ال في الموضوع دا ال هي افيو 5 كوبيه
انما الجديدة ال في الصور ال في المشاركات التانية ال هي عدسات ورينجات والكلام دا
+1
عرض للطباعة
الموضوع أذواق طبعا
ربنا يكرمك وتشتريها بس ابقي خد بالك متريحش علي أي حاجه من قدام ولا تركن ورا حد احسن يرجع عليك واللوجو يتفرم :))
بس الصورة اللي انت حطيتها غير اللي في راس الموضوع لأن الأكصدام فيه بروز مع اللوجو من فوق وتحت مخلي شكله مبلوع غير الأولانيه كأنه ملزوق مش في مكانه ، يعني صلحو غلطتهم نوعا ما ;)
والله يا جماعة انا رايى ان العربية لما يبقى شكلها كلاسيك وشيك احسن متبقى روشة
والشيكة دى متمنعش ان العربية تبقى موديل جديد
حتى تلاحظو حضراتكو ان افخم واغلى السيارات فى العالم شكلها كلاسيك زى الرولز رويز و المايباخ و اللينكولن والمرسيدس
وكتير من دا
والموضوع فى الاخر اذواق
وبمناسبة اللوجو اللى مضايق ناس كتير دة فى افظع من كدة كمان
ياريتها جت على اللوجو وبس فى موديلات من النيسان والبيجو تلاقى فى مقدمة العربية الفوانيس طالعة لبرة
علشان يا عينى كل يوم صاحب العربية اى خبطة من قدام بفانوسين على طول
والتوكيل يسترزق
استحاله تنزل بالجنوط والكماليات دى....
الموضوع دا فيه كل المعلومات عن الأفيو الجديدة اللي نزلت في امريكا و هي عامة اسمها اتغير من افيو لسونيك
http://www.nilemotors.net/Nile/19557...let-sonic.html
هى جميله طبعا
بس اكيد لو نزلت هيزيد تمنها 20 الف
ذى الاسبارك من55 ل72
عامة الكلام ده مش كله مضبوط
1- تصميم مواتير شيفروليه و شاسيهاتها مبني علي كذا قاعدة شاسيهات بتنزل في معظم السيارات الشيفروليه و ماركاتها و منها الأوبل زي مواتير الe-tec و ecotec
2- باقي التصميم اللي بيكون بقي الشكل الخارجي و الداخلي و باقي اجزاء السيارة بيتصمم في كذا مكان حسب اصل الموديل زي الأوبل الأنسينا الجديدة و هي بعد الفكترا نازلة في الصين يأسم بويك و في امريكا و لكن اصل التصميم في ألمانيا و المواتير و الشاسيهات من امريكا
3- قصة دايو مع شيفروليه هي قصة شراكة قديمة في الشاسيهات و المواتير و لكن المواتير الموجودة في الدايو كانت مواتير اجيال قديمة شوية من الe-tec و اللي معظمها صغير في السعة حتي 2000 سي سي و اضعف في القوة الحصانية و باقي السيارة من فتيس و تصميم داخلي و خارجي من تصميم دايو
يعني دايو أجزاءها الرئيسية من تصميم شيفروليه و لذلك كانت من اكفأ السيارات الكوري و طبعا يعيبها ضعف المواتير و ده اللي منعها من النجاح في اوربا
وده هو اللي خلي شيفرويه هي اللي اشترت دايو لما اتباعت لأن الحاجات الأساسية في السيارة معروفة لشيفروليه
نيجي بقي لتصميم السيارات اللي ذكرت
1- افيو + اوبترا + ابيكا = جيل جديد من دايو بعضهم نزل قبل شراء سيفروليه لدايو زي الأفيو و الأوبترا و تم تعديلهم تعديل كبير في الأفيو و بسيط في الأوبترا اما أبيكا ما نزلتش الا مع شيفروليه و تم تعديلها قبل النزول و كل هذه الموديلات هي الأجيال الجديدة ل لانوس و توبيرا و ليجانزا بفلسفة تطوير جديدة
2- الكروز و سونيك "الأفيو الجديدة" و كابتيفا و اورلاندو: هي تصميم عالمي امريكي اي انه تم في امريكا من فرق مكونه من خبراء شيفروليه في العالم من كل فروعها و ده سببه رغبة شيفروليه في المنافسة في قطع السيارات الصغيرة الأقتصادية بماركتين الشيفروليه الأنتاج الكوري و الأمريكي + الأوبل الألمانية
3- شيفروليه كابريس : تصميم امريكي مصمم لبعض الدول منها الخليج و استراليا و عامة هولدن لم تطور موديلات الأ تعديلات لموديلات شيفروليه ما عدا موديل او 2 لم يغادروا استراليا
4- شيفروليه لومينا : هي الموديل المنسوخ من بونتياك جي 5 و نزلت في استراليا بأسم هولدن اي انها تصميم امريكي و ليس أسترالي
bluemaneg باشا مهندس حقيقي
معلومات مرتبة ووافية وجميلة جداً
ربنا يبارك لك في علمك ومشاركتك معلوماتك دي معانا