الموضوع: صيانة ال25000 لليارس

ليه برة التوكيل حتضيع على نفسك الضمان
والتوكيل مش غالى انا عملت صيانة ال5000 واتكلفت بالزيوت والفلاتر على ما اتذكر 700-800 جم

700 , 800 جنيه مصرى طبعا سرقه على تغيير زيت وفلتر وفلتر هواء وتربيط بعدين صيانه ال 5000 مش بتحتاج غير زيت وفلتر فقط مش فلاتر هواء وكدا

بالنسبه ل صيانه ال 25 الف مش هتحتاج فيها غير زيت وفلتر زيت فقط وتربيط عفشه ودى الاجرائات
1- زيت موبل 1 ب 250 جنيه او زيت فيسكو ( انضف ) او زيت كاسترول ماجنيتك ( انضف وانضف ) والاتنين دول ب 220 جنيه
2- فلتر زيت تويوتا اصلى 45 جنيه
3- مصنعيه للزيت والفلتر 5 جنيه
4-تربيط عفشه ب 10 جنيه او 25 جنيه عند اى مركز نضيف
5-ظبط زوايا ب 20 جنيه
6-ظبط اطارات هواء او نيتروجين 1 جنيه
فقط وانتا بقى ممكن تروح نغسلها فى المغسله ب 20 جنيه ويبقى كدا تمام

بس صيانة ال 25000 فيها اكتر من كده
حسب الجدول اللى محطوط فوق عن الصيانات

تشمل الأتى:
* تغيير زيت المحرك موبيل 1 + فلتر الزيت.
*تغيير فلتر الهواء.
* فحص دورة التبريد.
* تغيير البوجيهات.
* فحص و تظبيط السيور.
* فحص و تزويد سائل تبريد المحرك.
* فحص دورة الوقود.
* فحص و تزيد زيت الجير بوكس.
* فحص زيت الفرامل .
* فحص بدال الفرامل و فرامل اليد.
* فحص دورة و غاز التكييف .
* فحص البطارية و الكاشافات و الأنوار و المساحات .
* فحص الدينامو.
* فحص العدادات.
* تشحيم أقفال الأبواب.
* فحص زيت طلمبة الدريكسيون.
* تربيط العفشة.
*فحص و تربيط نظام التعليق الأمالى و الخلفى.
* ظبط ضغط الإطارات .
* تبديل مواضع الإطارات.
* غسيل السيارة.

المشاركة الأصلية كتبت بواسطة ghada_zaky

بس صيانة ال 25000 فيها اكتر من كده
حسب الجدول اللى محطوط فوق عن الصيانات

تشمل الأتى:
* تغيير زيت المحرك موبيل 1 + فلتر الزيت.
*تغيير فلتر الهواء.
* فحص دورة التبريد.
* تغيير البوجيهات.
* فحص و تظبيط السيور.
* فحص و تزويد سائل تبريد المحرك.
* فحص دورة الوقود.
* فحص و تزيد زيت الجير بوكس.
* فحص زيت الفرامل .
* فحص بدال الفرامل و فرامل اليد.
* فحص دورة و غاز التكييف .
* فحص البطارية و الكاشافات و الأنوار و المساحات .
* فحص الدينامو.
* فحص العدادات.
* تشحيم أقفال الأبواب.
* فحص زيت طلمبة الدريكسيون.
* تربيط العفشة.
*فحص و تربيط نظام التعليق الأمالى و الخلفى.
* ظبط ضغط الإطارات .
* تبديل مواضع الإطارات.
* غسيل السيارة.

انا بتكلم يا باشا ان معظم الحاجات الى فى الصيانه ملهاش لزمه تتغير زى البوجيهات وفلتر الهواء

المشاركة الأصلية كتبت بواسطة yarisawy

انا كنت عملت صيانه ال2500ب الف جنيه فى التوكيل

يالهوى وهل تتخيلوا انهم بيمسكوا ورقه ويقعدوا يشوفوا الحاجات دى هاء هاء دول بيغيروا الحاجات الى يكسبوا منها فلوس وخلاص
وهقولكم حاجه
جربوا تشيلوا شويه من زيت الفرامل خلوها على النص او على المينيمم وبعدين روحوا هتاخدوها زى ماهيا مينيمم ودى عن تجربه
ودمتم وتحيه كبيره لتوكيلات مصر