الموضوع: امال دكتور ازاى ؟!!

أنا بقابل من ده كتير
إليكم بعض الترجمات لبعض كلمات الفلاحين
إمساك = إستتجال
إسهال = تمشية
صغير السن = جاهل
الحباية الحمرا = إنتوسيد
الحباية الخضرا = ستربتوكين

وكلمة " أمال دكتور إزاي"
بسمعها أحيانا في مواقف غبية
موقف 1
واحد داخل معاه روشتة ..لف بيها على كل الصيدليات إلي قبلي
وجالي بيها
فيها 5 أنواع دوا ..حاولت أفسر منها حرف واحد..أبدا
حاولت حتى أخمن..وأسأل المريض عندك إيه ..يمكن أقدر أستنتج الشخبطة دي
مفيش فايدة
قولتله""والله الدكتور خطه وحش..ممكن ترجعله يكتبهالك بخط واضح"
قالي: يعني محدش فيكم عارف حاجة ..إمال دكاترة إزاي؟؟

موقف 2

واحد داخل عاوز شريط مسكن لوجع الأسنان
إديتله كيتوفان
يضحك ..ويقولي "يادكتور ..يادكتور الكيتوفان ده بتاع الصداع مش بتاع السنان.هأهأهأهأ..أمال دكتور إزاي؟؟؟!!!!!
وفضل يضحك لحد ماخرج من الصيدلية

موقف 3
واحد جالي عند جرح في وشه..الجرح أنا شايف أنه كبير
قولتله :"الأحسن تروح لدكتور بشري..يمكن تتخيط ويمكن لأ""
رجعلي أخر النهار
يزعق .. ويشتم ..ويخرب بيوتكم .. وإنتوا حمير
""مالك ياإبني بتزعق ليه..إنت إتهبلت""
""روحت للدكتور قالي مش محتاجة خياطة ..وكان كفايا إنها تتطهر بس""
""طيب كويس..مالك يتزعق ليه وداخل تقل أدبك""
""يعني أخد توك توك بــ10 حنيه لحد الدكتور ..وأدفع كشف 20 جنيه..علشان حاجة ماتستاهلش..إنتوا أصلا مابتفهموش""
لقيته غبي جدااااااا .. طب ده يتقال له إيه بالذمة!!!
فقولت لازم أحرق دم إلي جابوه
قولتله
""طب بس روح إعمل نفسك راجل على إلي علّم عليك في وشك""
وشه إحمر وإزرق وكنا هنمسك في بعض ..بس الناس إتلمت ورموه بره الصيدلية
ههههههههههههههههههه