الموضوع: اتخنقت من الجراج واللى فيه

المشاركة الأصلية كتبت بواسطة misoalex

وتقولولى عاوز تشترى مسدس ليه واحد زى ده كان المفروض يتعمل معاه الصح

انا لو مكانك حاجه من الاتنين حسب حظه ساعتها
1- حكسر ازاز التاكسى وافتحه واطلعه بعيد عن عربيتى ولو حد اتكلم ساعتها حقول هاتولى المسؤل بقا مهو بيقوللى انا مش مسؤل ومش عاوز يدينى عربيتى وهما كده كده خبطو عربيتى وانا كسرت الازاز كده خالصين

2- كنت رحت عملتله محضر فى القسم بأنهم مبرشمين وطلعو سلاح عليا وقالولى ملكش عربيات عندنا (معلش اسلوب مش كويس بس لو اتقال حاجه غير كده فى القسم عمر محد حيتحتح ولا يعملك اى حاجه و ب 50 جنيه لاى امين شرطه يجى معاك يجيب الواد من قفاه وساعتها يعرفوه هو مين فى القسم
ولازم كان يحصل حاجه من 2 دول عشان يبقو عبره لان دول شويه بلطجيه ولازم يتعلمو الادب والا الى بعملوه معاك حيحصل مع كل الناس

وربنا يصبرك انا برضه بركن عربيتى بعيد عن البيت بمسافه كبيره بس حعمل ايه حاجه تقرف والله وربنا يتوب علينا

والله يا باشا انا فكرت اعمل الحل الأول دا بس قولت حرام سواق التاكسى ملوش ذنب عشان هو بيركن مطرح ما بيقولوله .. الحل التانى دا انا كنت ناوى اعمله فعلا بس احنا كنا فى العيد وكنت عاوز اسافر ومستعجل لكن ممكن الجأ ليه دلوقتى لو ما رضيوش يدونى فلوسى لأنى كنت لسه دافع الأشتراك قبل العيد بيوم وما استفدتش بيهم ومشيت من الجراج بس مستنى السايس الأصلى يرجع عشان اطالبه بفلوسى .. خد عندك دى بقا عرفت انه ناس كانو فى الجراج دا وسابوه بعد ما اتسرقت الطاسات بتاعه العجل بتاعتهم وراحوا الجراج الجديد
يعنى مش فاهم الواحد بيدفع فلوس عشان عربيته تتجرح وتتخبط وتتسرق وكمان يجى يطلع ما يعرفش يطلع بيها حسبى الله ونعم الوكيل فى المهملين دول ربنا يتوب علينا منهم

المشاركة الأصلية كتبت بواسطة power

لو الجراج التاني نضيف روحو مش مشكله لما تمشي شويه احسن من حرفه الدم علي الصبح

دا اللى انا عملته فعلا ولو انه بعيد بس انضف كتير ومحدش بيقفل على حد وفيه امن وزى الفل الحمدلله :)

المشاركة الأصلية كتبت بواسطة Tarek Gen 2

انا رائى ان المشكلة الحقيقية اللى فالموضوع انك و للاسف الشديد محترم فى 2010!!

يظهر كدا فعلا لازم الواحد عشان ياخد حقه فى البلد دى يبقا بالدراع والصوت العالى

المشاركة الأصلية كتبت بواسطة dr-mohamed

يخرب بيت تحليلك يا فامبير
ايه ده دكتور حشاشاني يا اخواتي
والله كلامك كله صح فعلا بجد حقيقي واقعي (مش ناقص غير اني احلف على المصحف انه صح)
الواد كان عامل دماغ فعلا ونايم في العشة انت ضيعتها عليه بس مكانش فاق منها كويس
بس حلوة حركة انت مش عارف بتكلم مين من واحد سايس


بص يا باشا من تجارب سابقة من 3 سنين كان نفس حال جراجك كدة والواد السايس كان مسجل خطر من اولها فهمته اني دكتور في الجامعة بس في حقوق وان كل وكلاء النيابة والقضاة كانوا طلاب عندي ولانه حمار صدق وعليها مكانش بيقدر يفتح بقه بكلمة وكنت بدفع 30 جنيه في الشهر ويطوقها كل يوم وانا ماشي
بس بردو اتخبطت ولاد التيييييييييييت

الاول كنت بتنرفز من كل حاجة وبحرق في دمي تبقي راجع بالعربية واخدة سمكرة ودوكو كلها واتخرب بيتك فيها وقبل ما توصل للبيت واحد حمار يجيب لك البابين مرة تانية بردو نفس الحكاية العربية كلها معمولة سمكرة ودوكة وترجع البيت وتاني يوم الصبح تلاقي عربية حكت لك الرفرق الخلفي وعيل عملك خريطة اسيا على الرفرق التاني
وتكاتك وميكروباسات وامناء شرطة
بس انا جالي السكر والضغط من النرفزة المستمرة 24 ساعة دلوقتي بقيت باخد كل الامور ببساطة بدل ما اتنرفز في مرة اموت فيها وعندي عيال عايز اربيهم
بالنسبة لان الواد ده يتعرض لك بعد كدة انسي مش هيحصل الا لو ثبتك بمطواة زيه زي اي حرامي شريف بيثبت اخوه المواطن ويقلبه يعني مش هايبقي قاصدك انت تحديدا بس علشان انت اللى قدرك رماك في طريقه وقت ما طلبت معاه يثبت حد ويقلبه
عادي انت في مصر

اه تخيل لما سايس يقولك انت مش عارف انت بتكلم مين
حلوة الطريقة اللى حضرتك عملتها دى عشان يتربوا ويحترموا نفسهم بس الله يكون فى عونك دا انت بيحصلك اكتر من اللى حصلى حاول تشوف جراج تانى يا دكتور .. انا اللى اشتركت فيه جديد دا بتاع مستشفى اصلا بس فتحوه عام والناس فيه محترمة جدا وبيعملولى وصل بالأشتراك صحيح اغلى وابعد بس اريح من وجع الدماغ دا ويبقا الواحد بقا مطمن شوية

بالنسبة انه يتعرضلى انا مش مهم هعرف ادافع عن نفسى انا خايف يضايق حد من اهلى لو شافه صدفة بس لأنى بسمع حاجات غريبة بتحصل زى فى واحد مسجل خطر البوليس قبض عليه وعملوله محضر راح مقطع المحضر قدامهم وخرج ومحدش قدر يكلمه لما البوليس مش عارف يعمل معاهم حاجة امال الناس العادية هتعمل إيه

انا مشترك فى جراج من حوالى سنه
ولحد دلوقتى مغير ثلاثة اكصدمات تقريبا كل شهرين يكسرولى اكصدام
ومع الاسف لو اتكلمت هيقوللى خد عربيتك من هنا وهيلاقى 1000غيرى
ومافيش بديل وده اللى مقوى قلبهم ان مافيش مكان فى اى جراج تانى
.................................................. .....................................
اللى اظرف من كده بقى ان الجراج ده بيقفل الساعه 12 مساء
ولو رجعت بعربيتى بعد كده متأخر اقعد اخبط وانده ييجى نصف
ساعه لغايه ماحد يعبرنى ويفتحلى الباب
كتير فكرت انى ابيع العربيه واستغنى عنها بسبب الجراج والركنه
لكن اعيش من غيرها ازاى
انا حبيت احكيلك جزء من مأساتى مع الجراج
علشان اخفف عنك وماتحسش انك لوحدك اللى بتعانى
وللعلم انا بدفع 100جنيه اشتراك و10جنيه للسايس
وكل غسله بدفع عليها 5جنيه