مبروك للأهلى

**salahlanser** · 12-09-2010 10:07 PM

بالرغم من الاداء السيىء جدا بقى فريق الاهلى فريق :
زيرو كوره
زيرو دفاع
زيرووووووووو لياقه
بس كويس انه صعد من قدام فريق زى ده لانها كانت هاتبقى مصيبه والتغيير اصبح مطلوب انا مش ضد حسام البدرى
بس حسام فجأه لقى نفسه مسئول مسئوليه كبيره وصعبه ( زى ما يكون واحد موظف وفجأه لقى نفسه رئيس مجلس اداره الشركه اللى هو فيها) وربنا يستر على اللى جاى
افضل لاعب من وجهه نظرى فى الماتش كان شريف اكرامى واحمد فتحى

**M.Elsheikh** · 12-09-2010 10:26 PM

خلي الناس تفرحه بالعيد

**dr-mohamed** · 12-09-2010 10:26 PM

ازاي كله زيرو وكسب
بالعقل يعني مش للدرجة دي
وبعدين المطلوب ايه ؟؟؟؟؟؟
البدري يتغير ؟
اي فريق لا يمكن يغير المدرب وسط البطولة ويجيب مدرب جديد ميعرفش اي حاجة عن الفرقة
ولو انت اهلاوي هتعرف كويس ان الاهلى مش بيغير مدربين وسط الموسم

**dr-mohamed** · 12-09-2010 10:27 PM

وعامة فريق زي ما انت شايفه زيرو في كل حاجة احسن من فريق تاني مدخلش افريقيا من سنين او فريق تالت خرج من المجموعات

**ahmedsamir5edr** · 12-09-2010 10:29 PM

أنتو هتحرموا الراجل يكتب موضوعات ..
علي العموم .. مبروووك
و الأهلي مش هو الأهلي

**dr-mohamed** · 12-09-2010 10:46 PM

المشاركة الأصلية كتبت بواسطة olaosman

طيب من غير ما ندخل في حوارات أهلي و زمالك لا طائل منها، الأهلي فعلا مش في حالته خالص و متهيألي ده بسبب طريقة البدري الغريبة في التعامل مع اللعيبة.
مش عارفة.. حاساه مش مصاحبهم كده و مديهم ثقة زي جوزيه كان عامل معاهم.
ألا ليت أيام جوزيه تعود يوما

للاسف بتفق معاك فيه حاجة مش مظبوطة
بس مش معني كدة كله زيرو زيرو زيرو
ده كدة غلبنا كوكا كولا زيرو

المشاركة الأصلية كتبت بواسطة korkor

فعلا الفوز مش هو والاهلى مش فى مستواه متفهمش البدرى لاعب ب اتنين روس حربه وبرده مصمم يخلى طلعت جناح وجدو جناح هو مش قادر يفهم ان الاجنحه المهاجمه دى ليها ناسها مش طلعت ولا جدو خالص , الاجنحه المهاجمه عاوزه بركات ايام عزه ميسى, هنرى, بدرو , بويان كريكتش , روبن يعنى سرعه ومهاره وقطم لجوه لكن جدو وطلعت ياخدو الكوره ويقعدوا يلفوا حوالين نفسهم العيب مش فيهم العيب فى المدرب اللى مش عارف يوظفهم , المهم نجوم المباراه طبعا سيد معوض , طلعت , فتحى وربنا يكرم فى بقيه المشوار

يا باشا عندك حق بس مين في الاهلى يلعب دور الجناحين دلوقت ؟
سيد معوض ومستواه متقلب ويمكن ربنا يهديه بعد ما عقده زاد
ومحمد بركات وموقوف النهاردة
واحمد فتحي ومستواه منهار بسبب نادر شوقي اللي كانه مخصص لتخريب الاهلى
وطلعت وجدو فعلا كانوا بيميلوا كتير للاجناب وهو زعق كذا مرة عليهم علشان الحركة دي وفي الاخر غير جدو

بس فعلا مستوي اللعيبة غير مقنع

المشاركة الأصلية كتبت بواسطة ahmedsamir5edr

أنتو هتحرموا الراجل يكتب موضوعات ..
علي العموم .. مبروووك
و الأهلي مش هو الأهلي

يا احمد بيه يكتب زي ما هو عايز طبعا
بس مش كله اصفار
ده على كدة لو كانت الفرقة مراحتش الاستاد واتكتب غياب كان يبقي احسن

**dr-mohamed** · 12-09-2010 10:54 PM

كله اتكلم عن مستوي الاهلى
محدش قال رايه في الاخراج والتحكيم ؟؟؟؟؟؟؟؟؟؟
الاخراج زي الزفت دايما الكورة لو اتشاطت او في طرف الكاميرا لا تظهر حتي جون فضل لم تظهر الكرة وهي تدخل المرمي والجون اللى دخل فينا
التحكيم زي الزفت والحمد لله ان مفيش اخطاء كارثية الحكم وزنه كتير اوي ومش لاحق يجرب ودايما واخد اماكن غلط والكورة تخبط فيه او يلخبط اللعيبة
المساعدين مش عارفين يعني ايه اوفسايد كورة شوقي وكورة جدو انفرادات ضيعوها وهي مش اوفسايد نهائي