الموضوع: رحلتي لابو ظبي (مقارنه بمصر)

المشاركة الأصلية كتبت بواسطة ahmed a.maksoud

أبو ظبى الأيجارات فيها أغلى بكتير من دبى و باقى الإمارات

رحت دبى مول و مول الإمارات ؟

مول الإمارات عادى بس دبى مول تحفة......فيه الأكواريام ( حوض سمك كبييييييييييييييييييييييي يييييير أرتفاعه 3 أدوار و فيه اكتر من سمكة قرش ) و فيه نافورة دبى الراقصة و فيه جنبه لزق برج دبى أو برج خليفة حسب المسمى الجديد.

للاسف معرفتش الف الامارات كل اللي استكشفته جامد ابو ظبي اما دبي يا دوب على قد المطار و ابن بطوطه

المشاركة الأصلية كتبت بواسطة ahmed anwer

لا يا جماعة مع احترامي العيشة في دبي أحسن طبعا

بس محتاجة يكون دخلك كويس

كفاية النظام و سهولة التعامل الحكومي و النظافة

و كمان الحدائق العامة و الشواطئ العامة ،،، تحفة و أنا بتكلم علي العامة

و لو اشتقت لمصر فيه حته في دبي بس ناحية الشارقة كلها قهاوي و مطاعم مصري

اتفرجت فيها علي ماتش الجزائر الأولاني و احتفلنا زي مصر بالضبط و يمكن أكتر

أنا نفسي دبي متكونشي فقاعة زي ما بيقولوا عليها و تكمل مسيرتها الرائدة

لكن الفلوس فعلا في أبو ظبي هيا الأساس و هيا البترول

تمام كلامك مظبوط و بالنسبه للماتش الاماراتيين كانوا بيشجعوا مصر كان اللي بيلعب الامارات مش مصر
بيحبونا جدا و حبونا اكتر لما كنا بنشجع منتخبهم في كاس العالم للشباب في مصر

المشاركة الأصلية كتبت بواسطة amr100

الحمد لله على سلامتك ولازم تحسن العربي بتاعك شوية وتاخد كورسات علشان تفهم الهنود والافغان اللي بيتكلموا عربي

حاضر ان شاء الله حاخد الثانويه عامه تاني :d

المشاركة الأصلية كتبت بواسطة كابوس الليل

دبى احلى مليون مرة من ابوظبى ..ابوظبى رخمة كدة وتحس انك تايه فيها كل المبانى طويلة جدا ومش حلوة والمولات فيها مش حلوة زى بتاعت دبى... بس دبى احلى .. بس الى احلى منهم مصر مع المشاكل الى فيها بس برضوا مصر احلى

المشاركة الأصلية كتبت بواسطة mazagangee

رغم التلوث و الفساد و الانحرافات و انعدام الأمن و انهيار النظامو ارتفاع الاسعار المبالغ جدا


مصر أحسن بلد نعيش فيها

فعلا مصر احسن مليوووووووووووووووووون مره

المشاركة الأصلية كتبت بواسطة fido377

اكيد انته بتهرج في موضوع ان ابوظبي الفقير والغني يعيشوا فيها علشان الايجارات في ابوظبي خياليه لدرجه توصل للغرفه و الصاله من 80 الف لحد 120 درهم في السنه وحولها لوحدك مصري وطبعا مع خدمات زباله مش زي دبي خالص يعني تلاقي العماره من بره شكلها وهم ومن جوه تعبانه ومش نظيفه خالص...

عدد سكان الامارات كلها اقل من 5 مليون معظمهم موجود في دبي او شغال على الاقل في دبي...

اماكن الخروج في الامارات عموما هيه المولات ثم المولات ثم المولات وبعد كده ممكن البحر والقهاوي وعموما الاسعار بتاعه اللبس بقت هنا خياليه وبأسعار مبالغ فيها للماركات والي يلاحظ الموضوع ده الي كان عايش هنا من فتره الاسعار نطت 5 او 6 اضعاف...

