السلام عليكم
دى استماره البيع ومنتظر ردودكم
السياره : لانسر 2008 سوبر أكشن
اللون : نبيتى
الحاله : فابريكه بره وجوه
العداد : 18000
المطلوب : 100 ألأف جنيه مصرى
الاتصال من بعد الساعه 6 مساء
عرض للطباعة
السلام عليكم
دى استماره البيع ومنتظر ردودكم
السياره : لانسر 2008 سوبر أكشن
اللون : نبيتى
الحاله : فابريكه بره وجوه
العداد : 18000
المطلوب : 100 ألأف جنيه مصرى
الاتصال من بعد الساعه 6 مساء
كتير وخصوصا ان السوق خلاص ماااااااااااات
لو تمشى ب92 ان اشارى ودااحسن سعر ممن يتحطلك
انا سمعت اقل كلمه كانت 98 ومن معرض يعنى مش هايكس اقل من 2000 جنيه وانا أولى بيهم
وانا مش مستعجل على بيعها وخصوصا ان السوق هايرجع تانى بعد نومه رمضان ان شاء الله
وبعدين عربيه كانت جديده عامله 126 الف خليجى واعاده البيع بتاعها عالى جدا
وعداد تقريبا مامشاش انا وخدها وهيا 14 الف ومافيهاش خدش
العربيه ماشاء الله بجد ربنا يبارك للى هاتكون من نصيبه
طيب ممكن تقول اخرك فيها كام لان 98 ده سعر ال2009 وحاله شاذه كمان...
السوق بيقول تتباع لحد 100 وانا انشاء الله هابيعها على السعر دا
كل حاجه ليها زبونها مادام بتتكلم فى حقها
ربنا يحسنلك سوقها ويجيلك فيها اعلي سعر
ابقى قللى على المعرض اللى هياخد ب98 الف ج
المهم نصيحه بعهالوجابت كده لان السوق من رمضان للسنه الجايه نايم وميت تماما
والله يخربيت التجار اللى بيبوظو ويولعوا السوق لمجرد يبيعوا اللى عندهم وكلهمكدابين وياياخى لو جابت 98 فرق الفين ج بيييييع
وايه رايك كمان انى شايف فى معرض فى الهرم سوبر اكشن 2009 شاااااااذه ب95 الف
بس اكيد فى زباين هطله ولامؤاخذه فى الكلمه بتدفع وخلاص
المهم اخرى 92 وهقول تانى دا اعلى سعر ممكن يجيلك كااااااااااش
وزى مبيقولوا الكاش عزيز والقرش صيااااااد
وامشى بقى ورا السوق اللى بيقول 100 الف
وعشان تبقى عارف والناس عارفه لانى استويت من التجار الزباله
هو بثيقللك 98 الف حلو عشان يجرك ولما يتفرج على العربيه يقللك مش عارف الرخصه لا الحكه لا الفرش
المهم هيطلع اى عيب او يقللك استنى هجبلك زبون وقتى او هدخلهالك فى وحده تانيه كلهم الاعيب يابيه وهترسى على 90 ومش معاه كاش اصلا
نهايته انا هدفعلك كاش وفورا وشوف انتا
اكيد عربيتك مش الوحيده فى مصر
الراجل قال السعر الى هوا عايزه و كل واحد حر
ايه لزمته كتر الكلام
طبعا المنتدى لايرحب بلتجار وسبق وشال لناس عضويات للسبب دا
ايه رايكم ان البيه دا تاجر وقديم اوى وراجعوا مواضيعه تويوتا وبيجو ولانسر وغيره
والانسر دى خدها باقل من 90 الف وكان عامل انه ميعرفش فى الاسعار لجس النبض فقط
وقلناله نخدها من قبل متشتريها ب92 ونكسبك مرضاش
طب دلوقتى ياعم التاجر بقللك ازودك الفين ج واظن دا مكسب حلو انما تكسب 10 الاف ج ليييييييييييييييه ان شاء الله؟؟
والله محد بوظ سوق المستعمل غير اللى زيك
ربنا يكفينا شركم
عرفت ليه ياسياده العضو المحترم ahmedmaklad بكلم الناس بعصبيه ليه؟؟؟ ولا عاوز تفهم اكتر؟؟
ربنا يحسنلك بيعها بس لو ب 100 الف ادفع عليهم شويه واشتريها موديل 2011 محدش ركبها غيري وعلي فكره دي ممكن تمشي 100 الف لو مو اخر2009 . انا بقالي فتره بدور علي لانسر وبشوف رينج اسعار وانا مش بابخس بتمنها والله واتمني لك التوفيق في البيع
