موقف صعب حصلى الصبح

**emam** · 13-09-2010 05:28 PM

اولاً : كل سنة وانتم طيبين جميعا بمناسبة عيد الفطر اعادة الله علينا وعليكم بكل الخير

ثانيا : النهاردة وانا رايح الشغل الصبح على الدائرى بجوار نزلة الكورنيش فى اتجاة كارفور المعادى كان فى زحمة شوية بالرغم من ان الطريق كان رايق كلة الصبح بخلاف الحتة دى الصبح المهم عشان مطولش عليكم لقيت مكان فاضى وسط طوابير الزحمة عشان كنت متاخر المهم لقيت ورق جرائد غرقان باللون الاحمر واضطريت اعدى من عليها غزب عنى عشان مكنش ينفع ارجع تانى - المهم لما سالت قالولى ان فى واحد تقريبا صدمته عربية دايو وتوفاة الله وربنا يرحمه لو كان مات او رينا يتمم شفاه لو كان مصاب - من ساعتها وانا مضايق من الموقف دة - حد حصل معاه الموقف دة قبل كدة عشان يقولى احسن من ساعتها وانا مضايق اوى ؟؟؟

**abdooo_89** · 13-09-2010 05:35 PM

وياترى اللى خبطه عمل مش من هنا ومشى ولا وقف وعمل خير ومتزعلش وانسى بس سوال لو انته اللى حصل معاك كده هتوقف ولا تقول هو انا هودى نفسى فى داهيه

**emam** · 13-09-2010 05:44 PM

وقف طبعا عشان العربية كانت وقفة على جنب ولو حصل معاى الموقف دة - لا قدر الله - اكيد هقف طبعا عشان ممكن يكون مصاب ونلحق نودية المستشفى وخاصة انى مش غلطان عشان دة طريق سريع وممنوع عبور الطريق من هذا المكان وشكرا لرد حضرتك .

**kamalsalem** · 13-09-2010 05:47 PM

انت يعني عديت على الدم؟ عادي يعني هو الدم هيعملك ايه؟ واللي اتصاب انت مش غلطان فيه ف حاجة.. بالعكس يمكن لما تعدي والطريق يمشي اللي اتصاب يلحقوا يغيثوه