اسعار الاكل هنا مبالغ فيه جدا وبالنسبه لسعر اللحوم الي ارخص من مصر علشان هنا المجمد بيتباع عادي والناس بتاكله مش زي مصر الناس بتبص للمجمد بقرف ومحدش بيقرب منه لكن اللحوم الطازه غاليه جدا بالاخص الجزيري او البلدي هنا يعني لو جربت وجبه مندي باللحمه هنا بتوصل ل 45 درهم وانته طالع في المطاعم المتوسطه علشان لحمه جزيري او بلدي لكن لو لحمه وصله الي بتكون خروف استرالي بتلاقيها 17 درهم ل 20 درهم

البلد هنا بلد شغل وخلاص ومعظم يومك بيروح في الزحمه والشغل وبالاخص لو كان فيه عقاب يومي زي الي ما بين الشارقه ودبي في شارع الاتحاد الي طوله 4 كيلو وبتمشي فيه زياده عن ساعه ونص من اول الشارقه لاول دبي...

لو عاوز ملخص للايجابيات والسلبيات الموضوع هيكون طويل اوي وبالاخص انا عشت فيها زياده عن 29 سنه...

الايجارات متفرقش لان كده كده الشغل هو اللي بيوفرهالك اللي بيجي ابو ظبي لازم الشغل موفرله تامين صحي و سكن ده اساسي غير تعليم للاولاد و تذاكر السفر و غيرها

الفقير في ابو ظبي عايش اه لان انا بقارنه باللي بيعيش في مصر يكفي ان مفيش متشرد واحد لان ببساطه اللي بيشتغل متوفرله سكن لكن اللي مش بيشتغل بيرجع بلده فورا

بالنسبه للسكن انا سكنت في فيلا و في عماره فندقيه الاتنين بصراحه كانوا نضاف جدا و خدمه رائعه خصوصا الباركنج علشان الزحمه

عدد سكان الامارات اخر احصائيه 9 مليون على العموم كلها عضوائيه لان سكان الامارات حسب ما كذا واحد قالي 2-3 مليون نسمه فقط

بالنسبه للبس انا لقيته مش حلو زي مصر او يمكن انا زوقي مختلف عن الثقافه الخليجيه الاسعار فيه حاجات اغلى و حاجات ارخص بصوره كبيره يعني كوتشيات البورش ديزاين تمنها في مصر 500 و انتا طالع الاقيها في ابو ظبي ب 500 درهم و انتا طالع طب ازاي الله اعلم

اكيد حضرتك خبره اكتر مني بسم الله ما شاء الله 29 سنه انا قولت اللي شوفته و لمسته من خلال زياره شهر واحد فقط و ان شاء الله حكتب اخر مرحله الناحيه النفسيه

التعامل مع الجنسيات و الجاليات المختلفه في ابو ظبي و ربنا يستر من ضرب النار
تعاملي مع الهنود لاحظت ان معظمهم طيبين جدا هاديين الا فئه قليله تحس انهم عصبييب عندهم عنف شديد
الهنود بسم الله ما شاء الله عندهم ملكه حفظ مفيش زيها ممكن يشوفك مره واحده و يفضل فاكرك لكن في الفهم على قدهم الا فئه قليله

الجاليات العربيه او الجنسيات العربيه

المواطنين (الاماراتيين ) بيعشقوا مصر جدا و المصريين و لمستها اكتر في تعاملاتي معاهم خصوصا في الاجراءات في المطار منتهى الذوق و الادب و كمان لما زعلوا و فرحوا علشاننا ايام المنتخب في كاس الامم و كاس العالم اينعم قابلت منهم ناس هابله اوي معاها فلوس لكن مش فاهمه حاجه بس يكفي ادبهم و حسن ضيافتهم

افضل جاليه عربيه هما العراقيين يليهم السوريين و كل منهم بيعشق المصريين جدا خصوصا العراقي بيحب المصري اوي معرفش ليه بصراحه مع اننا حاربناهم في حرب الخليج الثانيه و حمدت ربنا ان المعظم منهم بيفرق ما بين الشعب المصري و الحكومه المصريه و فيه سوريين بيعتبروا لحد دلوقتي ان الشعب المصري و السوري شعب واحد بغض النظر عن الاختلافات في الحكومتين