المحترم الى فعلا ردوده غريبه انا والله مش تاجر انا مهندس اتصالات ومافيش مجال انى أتكلم معاك بصراحه
وبالنسبه لبكر ماعنديش تعليق الموضوع اراء والمجال مفتوح طول ماباحترام وبجد شكرا على ردك المحايد
رجاء غلق الموضوع شكرا
احترام ايه وبتاع ايه هو عشان مهندس مش هينفع تبقى تاجر ؟؟
دوروا على مشاركاته عن طريق البحث باسم عضويته وهتتاكدوا من كلامى
انا بناشد المشرف بحذف عضويه الاخ صاحب الموضوع اسوه بعضو هنا اعرفه اتحذفت عضويته والسبب "المنتدى لايرحب بلتجار"
الاخ دا تاجر وباع واشترى عربيات كتير واللى يجنن انه بيعمل نفسه مش عارف الاسعار "بيشتغل الناس"
انا اعرف الواحد يكسب 500ج او الف ويبقى ماشى مش 10 الالف جنيه ليه خربتوا السوق حرام عليك يااخى
طول مالبلد فيها اللى زيك الغلابه اللى زينا مش هيعرفوا يشتروا عربيات
يا باشا هدي نفسك وخد الامور ببساطه انا عارف انك متضايق من مبدأ المغالاه نفسه بس في نفس الوقت لازم التغيير يكون من عندنا احنا يعني كل واحد يطلب في حاجته السعر اللي عايزه واحنا برده هانشتري بالسعر اللي شايفينه مناسب ( محدش بيجبر حد علي حاجه) علشان كده لما بلاقي حاجه ( بوجه عام) سعرها مستعمل مبالغ فيه باشترها جديده علي طول بالرغم من انها اغلي بس علشان احس ان مفيش حد بيستغلني .
عموما انا شايف ان كل واحد يطلب زي ما هو عايز وكل واحد يشتري زي ما هو عايز علشان مفيش حد دلوقتي عبيط وكل الناس بتسأل بعضها وكمان في استشاري تسعير محترم في المنتدي .
وجه نظر
انا اللى بيدايقنى انه بيشتغل الناس وعامل نفسه مش تاجر "هو اللى بيزمر بيخبى دقنه"
وكمان مضايقف انه ممكن يبيعها ب100 الف فعلا لزبون عبيط وساذج ماشى ورا ابنه او مراته
فاكيد ربنا ساعتها مش هيباركله ابدا فى فلوسها لانه غش الناس
وشكراااااااااااااااااا
الناس مش بتتعلم بالساهل ..وما علي الرسول الا البلاغ المبين.
حضرتك ده بيع وشرا ..يعني تجاره والتجاره شطاره والتاجر الاشطر اللي يكسب ومفيش مانع انه يحاول يكسب الضعف طالما انه مش بيغش في بضاعته... اما ياسيدي اللي يشتري يشتري هو حر وعلي فكره في ناس بتكبر دماغها في الشرا وبيقولوا مش مهم .
فين الشطاره دى؟؟؟؟؟
انى ازود 10 الالف او اكتر عشان اضحك على زبون عبيط؟؟
انا عاوز اعرف ليه المشرف مش بيحذف عضويته مش المفروض المنتدى لايرحب بلتجار؟؟
رجاء غلق الموضوع تم بيع السياره
ولا اتباعت ولا حاجه
ولا هتتباع
ياسياده المشرف لو سمحت احذف عضويه التاجر دا من المنتدى كما فعلت مع اعضاء سابقين لضمان الحياديه والنزاهه
انا مش عارف العضو memoo8888 مدايق ليه .. مايكسب انشالله يكسب 200 الف جنيه .. ايه الى مزعلك هنا ؟ .. انت ايه عرفك هوه شاريها بكام اساسا ؟ .. كونت معاه ؟! .. انا معاك ان غلط الواحد يكسب فى عربيه 10 تلاف جنيه .. بس انت ايش عرفك ان المبلغ 10 تلاف جنيه ؟.. وبعدين يااخى انا لو تاجر مش هاحط 90 الف جنيه فى حاجه علشان اكسب فيها 500 جنيه على حد قولك .. مدام بتتكلم فى الحق وعاوز الحق يبقى قول كلام يعقل عشره اه زياده لو فعلا كاسب عشره و 500 برده لايذكر .. يعنى لو اخد فيها 3 او 4 تلاف جنيه ماشى ..
