل الرفاهية هتكون متوفرة اكتر
أتوبيسات احسن


المدارس بقت كتيرة قوي
اقدمهم طبعا القومية و بعدين Pioneers
و بعد كده فتحت القدس
و Egyptian American
House of English
بس والله ماعرفش بقيت المدارس بصراحه

و الاسعار تقريبا مافيش افل من 10000 جنيه

أرجو أن أكون أفدتك

انا متشكر جدا جدا لدكتور كريم و مهاب زينجر على المعلومات اللي فتحالي سكك كتيره

و انا بادعبس لاقيت المقال ده ممكن يغطى جوانب تانية ماتكلمناش عليها هنا

يحصل الطالب من المدرسة علي شهادة الدبلومة الأمريكية المعادلة لشهادة الثانوية العامة المصرية و المعتمدة من هيئة الاعتماد الأمريكية cita
- هذه الشهادة تؤهله للالتحاق بالجامعات المصرية عن طريق التنسيق الخاص بالمدارس الأجنبية و المحدد له نسبة ( 5 % ) من مجموع الحاصلين علي الثانوية العامة كما يحق له الالتحاق بالجامعات الأمريكية أو جامعات اي دولة أخري.
- يلتزم الطالب بدراسة عدد ( 8 ) مواد دراسية في g11 و g12
( يدرس عدد ( 5 ) مواد في g11 و عدد ( 3 ) في g12 )
- يلزم للطالب لكي يتمكن من الالتحاق بالجامعات في النظام الأمريكي تجميع اكبر عدد من الدرجات من الامتحانات المختلفة و التي تتوزع كالآتي:
40 % نتيجة امتحان (8) مواد دراسية خلال الفصلين الدراسيين g11 و g12
60 % نتيجة امتحان sat1 الإجباري في اللغة الإنجليزية و الرياضيات بنتيجة لا تقل عن 1440 من 2400 للجماعات الحكومية و 1200 من 2400 للجامعات الخاصة
15 % إضافية في حالة نجاح الطالب في امتحان sat2 و حصوله علي 1100 درجة من المجموع الكلي 1600 علي الأقل
ملاحظات مهمة :
.... للالتحاق بالجامعات لابد من قضاء ثلاث سنوات علي الاقل بالنظام الامريكي.
يدرس الطالب بالمدرسة منهج الثانوية العامة في مواد الدين و اللغة العربية و التربية القومية

ويلزم له اجتياز امتحانات الثانوية العامة في هذه المواد بنجاح ( 50% على الأقل ) لكي يحق له الالتحاق بالجامعات المصرية
( لا تضاف درجات هذة المواد إلي المجموع العام )








