مش بعيد نلاقى مصريه عامله اعلان على غرار اعلان فانتا لوب
اشرب فانتلوب و انقذ مصيلحى
يا ترى حد يقدر ينقذ مصيلحى بعد مكان مصيلحى فى الشغل سيد الكل
عرض للطباعة
مش بعيد نلاقى مصريه عامله اعلان على غرار اعلان فانتا لوب
اشرب فانتلوب و انقذ مصيلحى
يا ترى حد يقدر ينقذ مصيلحى بعد مكان مصيلحى فى الشغل سيد الكل
يا رب يا مسهل , أكيد الكلام ده يا باشا , المصدر أيه ؟؟
وفين مراكزهم وهتبدأ إمتى ؟؟
لسببين ياباشا
- الراجل ده سياسته بيع العربية رخيص وأدبح في قطع الغيار والسيرفيس(وبيعرف يمسك السوق كويس في تقليل قطع غيار عربياته في السوق بره التوكيل سواء أصلية أو غير أصلية)
-الأهم أنه بيعشق حاجة أسمها عمالة هندية( أكيد عندك معلومة بالنقطة دي) وما أدراك بغزو العمال الهندية وتميزهم في المجال مع رخص الأجور بالأضافة لكترة الكلام والجدال مؤخرا عن الأستعانة بالعمالة الأسيوية في مصر ومدي أمكانية تطبيقها وحفظ القانون المصري لحقوق العمالة الوطنية ونسبة تواجدهم في المؤسسات العاملة في مصر ومحاولة بعض الشركات الألتفاف حولها والأستعنة بعمالة أسيوية
وده نفس ردي علي الموضوع ال2 علي العام برده..........وعلي الله الملا يخيب ظني.
فتحت الموقع بتاعهم لقيته واخد الموزع رقم 1 لميتسوبيشى على مستوى دول مجلس التعاون الخليجى كلها سنة 2003 و2004 و2005 و2006
وكاتب تاريخ الشركة بيقولو انهم خدو التوكيل فى الكويت سنة 78
http://img230.imageshack.us/img230/8408/clip3eq.jpg
AL Mulla Group - Mitsubishi Cars Kuwait....
مش عارف بس احنا قعدنا 11 سنه في الكويت مركبناش غير ميتسوبيشي وعمرنا ما واجهنا مشكله في قطع الغيار خالص وكانت موجوده اصلي ومش اصلي بس كنت بسمع ان قطع غيار الجالانت اغلى من الكريسيدا والكورولا بس اعتقد ان دا كان منطقي لان الجالانت كانت نادره والكريسيدا كانت مغرقه الكويت
والباجيرو هناك منتشره وعمري ما شفت حد اشتكى من قطع الغيار وبعدين خلي بالك احنا في مصر يعني مستحيل يمنع حد من استيراد قطع الغيار سواء اصلي او تقليد
وموضوع العماله الهنديه ولو اني ماظنش انه ممكن يعمل كده في مصر بس لو كان شغلهم احسن يبقى اهلاً وسهلاً طالما في مصلحة العميل وطالما ولاد بلدي معظمهم نصابين يبقو يستاهلو
العمالة الهندية مش أرخص كتير عن المصريين
هوه ممكن يجيب مشرفين و مديرين هنود يدربوا و يعلموا المصريين و يخلوهم يبطلوا الاونطة بتاعتهم
قطع الغيار مش هيقدر يمنع استيرادها بره التوكيل ده مستحيل لأن كده يبقى احتكار و هيفتح على نفسه فتحه مالهاش لازمة .
اللي ممكن يعمله انه يرفع اسعار الصيانات و قطع الغيار بتاعته
لكن اسعار العربيات مش هيقدر يلعب فيها عشان المنافسين ليه من ماركات تانية مش الخليجي اللي هوه بايعه للتجار
العمالة الهندية أرخص بكتير من العمالة المصرية ومحترفة عنها في المجال ده وتصل رواتبهم لنصف رواتب المصريين في دول الخليج
انت رديت على نفسك ( فى دول الخليج )
و هل اجور العمالة المصرية فى مصر فى نفس مستواها فى الخليج
خدنى انا مثال عندك كنت فى السعودية لمدة 8 سنين و رجعت مصر على نفس الشركة اللى كنت فيها فى السعودية و اترقيت و مرتبى الحالى ( بعد الترقية) اقل من تلت مرتبى فى السعودية
من الاخر ارخص عمالة فى مصر هى العمالة المصرية ...... و تحدى