بسمع صوت جاي من ناحية الموتور عبارة عن تكتكة زي صوت ماكينة الخياطة..
سواء العربية ماشية او واقفة دايرة..
افيدوني مشكورين..
عرض للطباعة
بسمع صوت جاي من ناحية الموتور عبارة عن تكتكة زي صوت ماكينة الخياطة..
سواء العربية ماشية او واقفة دايرة..
افيدوني مشكورين..
هناك احتمالات كثيرة
حدد مكان الصوت اذا كان من اعلي المحرك ام من الاسفل لنشخص لك العيب
ده في الأغلب صوت تاكيهات
حاسس ان الصوت من اسفل وبسمعه كويس وانا ماشي لو جيت جنب حائط او عربيات..
ايه موضوع التاكيهات دا؟ ايه ضرره وحله ايه؟ في حاجة بتتغير ولا تصليح فقط؟
أيوة هو الصوت دا فعلا..اقتباس:
المشاركة الأصلية كتبت بواسطة otefa
اعمل ايه في موضوع التاكيهات دا؟
أخبار الزيت عندك أيه مستواه مظبوط ولا ناقص وبينقص..........بتغيره في معاده...........أي وزن w للزيت!!!
تاكيهات ولا بلية كاتينة؟ اللي في الفيديو ده تكيهات وش
هو الكلام على عربية نوعها اية ؟؟؟؟؟؟ كتير كاتب نوع عربية و بيتكلم على عربية تانية خالص
طبعا صوت تكتكه يبقي تاكيهات بدون تردد
اما الاصوات التنيه بتبقي
خشونه
تخبيط
ونه
كلاكيت تانى مرة :اقتباس:
المشاركة الأصلية كتبت بواسطة karimfahmy99
هو الكلام على عربية نوعها اية ؟؟؟؟؟؟ كتير كاتب نوع عربية و بيتكلم على عربية تانية خالص !!!!!!!!!!!!!!
اللى بيرد دا متاكد من نوع العربية و عارف ان فيها تاكيهات مش كستبانات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
العربية في البيانات .. سيراتو 2006
بالنسبة للزيت مغير زيت من حوالي 6000 ك .. زيت فيسكو 5000..
بالنسبة للزيادة والنقصان.. ممكن اقيسه
التاكيهات دي حلها ايه يا جماعة؟؟ بتتغير ولا ايه؟
هي بتتغير وممكن تتنظف كمان..........أول حاجة أتاكد من مستوي الزيت لو ناقص زوده لأن أكتر حاجة بطلع الصوت ده هو نقص الزيت والتطويل في تغيره
على فكره نفس الصوت ده عندي
و ظهر بعد تغييري لزيت فيسكو 3000
وبعدين غيرته تاني و حطيت فيسكو 2000
وفكيت الكارتيره و نضفتها وبرده لسه الصوت زي ماهوه
مش فاضل غير تغيير البلوف بس دي مستني شويه على ما اعملها
http://www.nilemotors.net/Nile/162834-a.html
قبل ماتغير حاجة أعمل فلش للمكنة ممكن الصوت يروح تماما لأن سبب صوت التاكيهات بيبقي شوائب عالقة جوه الكستبانات بتخلي الزيت مايدخلش ويطلع منها بسهولة .........فيها خرم صغير جداااااااااااااااااا زي ألي في الصورة
http://www.567chevyclub.com/images/5...ters_solid.jpg
برضة اتاكد من جودة فلتر الزيت و امتى غيرتة اخر مرة لو الفلتر مكتوم مش هيطلع زيت للوش بكفاية
جزاكم الله خيرا يا جماعة على النصيحة..
فعلا كشفت على الزيت وكانت مفاجأة !!
مفيش ولا نقطة زيت على المقياس..!!!! بصيت على الفلتر لقيت تحته زيت كتير على الكارتيرة .. لعله مكانش مربوط كويس او يمكن الجوان بتاعه نشف او حصل اي حاجة..
رحت نزلت الزيت وحطيت زيت جديد .. كل اللي فيها كان اقل من كيلو.. والحمد لله الصوت راح..