sat
امتحان ال ( sat ) هو الامتحان الذي يلتزم الطالب بدخوله كي يتمكن من الالتحاق بالجامعات سواء المصرية او الامريكية
و هو ينقسم الي جرئين sat1 و هو اجباري و sat2 و هو اختياري :
Sat1
و هو امتحان اجباري في مادتي اللغة الانجليزية و الرياضيات بنظام الاختيار من متعدد multiple choices.
· و قد أضيفت إليه مؤخرا كتابة موضوع التعبير essay في امتحان اللغة الانجليزية.
· و للطالب الحق في دخول امتحان ال sat1 بداية من g7 بصورة تجريبية
و لكن لا تحتسب درجته الا بداية من g11 .
· بداية منg11 و حتي نهاية g12 يحق للطالب دخول امتحانات اي مادة من sat1 او sat2
بعدد ( 6 ) مرات في كل عام
· و تحتسب له أعلي نتيجة يتحصل عليها.
· الدرجة النهائية لامتحان sat1 هي 2400 درجة
( 800 مادة الرياضيات ، 800 reading 800 ، writing ).
* يتمكن الطالب الناجح في امتحانات sat1 ( حسب نتيجته ) الالتحاق بالكليات النظرية فقط.
* يلزم للطالب للالتحاق بالكليات العملية
( الطب – الصيدلة – الاسنان – الهندسة .......الخ )
اجتياز الامتحان الاختياري sat2 المؤهل للالتحاق بالكليات العملية.
Sat 2
و يمتحن الطالب هذا الامتحان لسببين :
1. ليتمكن من الالتحاق بالكليات العملية.
2. و لزيادة درجته النهائية
حيث يضيف امتحان sat2 نسبة 15 % فوق نسبة ال 100 %
.... يختار الطالب في امتحان ال sat2 مادتين الي ثلاث مواد من عدة مواد حسب الكلية التي يريد الالتحاق بها
و المواد هي ( رياضيات متقدمة – احياء – كيمياء – فيزياء – التاريخ الامريكي – لغة فرنسية او المانية او اسبانية ).
ملحوظة :
· sat ii فيزياء و رياضيات إجبارى فى حالة الطلاب الذين يرغبون فى الإلتحاق بالكليات العسكرية ( فنية عسكرية ، بحرية و دفاع جوى)
مثلا :
اذا رغب الطالب في الالتحاق بكليات مثل ( الطب – الصيدلة – الاسنان – العلاج الطبيعي – التمريض – الطب البيطري .....الخ)
فيلزم له دخول امتحان الاحياء
بالاضافة الي اية مادة اخري من المواد ( فيزياء – كيمياء - رياضيات ) .
و اذا رغب في الالتحاق بكليات مثل ( الهندسة – الفنون قسم عمارة – البترول و التعدين – تخطيط المدن – الهندسة الالكترونية بمنوف – الكمبيوتر و المعلومات – معاهد التكنلوجيا........الخ )
فيلزم له دخول امتحان الرياضيات المتقدمة
بالاضافة الي اية مادة اخري من المواد ( فيزياء – كيمياء – احياء biology ).
لذا فمن المهم لمن يرغب في ان تكون له فرصة الالتحاق بكل الكليات العملية ان يكون اختياره لمواد sat2 هو ( الاحياء biology + الرياضيات )
.... تقييم امتحان الsat2 من درجة 1600 ( 800 درجة لكل مادة ) .
.... يمتحن الطالب الامتحانات الخاصة بالمدرسة بداخل المدرسة .....
اما امتحانات ال sat فيتم ادائها باحدى المدارس المعتمدة من قبل هيئة amideast
و لذا يجب على الطلبة و اولياء الامور الاسراع بالتسجيل للامتحان و دفع مصاريف الامتحان لضمان حجز مكان للطالب في الاماكن المعتمدة .
.... كل محاولة من محاولات امتحان sat1 تكلف الطالب مبلغ 71 دولار
.... ترسل الاجابات الي امريكا عن طريق ال amideast لتصحيحها و ترسل نتائج التصحيح مرة اخري الي ال amideast و منها للمدرسة.

الاستاذ مهاب فعلا جاب من الآخر

هي دي مشاكل امريكن , يعني لو حضرتك سألت اي طالب في امريكن هتلاقيه مهروس شغل و مذاكرة و طالع عينه , بس المشكلة ان كل الحاجات البيخدوها و بيذكروها مش هتنفعهم في الجامعة , عكس ثانوي و ig

بس في مشكلة , حضرتك بتقول انه مش بتاع تعب و مذاكرة , فدة معناه ان مش هينفع ولا في ثانوي ولا في ig

و للأسف هو طالما حط في دماغة الفكرة , يبقى حتى لو دخل ثانوية هيحس باحباط و مش هيبقى عايز يذاكر

و في برده مشكلة كمان , و هي انه خلص سنة من التلاتة , و في ig و امريكن دي بتبقى سنة مهمة , لأن الطلبة بتتعود على المناهج و طريقة الامتحانات في السنة دي

بس في سؤال , هو مش عاجبه ثانوية عامة (يعني عايز يبعد عنها و خلاص) , و لا عايز امريكن (عايز يخش امريكن بذات) ؟؟

لأن لو عايز يبعد عن ثانوية عامة , هيبقى في اختيار ig بس لازم يكون مستعد , و انا ممكن افيد حضرتك في الموضوع دة لأني طالب في ig