الموضوع: رحلتي لابو ظبي (مقارنه بمصر)

المشاركة الأصلية كتبت بواسطة zangry

انا مش عارف مصر اية اللى احسن من دبي ولا ابو ظبي دى !!!!

معلش يعنى شوف انت هناك بتاكل اية وهنا اية !! هناك تحس ان الاكل نضيف اللحمة والفراخ !!! شم الريحة بتاعت الفراخ عمرك ما تلاقي الريحة الزفرة زى اللى هنا !! واللحمة طبعا غير اللى هنا !!

هناك هتعيش مرتاح ومبسوط وموضوع الحر ده هتتعود عليه مع الوقت

يا راجل يا طيب.....اكل أيه بس الأحسن ؟

ده أكتر حاجة بيعانى منها المصريين هنا أن الأكل مش لذيذ و له طعم زى مصر..........لحمة أو فراخ أو سمك..............حتى من أعتى مطاعم مصر اللى فاتحين هنا......زى فرحات و جاد و أبوشقرة و أبو السيد.

اللحمة المتوفرة هنا نيوزلندى أو هندى أو أسترالى..........مفيش حاجة فيهم بطعامة اللحمة المصرى و مفيش حد بيبيع اللحمة المصرى هنا.

و نفس القصة على الحلويات...........بسبوسة.....كنا فة أو أى حلويات شرقية..........فرق شتان ما بين هنا و ما بين مصر.

فيه فروقات تاينة هنا مش هياخد باله منها اللى قاعد فترة طويلة........على سبيل المثال

رمضان و العيد سواء فطر أو أضحى ملهمش طعم هنا

.........دبى بيقولو عليها هنا المدينة التى لا تنام........غالباً مشفوش القاهرة قبل كده..........بس هما بمقياس دول الخليج يبقى فعلاً دبى لا تنام.........بس مقارنة بمصر.......أنسى.

كفاية أن أنت بتقعد 8 شهور من السنة مش بتعرف تعمل أى حاجة outdoor

موضوع الحر ده معاك حق فيه.........أنا نزلت مصر فى نص يونيو اللى فات........أول يوم راكب مع حمايا العربية بتاعته......الراجل فتح الأزاز شوية علشان يهوى العربية.........و بعد كده بيقفل الأزاز فقولتله ما تسيبه الجو حلو..............بصلى بصة غريبة و كان هاين عليه يمسك فى زمارة رقبتي.........الحرارة ساعتها على ما أذكر كانت 36 أو 38 مش فاكر بالظبط.........هنا بالليل بتبقى فى حدود ما بين 38 إلى 42 أو 43 كمان.........مع رطوبة غير عادية تحسسك أنك بتتنفس تحت المياه..........الصبح بقى....مش أقل من 44 ده لو يوم عادى مش حر قوى :)

أول ما بتدخل العربية هنا كأنك دخلت فرن.......عداد درجة الحرارة الخارجية أول ما بدور العربية ساعات يكتبلى 60 :)..........شوية مع المشى بتقل لحد ما ترسى على 50 أو 49.