بس عندي سؤالين:
- هل في ضرر ان مشيت حوالي 200 كيلو على الوضع السابق دا..
- السؤال التاني هي لمبة الزيت لزمتها ايه وبتنور امتى بقى؟؟
اول حاجة انا سالت على نوع العربية لانى لاحظت كتييييييييير يسالو عاى حاجة و كاتبين نوع عربية و الاخر يطلع بيسالو على عربية تانية .
اكيد فى بداية ال 200 كيلو مكنش ناقص للدرجة اللى وصلتلها دلوقت . و اعتقد اذا كان فى اضرار هتكون بلاخص فى وش السلندر اللى الزيت مكنش بيوصلة كفاية و اللى خلاة يعمل التكتكة الواضحة دى .
المفروض اللمبة بتنور لما الضغط بينعدم بس يظهر ان الزيت اللى كان موجود كان مغطى على طرمبة الزيت و الدورة شغالة . و يمكن اللمبة كانت بتنور بس انت مكنتش بتبص او مش متعود تبص عليها . و لازم تنور عارف امتى ؟ لو بتاخد ملف يبعد الزيت عن الطرمبة اكيد نورت . كانت بتحصل معايا فى البنزين لما التنك يكون قرب على الاخر و اخد ملف الاقى العربية قطعت لغاية ما تتعدل تانى . ربك بيسترها و خير ان شاء الله و ميكونش حصل حاجة .
بس شوف انت كنت مغير الفلتر فين اخر مرة اللى عملت المشكلة دى و روح هزأهم هناك و اتاكد دايما من رباط الفلتر انا لازم اعمل كدة مع انى شايفة بيربطها بايدية ال 2 بس لازم اتاكد بنفسى برضة
لا ألاه ألا الله .......الحمد لله أنك لحقتها
موضوع الضرر .........نظريا فيه ضرر بس في الواقع طالما مافيش صوت مش طبيعي والعربية ماشية معاك كويس خلاص متفكرش في الموضوع.
بالنسبة لضغط الزيت في معظم العربيات حتي البي أمات مابينورش ألا لو الزيت راح علي الأخر أو الطلمبة مش مدية ضغط كويس.
عندك حق فعلا ... الافضل اني اذكر بيانات العربية وماشية اد ايه لتسهيل تشخيص المشكلة والوصول للحل..اقتباس:
المشاركة الأصلية كتبت بواسطة karimfahmy99
بالنسبة لموضوع الفلتر انا مستغرب لأني مغيره من حوالي 3 او 4 شهور يعني لو كان راكب غلط من وقتها كان الزيت خلص من بدري انما يادوبك الصوت بدأ من يومين وكان شكل الزيت جديد على الكارتيرة... مش عارف ازاي بصراحة..
انا بستنتج ان ممكن مايكونش راكب كويس فعلا ومع مطب ولا حاجة الفلتر اتهز؟؟!! مش عارف بصراحة..
اهو الواحد اتعلم حاجة .. لاني مكنتش بفكر اقيس الزيت ولا اتابعه خالص.. بغيره في مواعيده وخلاص..
اشكرك يا استاذ كريم على تعاونك..
انا كان عندي حوالي نص كيلو باقي من غيار سابق لما حطيته قبل ماروح البنزينة الصوت اختفى..اقتباس:
المشاركة الأصلية كتبت بواسطة otefa
وفي البنزينة قالولي شوية الزيت اللي نزلوا كويسين ويمنعوا حدوث مشاكل..
وحاليا مفيش صوت غريب الحمدلله..
باشكرك يا بشمهندس محمد..
الحمد لله على كل شئ
و كويس انك قدرت تميز ان صوت الموتور متغير و مش طبيعى و الا كنت مشيت لما اتحرق منك
عموما تابع الزيت على الاقل مرة فى الاسبوع او حسب مشيك بالعربية . و فى المحطة دايما اتاكد من ربط الفلتر كويس
العفو ياباشا لاشكر علي واجب