انا رائى ان المشكلة الحقيقية اللى فالموضوع انك و للاسف الشديد محترم فى 2010!!
عرض للطباعة
انا رائى ان المشكلة الحقيقية اللى فالموضوع انك و للاسف الشديد محترم فى 2010!!
يخرب بيت تحليلك يا فامبير
ايه ده دكتور حشاشاني يا اخواتي
والله كلامك كله صح فعلا بجد حقيقي واقعي (مش ناقص غير اني احلف على المصحف انه صح)
الواد كان عامل دماغ فعلا ونايم في العشة انت ضيعتها عليه بس مكانش فاق منها كويس
بس حلوة حركة انت مش عارف بتكلم مين من واحد سايس
بص يا باشا من تجارب سابقة من 3 سنين كان نفس حال جراجك كدة والواد السايس كان مسجل خطر من اولها فهمته اني دكتور في الجامعة بس في حقوق وان كل وكلاء النيابة والقضاة كانوا طلاب عندي ولانه حمار صدق وعليها مكانش بيقدر يفتح بقه بكلمة وكنت بدفع 30 جنيه في الشهر ويطوقها كل يوم وانا ماشي
بس بردو اتخبطت ولاد التيييييييييييت
الاول كنت بتنرفز من كل حاجة وبحرق في دمي تبقي راجع بالعربية واخدة سمكرة ودوكو كلها واتخرب بيتك فيها وقبل ما توصل للبيت واحد حمار يجيب لك البابين مرة تانية بردو نفس الحكاية العربية كلها معمولة سمكرة ودوكة وترجع البيت وتاني يوم الصبح تلاقي عربية حكت لك الرفرق الخلفي وعيل عملك خريطة اسيا على الرفرق التاني
وتكاتك وميكروباسات وامناء شرطة
بس انا جالي السكر والضغط من النرفزة المستمرة 24 ساعة دلوقتي بقيت باخد كل الامور ببساطة بدل ما اتنرفز في مرة اموت فيها وعندي عيال عايز اربيهم
بالنسبة لان الواد ده يتعرض لك بعد كدة انسي مش هيحصل الا لو ثبتك بمطواة زيه زي اي حرامي شريف بيثبت اخوه المواطن ويقلبه يعني مش هايبقي قاصدك انت تحديدا بس علشان انت اللى قدرك رماك في طريقه وقت ما طلبت معاه يثبت حد ويقلبه
عادي انت في مصر
والله يا باشا انا فكرت اعمل الحل الأول دا بس قولت حرام سواق التاكسى ملوش ذنب عشان هو بيركن مطرح ما بيقولوله .. الحل التانى دا انا كنت ناوى اعمله فعلا بس احنا كنا فى العيد وكنت عاوز اسافر ومستعجل لكن ممكن الجأ ليه دلوقتى لو ما رضيوش يدونى فلوسى لأنى كنت لسه دافع الأشتراك قبل العيد بيوم وما استفدتش بيهم ومشيت من الجراج بس مستنى السايس الأصلى يرجع عشان اطالبه بفلوسى .. خد عندك دى بقا عرفت انه ناس كانو فى الجراج دا وسابوه بعد ما اتسرقت الطاسات بتاعه العجل بتاعتهم وراحوا الجراج الجديد :O_stupid[1]:
يعنى مش فاهم الواحد بيدفع فلوس عشان عربيته تتجرح وتتخبط وتتسرق وكمان يجى يطلع ما يعرفش يطلع بيها حسبى الله ونعم الوكيل فى المهملين دول :I_angr1[1]:ربنا يتوب علينا منهم
دا اللى انا عملته فعلا ولو انه بعيد بس انضف كتير ومحدش بيقفل على حد وفيه امن وزى الفل الحمدلله :)
يظهر كدا فعلا لازم الواحد عشان ياخد حقه فى البلد دى يبقا بالدراع والصوت العالى :T_thum1[1]:
اه تخيل لما سايس يقولك انت مش عارف انت بتكلم مين :8954[1]:
حلوة الطريقة اللى حضرتك عملتها دى عشان يتربوا ويحترموا نفسهم :E_braces[1]: بس الله يكون فى عونك دا انت بيحصلك اكتر من اللى حصلى :O_stupid[1]: حاول تشوف جراج تانى يا دكتور .. انا اللى اشتركت فيه جديد دا بتاع مستشفى اصلا بس فتحوه عام والناس فيه محترمة جدا وبيعملولى وصل بالأشتراك صحيح اغلى وابعد بس اريح من وجع الدماغ دا ويبقا الواحد بقا مطمن شوية
