الموضوع: مبروك للأهلى

بس انا فخورة أوي بجمهور الأهلي اللي كان مالي الاستاد و بيشجع بالحماس ده.

فعلا العدد يفرح.

المشاركة الأصلية كتبت بواسطة dr-mohamed

للاسف بتفق معاك فيه حاجة مش مظبوطة
بس مش معني كدة كله زيرو زيرو زيرو
ده كدة غلبنا كوكا كولا زيرو



يا باشا عندك حق بس مين في الاهلى يلعب دور الجناحين دلوقت ؟
سيد معوض ومستواه متقلب ويمكن ربنا يهديه بعد ما عقده زاد
ومحمد بركات وموقوف النهاردة
واحمد فتحي ومستواه منهار بسبب نادر شوقي اللي كانه مخصص لتخريب الاهلى
وطلعت وجدو فعلا كانوا بيميلوا كتير للاجناب وهو زعق كذا مرة عليهم علشان الحركة دي وفي الاخر غير جدو

بس فعلا مستوي اللعيبة غير مقنع

طيب معندوش حد ينفع يلعب جناح بيلعب بجناحات ليه حتى لو بركات كان موجود مش هو بركات بتاع زمان هو اخره اخر ربع ساعه من كل ماتش ولا سيد معوض ولا احمد فتحى اجنحه مهاجمه اجنحه مهاجمه يعنى يستلم ويجرى ويرقص ويقطم لجوه ييشوط وييباصى لزميل جاى من ورا زى اروين روبين - ميسى - بويان- بدرو مع الفارق طبعا فى المستوى , طيب مافيش اجنحه العب ب 2 ررؤوس حربه صرحاء ووراهم صانع العاب و لعيب حر يجى يمين يجى شمال يخترق من العمق هو ده اللى البدرى خايف يعمله علشان فى نجوم كتير هتقعد زى ابو تركيه وبركات واحمد حسن لما يتخلص من الخوف ده ممكن الاهلى يرجع تانى لمستواه .


يا احمد بيه يكتب زي ما هو عايز طبعا
بس مش كله اصفار
ده على كدة لو كانت الفرقة مراحتش الاستاد واتكتب غياب كان يبقي احسن

المشاركة الأصلية كتبت بواسطة dr-mohamed

امبارح بس الجرايد والمواقع الصفراء كانت بتقول ان فيه عدم اقبال جماهيري ومفيش حد اشتري التزاكر وعمالين يحللوا الاسباب
مقدرش اقول غير ان هو ده جمهور الاهلي

حضرتك عارف ان فى موقع زملكاوى كان ناشر ان فى مؤامره من لعيبه الاهلى انهم يخسروا النهارده علشان يمشوا حسام البدرى ولا بقياده مين اصغر لعيب فى الفرقه احمدشكرى

عموما ألف مبروك للأهلى ولكن فعلا الأهلى الأن فى مرحلة انتقالية وصعبة جدا فاربنا يستر فى القادم مع أنى أتوقع أن يفوز بهذه البطولة هو فريق الترجى التونسى لأنه فعلا أصبح فريق منظم ومنسجم وأيضا يدربه مدرب قدير وهو فوزى البنزرتى ويارب يكون توقعى خاطئ ويفوز الأهلى إن شاء الله بس بجد الأهلى هياخد فترة إلا أن يرجع الأهلى المرعب وأتمنى أن تكون فترة قصيرة لأن ذلك سيرجع على المنتخب فمن المعروف أنه طالما الأهلى متألق فابلتالى المنتخب يكون كذلك مع أحترامى لكل الأندية الأخرى ولكنها الحقيقة

على فكره انا اهلاوى ومتعصب بس بحب انظر للامور بموضوعيه فعلا شكل الاهلى مش مطمئن انه ممكن يكمل فى البطوله الافريقيه
مافيش اهتمام باللياقه البدنيه خالص انا حاسس ان اللى اتغيروا ونزلوا زى شوقى وغدار وشكرى نازلين تعبانين وبعدين مقارنه بالاهلى بتاع جوزيه
فعلا زيرو كورة يعنى مافيش جمل ولا اى حاجه كل واحد نازل يجتهد فى مركزه وخلاص
يعنى الجونين اللى دخلوا لولا ان عندهم حارس تعبان بينط مع المهاجم وسايب الكوره فى الجون الاول
والجون التانى مش واخد الخطوه عشان يقدر يترمى على الكوره يعنى الف باء حراسه مرمى مش عنده اصلا

[QUOTE=OlaOsman;3873031283][font=microsoft sans serif][size=4][color=navy]طيب من غير ما ندخل في حوارات أهلي و زمالك لا طائل منها، الأهلي فعلا مش في حالته خالص و متهيألي ده بسبب طريقة البدري الغريبة في التعامل مع اللعيبة.

مش عارفة.. حاساه مش مصاحبهم كده و مديهم ثقة زي جوزيه كان عامل معاهم.

ألا ليت أيام جوزيه تعود يوما

فعلا والله يا ريت ترجع تانى ونفسى الناس تقارن بين الظروف بالرغم ان مانويل مر بنفس الظروف