وربنا يستر انا عارف ان حضرب بسبب اللي حقولهالجاليه الفلسطينيه ابعد عن الشر و غنيله بيكرهوا المصريين جدا و ياريت قد الكره بس بيحاولوا ياذوهم سواء في الشغل او في السكن و ميرتحش الا لما تتكل و ملقتش استثناء كل اللي سالتهم قالولي جمله واحده مبحبش اقولها بس متفقين عليها ان الفلسطينيين هم يهود العرب

الجاليه المصريه كويسه جدا جدا مبتعملش مشاكل مع جاليات تانيه لكن ما بينهم و بين بعضيهم مش حلوين تنافس مش شريف و يحاول يضحك عليك على اعتبار انك مصري و متعود على الفهلوه المصريه

نيجي للمهم عاصرت فتره رمضان و العيد محستش بيهم نهائيا غير الزحمه بس حسيت انها بلد بلا روح و هما اعترفوا كده في مقاله في احد الجرائد على لسان مواطن مصري عايش هناك
طبعا اتقالي و الله اعلم ان فيه رقابه شديده على الجاليات مفيش ديموقراطيه الله اعلم بس لما فتحت الجرايد بتاعتهم حسيت انها جريده الجامعه مش جريده دوله عندها قضايا سياسيه داخليه و خارجيه بيكبروا في الكلام و الصور علشان يبقى اسمه جرايد مش عندنا بنصغر و بنعمل و مبنعرفش نجيب الاخبار كلها

الناس هناك شايله بعضها مفيش هم زي اللي عندنا هنا عدا موقف حصل هندي و صعيدي اتخانقوا مع بعض في اتوبيس كان خناقه مسخره

خلاصه القول حتى لو ليك مصريين هناك حتعيش معاهم في ابو ظبي فده مش حيعوضك على جو مصر يكفي لما وصلت المطار لقيت عسكري الامن و الظابط بيهزروا مع المسافرين كلمه كلمتين طلعت في الشارع الناس بتكلم و تسال بعضيها عادي بشم هوا طبيعي الجو تحفه حتى الشوارع حسيت انها كويسه مش عارف ليه مع ان قبل ما اسافر كنت بكرهها بدات اتقبل عيوب مصر و اتعايش معاها يمكن لان انا شوفت مزايا مصر بجد لما سبتها

ملحوظه فيه ناس مصريين عايشين في ابو ظبي و بيلعنوا مصر و المصريين و التخلف و..............
فده رايي الشخصي زي ما ناس كتير بتحب مصر اكتر و بتحب تعيش فيها زي ما ناس كرهتها المهم كل شخص حسب تقبله و شخصيته

المشاركة الأصلية كتبت بواسطة crazylambada

الايجارات متفرقش لان كده كده الشغل هو اللي بيوفرهالك اللي بيجي ابو ظبي لازم الشغل موفرله تامين صحي و سكن ده اساسي غير تعليم للاولاد و تذاكر السفر و غيرها

مش كل الناس متوفر ليهم سكن كتير جدا من الشباب بيأجر سرير في اوضه مشاركه وبيوصل سعر السرير ل 1500 درهم وفيه ناس كتير مع عائلاتهم ساكنين في اطراف ابوظبي زي المصفح والشهامه علشان يوفروا شويه علشان الايجارات ارخص

الفقير في ابو ظبي عايش اه لان انا بقارنه باللي بيعيش في مصر يكفي ان مفيش متشرد واحد لان ببساطه اللي بيشتغل متوفرله سكن لكن اللي مش بيشتغل بيرجع بلده فورا


بالنسبه للسكن انا سكنت في فيلا و في عماره فندقيه الاتنين بصراحه كانوا نضاف جدا و خدمه رائعه خصوصا الباركنج علشان الزحمه

