والله انا تعبت

**shiko85** · 14-09-2010 10:21 PM

المشاركة الأصلية كتبت بواسطة w-m-a

المشكله ان الناس دول معندهمش ادنى احساس بالمسئوليه او الشعور بالاخرين

+1111111
لكن لو اتعمل فيهم نفس الموقف بيقلبوا الدنيا

**pharonicking** · 14-09-2010 10:25 PM

الدنيا بقت زحمة قوى ومفيش نظام "

**ahmed_mido1889** · 14-09-2010 11:41 PM

انا بيحصل معايا الموقف ده من سواق تاكسي بولونيز بيركن جنبي لازق فيا لا عارف اخش لعربيه ولا عارف ازقها
المهم هو بيعشق العربيه ويتنح جبت اتنين صحابي وزقينا العربيه وحظه انه كان حاود الكاوتش عالشارع زقينا العربيه وعافرنا العربيه بقت في نص الشارع جه واحد بتريلا مش عارف يعدي كان حالف يخبطهاله لاقيت الراجل جاي جري وبطل يركن جنبي
ودي كانت اول مره اشوف وش الراجل ده قولتله لو ركنت جنبي تاني هدلولقك عالعربيه زيت باكم عالسقف والقوايم علشان تروح ترشها
وتبقي العربيه كانها مقلوبه محاولش يركن جنبي تاني

**Samir Elshahawy** · 14-09-2010 11:54 PM

أستاذ / عمرو ...

كل سنة و حضرتك طيب الاول ..
واضح كده ان حضرتك من الناس القلائل اللي لسه عندهم أحترام لنفسهم و لغيرهم علشان كده بتتضايق من الحاجات اللي الناس (و أسف في لفظ ناس دي عليهم) بيشوفوها حاجات عادية و صغيرة و يمكن تافهة

علي فكرة انا لما بأجي أركن في الباركينج اللي عندنا دايما ألتزم اني أوقف عربيتي بين الخطين و أراعي المسافة الجانبية بيني و بين العربيات اللي راكنة جانبي علشان لما الباب بتاعي أو بتاعهم يفتح مايخبطش في أي عربية تانية لدرجة أني ممكن اطلع من المكان و أدور علي مكان تاني لو حسيت أن المسافة ضيقة و كتير من جيراني شافوني بأعمل الحركة دي و ماكانوش فاهمين ليه انا ممكن أقعد أركن في ربع ساعة بين عربيتين لكن بعد كده معظمهم فهم و النتيجة أنهم اتعلموا مني و النهاردة الباركينج بيشيل العربيات اللي هو مصمم لها و زياددة كمان من غير ما حد يقفل علي حد أو يضايق حد

دايما خلي مخك كبير مع الناس اللي مخها صغير و لو المكان ده عاجبهم سيبه و دور علي مكان تاني أكثر أمنا و راحة لك علهم يفهمون و يتعظون و ألا يبقي تكلمهم بالحسني و تفهمهم غلطهم و لو برضه مافيش فايدة يبقي مافيش بقي غير الحل التالي :