بالنسبة انه يتعرضلى انا مش مهم هعرف ادافع عن نفسى انا خايف يضايق حد من اهلى لو شافه صدفة بس لأنى بسمع حاجات غريبة بتحصل زى فى واحد مسجل خطر البوليس قبض عليه وعملوله محضر راح مقطع المحضر قدامهم وخرج ومحدش قدر يكلمه لما البوليس مش عارف يعمل معاهم حاجة امال الناس العادية هتعمل إيه :O_stupid[1]:
ايه ده هي دية بقت السياسه والنظام المتبع في كل الجراجات اللي حضرتك حكيت عليه
تقريبا حصل معايا لحد مااخدت معاهم اجراء حاسم رحت لصديق ليه ظابط في استيفة
القسم وكنت عايز اعمل محضر علشان مره غطا العربيه يتسرق ومره يتقفل عليه ومره
يتقطع ويقولولي كلاب وآخر مره اتقطع بالموس وجرح العربيه بس الحمد الله تجريح
خفيف وهي دية اللي جابت اخري معاهم وحكيتله قالي طيب انا مروح معاك لأن بيته في
منطقتي ورحنا الجراج ودخل لقي صاحب الجراج قاعد وكان عارفه فقله انا جيلك
دلوقتي بصفه رسميه استاذ احمد كان عايز يعمل محضر علشان كذاوكذا وبصراحه ده
صاحبي وامره يخصني بس قلت الموضوع بلاش يكبر ونخلصه المره دية ودي قلته انا
مش مقصر زودت الأيجار وقلت ماشي لما باجي براضي الكل ومبقصرش مع حد وقدام
منك صح قالي صح المهم قله تحت امرك ونجبله غطا تاني وان شاء الله مش هيزعل
ومش هيبقي فيه مره تانيه ويااستاذ احمد ادي رقم الموبيل الخاص بي لو حصل اي
حاجه كلمني وانا اجيلك علي طول ونده العيال اللي شغاله عنده ونبهم ووصاهم انه يخدوا
بالهم من العربيه يعني من الأخر لازم يكونلك ضهر علشان تاخد حقك في البلد دية
وممكن حضرتك ب25 جنيه لأمين شرطه يعمل اللي اتعمل ده وتريح دماغك وربنا
يقوينا عليهم لأنها بقت حاجه ميتسكتش عليها
انا مشترك فى جراج من حوالى سنه
ولحد دلوقتى مغير ثلاثة اكصدمات تقريبا كل شهرين يكسرولى اكصدام
ومع الاسف لو اتكلمت هيقوللى خد عربيتك من هنا وهيلاقى 1000غيرى
ومافيش بديل وده اللى مقوى قلبهم ان مافيش مكان فى اى جراج تانى
.................................................. .....................................
اللى اظرف من كده بقى ان الجراج ده بيقفل الساعه 12 مساء
ولو رجعت بعربيتى بعد كده متأخر اقعد اخبط وانده ييجى نصف
ساعه لغايه ماحد يعبرنى ويفتحلى الباب
كتير فكرت انى ابيع العربيه واستغنى عنها بسبب الجراج والركنه
لكن اعيش من غيرها ازاى
انا حبيت احكيلك جزء من مأساتى مع الجراج
علشان اخفف عنك وماتحسش انك لوحدك اللى بتعانى
وللعلم انا بدفع 100جنيه اشتراك و10جنيه للسايس
وكل غسله بدفع عليها 5جنيه
والله فكرة ممتازة وهما فعلا ما بيجوش غير كدا بس للأسف معرفش حد فى الشرطة :120146b
وزى ما حضرتك قولت واضح انه دا الأسلوب المتبع فى كل الجراجات عشان يزودوا البقشيش وحسبى الله ونعم الوكيل فيهم :I_angr1[1]:
بس هجيب امين الشرطة دا منين واقنعه يجى معايا ازاى :11:
ينهار بجد ربنا يكون فى عونك :O_stupid[1]:
انا بسبب اللى شوفته فى الجراج دا فكرت اركبلها إنذار واركنها فى الشارع بس للأسف ما ينفعش عشان المنطقة اللى ساكن فيها مليانة مدارس والعيال هيقوموا بالواجب وهنزل الاقيها عربية تانية :brn:
بجد حسبى الله ونعم الوكيل فيهم من اللى بيعملوه فينا