الخرافى والملا يفوزان بتوكيل ميتسوبيشى فى مصر

**M!SHO** · 14-09-2010 05:07 AM

المشاركة الأصلية كتبت بواسطة kemoelord

ان شاء الله يكون الخبر صحيح واكيد والاوضاع تتحسن وتتطور ويقدموا خدمات مميزة وعروض مفيده وانا الصراحه فرحان علشان الي هيمسك ميتسيوبيشي وكاله وناس وشركات غير مصريه وده هيضملنا انها هتبقى احسن من نظيرتها المصريه الي كانت ماسكه وانا شخصيا اذا الموضوع ده حدث انا هطلب من التغيير المطلوب والمرغوب من قبل العملاء لما اروحلهم بس السؤال المهم دلوقتي :_ انا المفروض داخل على صيانه ال 10 الالاف فهل اروح عادي لمراكز الخدمه الموجوده حاليا ولا هيبقى فيه مشاكل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟!!!!

المشاركة الأصلية كتبت بواسطة hussein_emara

نفس السؤال؟ إيه الوضع بالظبط؟

فى المصريه

وده رد البشمهندس طارق فى موضوع تانى

اشكركم جدا على اهتمامكم وكل سنة وانتم طيبين

انا موجود وباتابع المنتدى بشكل يومي

انما ممتنع عن المشاركة لحين وضوح الصورة في موضوع التوكيل القديم والجديد والمشاكل والقضايا وخلافه لأن معنديش اجابات عن اي اسئلة تتعلق بتلك الموضوعات

انما شركة مصرية مستمرة والصيانة مستمرة

والضمان كمان مستمر تبع مصرية لحين ظهور الوكيل الجديد ومعرفة الضمان هيستمر ازاي بعد كده

ولو فيه اي حد عنده مشكلة او تساؤل ممكن يبعت لي على الخاص أو على الايميل

وكل عام وانتم بخير

**Adham** · 14-09-2010 09:36 AM

عيني عليك يا ابن بلدي بعد 25 سنة ياخدوها منك و يدوها للكوايتة ناس معندهمش اصل

مبقاش فية حاجة في مصر للمصريين

**medociv** · 14-09-2010 10:15 AM

هو بصراحة خبر جميل ولو طلع صحيح هيكون حاجة جميلة جدا
بالنسبة للتوكيل السابق انا معنديش تعليق بس هو كان ممكن يعمل شغل جميل في الفترة الاخيرة وعروض واعلانات ومركز شكله جميل ويضاعف مكاسبه للاضعاف
بس الخبر في جانب سيئ اننا هنفتقد ا طارق زويل ربنا يجزيه خير ويكرمه ويباركله

**dr-mohamed** · 14-09-2010 11:29 AM

المشاركة الأصلية كتبت بواسطة adham

عيني عليك يا ابن بلدي بعد 25 سنة ياخدوها منك و يدوها للكوايتة ناس معندهمش اصل
مبقاش فية حاجة في مصر للمصريين

معاك طبعا في الحزن ان وكالة في مصر ياخدها كويتي وسعودي
ولكن
هل المصري كان يراعي حزننا هذا ام كان يتعامل معنا من منطق المكسب والخسارة ........
بالطبع كان يتعامل من منطلق المكسب الفاحش
يبقي من حقي انى مزعلش عليه وممكن افرح فيه كمان

المشاركة الأصلية كتبت بواسطة medociv

هو بصراحة خبر جميل ولو طلع صحيح هيكون حاجة جميلة جدا
بالنسبة للتوكيل السابق انا معنديش تعليق بس هو كان ممكن يعمل شغل جميل في الفترة الاخيرة وعروض واعلانات ومركز شكله جميل ويضاعف مكاسبه للاضعاف
بس الخبر في جانب سيئ اننا هنفتقد ا طارق زويل ربنا يجزيه خير ويكرمه ويباركله

دي بجد والله العظيم اسوا حاجة
ويا رب يكون المهندس طارق له دور مع التوكيل الجديد ويقدروه التقدير اللى يستجقه
وهما دول اللى ممكن نزعل بسببهم المهندسين والفنيين المصريين اللى شغالين في الموزع القديم وان شاء الله يبقي ليهم دور اكبر مع التوكيل الجديد لانه مش هيعمل مراكز صيانة في الهوا

اما الشغل اللى عملته المصرية في الفترة الاخيرة بعد الغاء عقد التوزيع فكان نوع من حرق الاسعار والتخلص من المخزون قبل ان يهل الموزع الجديد ليس الا

**wael2sh** · 14-09-2010 02:45 PM

الخرافي و الملا يفوز بتوكيل متشوبشي في مصر

**MAX_PIN** · 14-09-2010 03:18 PM

[quote/]دي بجد والله العظيم اسوا حاجة
ويا رب يكون المهندس طارق له دور مع التوكيل الجديد ويقدروه التقدير اللى يستجقه
وهما دول اللى ممكن نزعل بسببهم المهندسين والفنيين المصريين اللى شغالين في الموزع القديم وان شاء الله يبقي ليهم دور اكبر مع التوكيل الجديد لانه مش هيعمل مراكز صيانة في الهوا

اما الشغل اللى عملته المصرية في الفترة الاخيرة بعد الغاء عقد التوزيع فكان نوع من حرق الاسعار والتخلص من المخزون قبل ان يهل الموزع الجديد ليس الا[/quote]

كلنا نتمنى للمهندس طارق زويل والمهندسين والفنيين المصرين التوفيق مع الوكيل الجديد
وطبعا هما مش هيلاقوا ناس ليهم خبرة سنوات طويله زى المهندسين المصريين
وان شاء الله باشمهندس طارق يستمر معانا على طول