لانا عارف جابها بكام لانه سالنا عن نفس السياره هنا تعمل كام
ولازم اضايق لانه تاجر وهم اللى بوظو السوق جايز انتا بتتكلم عادى عشان عندك عربيه ومش محتاج
لانسر سوبر اكشن 2007 فبريكه كامله حاله ممتازه لوون فيرانى كشافات غامقه جنوط فتحه سقف كساحات عتب ماشيه 50 الف
تعمل كام ؟؟؟
ايييييييه لازمة كل ده ؟!!!!!! ياكش يكسب مليون جنيه في فيزبا صيني .... ايييه الي يزعل حضرتك ... ونظرية سيادتك عن بوظان السوق بالتجار خاطئة ... السوق بايظ بسبب جهل المشتريين ..... وانا شخصيا لو هابيع عربيتي هاحاول اكسب فيها أكبر قدر ممكن وده موش عيب على فكرة ... ولا غلط أساسا .... بالعكس العبيط هوه الي مايبصش على مكسبه في أي حاجة صغيرة او كبيرة ومفكر الدنيا فهلوة ومفكر نفسه انه بيخلص حاله ....
سيب الناس تاكل عيش ... الي يكسب يكسب .. والي موش عارف وبيخسر يخسر ..والنصيحة مأجورة .... بس منغير العصبية دي..... معظم عمليات البيع المباشرة عند وجود مكسب يوجد خسارة من الجانب الآخر وده حال أي عملية بيع فالدنيا ...
خليك هادئ شوية وماتاخدش العملية بعصبية .... ولمعلوماتك لو افترضت ان حضرتك دكتور .. مصاريف بيتك وعيالك من مزاولتك لمهنتك ..هكذا الحال مع التاجر مكاسبه هيه أكل عيشه
كل التجار ولاد .................... مش عاوز اكمل عن تحجربه
اقسم بلله ازبل فئه فى الدنيا
الواحد يحلف ايمانات ان العربيه سليمه واجى اشفها الاقيها متنيله
غير النصب فى شهاده المخالفات والورق
يااخى انزل السوق وشوف بيتعاملوا ازاى
كدابين لاقصى درجه وياكلوا مال النبى ويستحلوا الحرام الا نسبه 1 فى الميه شريفه
الواحد فيهم تقلله العبيع رشه ايه؟؟ يقللك اتفرج وشوف بنفسك لو اتخميت خير وبركه لو طلعت فاهم يقللك انا واخدها كده ويحلف 100 مره انه مش تاجر وهو ابن ..........
ربننا يرحمنا منهم
يا جماعة أنا لقيت memoo8888
بيهاجمني لما عملت إعلان لعربيتى و مفهمتش لية بصراحة إلا لما أستاز حسام بعتلنا و قال إنو تاجر.., و هنا لقيتو بيتريق على واحد عشان يقلل تمن عربيتو
أنا بلغت عنو إدارة الموقع
يا ريت كلو يقرا تعليقاتو و يبلغ و إنشاءالله حيتشال على طول ..
يا جماعة أنا لقيت memoo8888
بيهاجمني لما عملت إعلان لعربيتى و مفهمتش لية بصراحة إلا لما أستاز حسام بعتلنا و قال إنو تاجر.., و هنا لقيتو بيتريق على واحد عشان يقلل تمن عربيتو
أنا بلغت عنو إدارة الموقع
يا ريت كلو يقرا تعليقاتو و يبلغ و إنشاءالله حيتشال على طول ..