الموضوع: النيفا جابت اخرها امبارح ....

الحمد لله النيفا تقريباً كده جابت اخرها امبارح ...:d
ابويا راكب العربيه و ماشي بيها .. راح ركنها في العزبه .. و هوه راجع مادارتش معاه حسب كلامه .. جه مواصلات .....
العبد لله راح يجيبها ...ابص الاقي الاتي :
شديت العربيه دورتها زق ... العربيه دايره تمام .. ماشي بيها في الشاع .. لقيت الاكسراتير اتشد علي الاخر و العربيه مسروعه ... قعدت اشد في الاكسراتير مافيش فايده .. كانت العربيه بقي كابسه بنزين علي الاخر و بتضرب مدافع و امبليهات و باك فاير ...بطلت العربيه و افاجاء العربيه كلها مليانه دخان .. عادي خالص دي نيفا يا رجاله ...فتحت الكبوت و افاجاء بالاتي : العربيه جايبه زيت من كل حته في المكنه .. و الموتور راكب بجنب في الحوض (قاعده الموتور مفكوكه و طلعت من مكانها) ... و غالباُ كده المكنه في الباي باي ...علماُ بأن :
الموتور مفوت بقاله 5 سنين ان لم يكن اكثر ... شداد الكاتينه مكسور بقاله شهر ... ماكانتش غيرت زيت من سنه ... (يادوب غيرته الاسبوع اللي فات ..) ...
النهارده ان شاء الله هانفك المكنه من الحوض ... و هانلحم قواعد الشدادات (موعت قواعد الشدادات من مكانها من بتاع سنه كده ..) ... و نشوف بقي المكنه فيها ايه ... (مكنه لادا اوريجينال 1600 سيسي بتاعه النيفا و فتيس 5 غيار جايب غوايش من سنتين ...) ....
جاري البحث و التصليح ... (قلت احكيلكم مغاماراتي مع النيفا هلي السريع كده و انا فاضي قبل ما انزل ...) ....
ارضي عن العربيه بقي يا حج و سيبنا نشد شده كامله ! .. اعتقها دي قربت تنطق هههه :d