روحت للعفشجي وقالي محتاج مساعدين ورا انصحوني يا رجاله

**Badrawy** · 13-09-2010 03:59 PM

السلام عليكم

كل سنه وانتو طييبيين

روحت للعفشجي علشان اربط عفشه وكده وقلتله بصلي على العفشه وكده

قالي المساعدين الى ورا فى التراوه والمساعد الى قدام شمال تعبان وجلب المقصات عاوزه تتغيير

انا عاوز اعرف ايه انواع المساعدين واسعارهم

انا عاوز حاجه ناشفه علشان انتو عارفين مساعدين النوبيرا طراي اوي ولما بحمل العربيه بتهبط اوي

قوليلي الانواع و انهي انشف وانهي اطري انا عاوز حاجه شبه العربيات الياباني كده

وشكرا

**M.Zaher** · 13-09-2010 07:01 PM

يبقى انت كده لازمك طقم مساعدين مونرو بحوالي 800 جنيه
و مقصين اسباني
ويبقى انت كده ظبط العفشه ميه ميه

**احمد ابراهيم** · 13-09-2010 07:56 PM

العفشجى يقول اللى هو عاوزه سيبك منه طالما قولتله شوفلى و راجعلى عليها يبقى هيطلعلك القطط الفاطسة فيها و يكرهك فى العربية الناس بتحب تفتح شغل لنفسها

انت الختبر المساعدين و روح عند كل جنب فى العربية و اضغط عليها لتحت شوفها هتنزل و تطلع بسهولة و لا لا يعنى شوفها بتتمرجح و لا كويسة ماسكة نفسها

و بعدين هو انت اصلا كنت بتشتكى من حاجة معينة ؟؟؟

متمشيش ورا كلام الصنايعية رجاء

اقولك روح لعفشجى تانى و تالت و شوف رايهم ايه

لان ممكن اللى قالك على المساعدين و جلب المقصات ده و هو شغال يقولك اصل السوستة مكرشة لا اصل عايزين بيض بارات لا اصل البطاحة مش كويسة لا العربية عليها عفريت و عايزين نعملها زار

سيبك يا باشا بس لو انت بتشتكى من حاجة قول ايه هى و ممكن اللى يعرف يدل حضرتك و هتوصل للعيب ان شاء الله باقل التكاليف و فى نفس الوقت العفشجى ميفتحلكش شغل و يدفعك فلوس بدون داعى
و بعدين هو قالك ان 3 مساعدين تعبانين يعنى هتغير الاربعة عشان متركبش واحد جديد قصاده واحد قديم و شغل فى جلب المقصات يعنى ادى كمان مقصين مع انهم بيتكبسوا على حد معلوماتى
و يقولك دا انا اشتغلت عفشة ورا و قدام و عايز مصنعية اد كده

اسف على الاطالة بس اصل الحركة دى لسه حاصلة معايا قريب قفبل العيد بكام يوم فمحروق من الحركات بتاعه الصنايعية النص كم دول

**M.Zaher** · 13-09-2010 08:04 PM

فعلا نسيت اقولك روح لكذا واحد الاول و خليه يكشف على العفشه تاني

**Badrawy** · 14-09-2010 02:39 AM

المشاركة الأصلية كتبت بواسطة m.zaher

يبقى انت كده لازمك طقم مساعدين مونرو بحوالي 800 جنيه
و مقصين اسباني
ويبقى انت كده ظبط العفشه ميه ميه

هوه المونرو ده ياباني؟ وهل هوه انشف حاجه ولا فى انشف وهل 800 ل 4 ولا 2 مساعد

المشاركة الأصلية كتبت بواسطة namla

العفشجى يقول اللى هو عاوزه سيبك منه طالما قولتله شوفلى و راجعلى عليها يبقى هيطلعلك القطط الفاطسة فيها و يكرهك فى العربية الناس بتحب تفتح شغل لنفسها

انت الختبر المساعدين و روح عند كل جنب فى العربية و اضغط عليها لتحت شوفها هتنزل و تطلع بسهولة و لا لا يعنى شوفها بتتمرجح و لا كويسة ماسكة نفسها

و بعدين هو انت اصلا كنت بتشتكى من حاجة معينة ؟؟؟

متمشيش ورا كلام الصنايعية رجاء

اقولك روح لعفشجى تانى و تالت و شوف رايهم ايه

لان ممكن اللى قالك على المساعدين و جلب المقصات ده و هو شغال يقولك اصل السوستة مكرشة لا اصل عايزين بيض بارات لا اصل البطاحة مش كويسة لا العربية عليها عفريت و عايزين نعملها زار

سيبك يا باشا بس لو انت بتشتكى من حاجة قول ايه هى و ممكن اللى يعرف يدل حضرتك و هتوصل للعيب ان شاء الله باقل التكاليف و فى نفس الوقت العفشجى ميفتحلكش شغل و يدفعك فلوس بدون داعى
و بعدين هو قالك ان 3 مساعدين تعبانين يعنى هتغير الاربعة عشان متركبش واحد جديد قصاده واحد قديم و شغل فى جلب المقصات يعنى ادى كمان مقصين مع انهم بيتكبسوا على حد معلوماتى
و يقولك دا انا اشتغلت عفشة ورا و قدام و عايز مصنعية اد كده

اسف على الاطالة بس اصل الحركة دى لسه حاصلة معايا قريب قفبل العيد بكام يوم فمحروق من الحركات بتاعه الصنايعية النص كم دول

يا مان كلامك منطقي بس انا ملاحظ ان العربيه مفيهاش مساعدين اصلا بتتنطط على المطب وده بيخليها تخبط ولما بحملها ورا بتنزل اوي وكمان لما بهزها بلاقيها طريه اوي علشان كده قلتله شوفهالي
وهوه قالي جلبة مقص واحد الى بايظه ف المشكلة اني حاسس ان العفشه مش مظبوطه وده مضايقني جدا انا عاوز العفشة تستحمل المطبات والارف ده انا حتي بفكر اخليه يركبلي علايات كاوتش

**amado318** · 14-09-2010 05:37 AM

عربيتى كانت كدة جبت مساعدين اصلى 400 اوعه تجيب الكورى الى 200 هات من توكيل ابو غالى 400 وورا هات اتنين كورى 200 جنيه مش هيفرقوا قوى والمقصات ممكن تغير البيض بس انا عملت كدة فى الانوس كاوتش مقصات وبيض واوعه تجيب مقص كامل رخيص هيتقطم منك و هتبقه مصيبه واحنا عاوزينك