انا اقصد الرفاهيه في السكن متوفره في دبي عن ابوظبي علشان معظم بنايات دبي فيها نادي رياضي وحمام سباحه مجاني للسكان وباركنج وعموما خدمات البلديه في دبي اقوي بكتير من ابوظبي وده بتلاحظه في الشوارع واهتمامهم بنظافه ادق التفاصيل

عدد سكان الامارات اخر احصائيه 9 مليون على العموم كلها عضوائيه لان سكان الامارات حسب ما كذا واحد قالي 2-3 مليون نسمه فقط
يبلغ عدد سكان الإمارات في الوقت الحالي نحو ستة ملايين نسمة يشكّل الإماراتيون 16.5 بالمائة منهم، وذلك بحسب نتائج دراستين بارزتين.

وأفادت صحيفة "جلف نيوز" اليومية الإماراتية الأربعاء أن الأرقام التي ارتفعت عن نتائج التعداد العام الذي أجري في 2005 بنحو مليوني نسمة تستند على مشروعين بحثيين اعتمدا على تسجيل التأشيرات وعدد الأشخاص العاملين في الدولة. وأجريت الدراستين من قبل إدارة الجنسية والإقامة ووزارة الداخلية ووزارة العمل.

وأضافت الصحيفة أن الدراستين أظهرتا أن نسبة السكان الوافدين في الإمارات تتزايد باضطراد ويشكّل الهنود المجموعة الأكبر منهم حيث يصل عددهم في الدولة حالياً إلى 1.75 مليون نسمة.
1
أما ثاني أكبر مجموعة تسكن الإمارات فهم الباكستانيون الذين يبلغ عددهم نحو 1.25 مليون شخص، ثم البنغلادشيون الذين يبلغ عددهم نحو 500,000 نسمة.

وأظهرت الدراستان أن أفراد الجاليات الآسيوية التي تشمل الصين والفلبين وتايلاند وكوريا وأفغانستان وإيران تؤلف نحو مليون نسمة من مجموع السكان.

ويشكّل الوافدون الغربيون من أوربا واستراليا وشمال إفريقيا وإفريقيا وأمريكا اللاتينية نحو 500,000 نسمة من مجموع سكان الإمارات.

((( اكيد طبعا عدد السكان قل عن تعداد 2009 علشان الازمه الاقتصادية وتأثيرها على الشركات يعني مثلا الشركه الي انا فيها تقريبا كنسلنا لاكتر من 300 فرد وفيه شركات تانيه مشوا اعداد اكتر من كده بكتييييييييييييييييييير)))



بالنسبه للبس انا لقيته مش حلو زي مصر او يمكن انا زوقي مختلف عن الثقافه الخليجيه الاسعار فيه حاجات اغلى و حاجات ارخص بصوره كبيره يعني كوتشيات البورش ديزاين تمنها في مصر 500 و انتا طالع الاقيها في ابو ظبي ب 500 درهم و انتا طالع طب ازاي الله اعلم

الفكره في اللبس انك ممكن بسهوله تلاقي الماركات العالميه وده الي بدأ يظهر في مصر في خلال الخمس سنين الي فاتوا لما بدأ يظهر المولات الكبيره زي ستي ستارز وموضوع الاسعار هنا غاليه لفكره التكلفه التشغيليه العاليه من مرتبات وايجارات خياليه وكمان تكاليف الرخصه السنويه بس مش عارف ليه لما بقارن حاجات كتير مع مصر بلاقي مصر اغلى في الماركات

اكيد حضرتك خبره اكتر مني بسم الله ما شاء الله 29 سنه انا قولت اللي شوفته و لمسته من خلال زياره شهر واحد فقط و ان شاء الله حكتب اخر مرحله الناحيه النفسيه

تمام احنا مش مختلفين كده
بس حته السكن ممكن علشان بيوفروا لان فيه وظائف بيديلك بدل سكن و انتا تتصرف فبتاخد في مكان بعيد او اقل علشان توفر الفرق انتا اولى بيه
بس ايه رايك في الكلام بتاع الجنسيات اكيد برضه حضرتك خبره في الموضوع ده و لو تقول مثلا مواقف حصلت بتؤيد او بتنفي الموضوع