-
الفيوزات
السلام عليكم اولا
ثانيا انصح جميع الاعضاء بتركيب الفيوز يكون نفس الرقم او اقل علشان ماحدش يحصلو اللي حصلي
وياريت الناس تفيدني في اللي هاقوله
دلوقتي الزجاج الكهرباء بتاع العربي عندي الفيوز بتاعو باظ وكان 30 امبير
المهم دورت بس مش كتير وفي الاخر جبتو 40 امبير اللي لقيتو
امبارح بقفل الازاز الكهرباء الاقي ريحة شياط بغباء
بطلت العربية لان الازاز عندي مابيشتغلش غير لما ادي سنة كونتاكت
المهم فكيت فرش العربية لقيت الضفيرة نصها سايح علي بعض والفيوز ضرب
هو انا مش عارف اعمل ايه او اروح لمين بس في الاول وفي الاخر الحمد لله
حاجة عبيطة ب 1.5 كان ممكن تولع في العربية وانا جواها
فانصح الجميع لو فكيت فيوز راجعو مع الرقم اللي علي العلبة يعني لو الفيوز 30 هاتو 30 لو مالقتش
هات 20 ماتعملش زي وتجيبو 40
وسيبك من البياع ماتسمعش كلامو لان هو كل همو انو يبيع وخلاص
الموضوع مش فهلوة وانا قصدت اني احطو في المنتدي العام للافادة
والحمد لله علي كل شي
وكل عام وانت بخير
-
كلامك مضبوط فعلا التغيير يكون لنفس الفيوز بنفس الامبير وممكن ااقل لكن اعلي لا
-
الحمد لله انك كويس
لو الضفيرة باظت يبقي تجيب واحدة جديدة
هي غالية شوية
بس أمان
وشيك علي الفيوزات تاني
-
-
شكرا على المعلومة
شكرا على المعلومة المفيدة.
Content Relevant URLs by
vBSEO 3.6.0 PL2