الموضوع: استطلاع عن النوبيرا الاوتوماتيك

لا مش وحش ابدا انا كان عندي نوبيرا 2 موديل 2001 وكانت اوتو ماتيك وكانت زي الفل ومحصلهاش حاجه وبيعتها لواحد قريبي وماشيه معاه تمام




لكن فعلا اللي مابيفهمش بيقول الاوتو وحش في النوبيرا

تقوله ليييييييه يقولك باسمع

ويقولك حجج واهيه يقولك اصل لو عطلت مش هتدور طيب لو معاك نوبيرا مانوال وطرمبه البنزين قطعت العربيه هتدور ولو بالزق طبعا لا


الفتيس الاوتو ممتاز ولو كان وحش النوبيرا اتصنعت سنه97 واتوقفت سنه2009 لو كان الاوتو وحش كان اتوقف مثلا كام سنه ولا حاجه لحد ماحسنو صناعته وطوروه

لكن ماتوقفش وكمان لو شفت العربيات النوبيرا هتلاقي النوبيرا الاوتو منتشره جدا عن المانوال كمان

يبقى العيب فين العيب عندنا احنا مابنعرفش نركب اوتو ماتيك ومابنهتمش بيه والاخر نقول اصله وحش


انا كنت قاعد تاني يوم العيدمع جاري كان معاه نوبيرا 1 اوتو وباعها يوم العيد قلتله بعتها ليه قالي غيرت 3فتيس في 5سنين


الاول قعد 3سنين والتانين كل واحد على سنه بيحلف بالله العظيم انه ماغيرش زيت فتيس ابدا وعمال يقول الاوتو وحش


الفتيس اهتم بيه وقيس الزيت باستمرار وغير الزيت والفلتر هيعيش معاك انما عمر مالفتيس باظ لوحده او من الجري بالعربيه اجري واحرق زي مانت عاوز بالفتيس مش هيتاثر ابدا


واسال اي حد الفتيس بتاعه باظ هيقولك روحت للميكانيكي قاللي مافيهاش نقطه زيت يعني الفتيس تمام مابيبوظش لوحده



وانا حاليا معايا السيفيا اوتو ماتيك ومافيهاش حاجه وسافرت بيها كذا مره وعادي


وماتصدقش الميكانيكي اللي يقول النوبيرا مابيتغيرلهاش زيت فتيس لان دي مقوله مشهوره جدا


وانا بقولك واسال اي حد يكون راكب اتوماتيك ومهتم بيه اهتم بالزيت وقيسه على طول وغيره لو اتحرق


وهات دواسه البنزين لاخرها ومش هيحصل اي حاجه


انا مش بدافع عن النوبيرا بس انا بدافع عن الاوتوماتيك لان سمعته وحشه في النوبيرا والسيفيا واللانوس والليجانزا والاكسيل والاكسنت وكل الكوري

صح الكورى الاوتوماتيك متهان وسمعة وحشة
انا شفت واحد بالمنتدى عامل موضوع اسمه (متركبش كورى اوتوماتيك حقيقة ام شائعة)

لو جبنا اي عربيه مانوال في الدنيا وماهتمناش بيها هتعيش ؟؟؟؟؟؟؟؟؟؟

وبعدين مافي ناس بتغير فتيس مانوال وعادي محدش بيتكلم