والله انا تعبت

**amr100** · 13-09-2010 08:06 PM

والله انا تعبت ومش عارف ايه اللي حصل للناس عدم احترام للغير او عدم احساس وما فيش احترام للاخرين

دلوقتي في الشارع عندنا بقى فيه حاجة بايخة بتحصل تبقى راكن العربية في امان الله تبقى خارج الصبح او

بالليل تلاقي عربية راكنة جنبك صف تاني و مفيش احترام للي راكن العربية لو عاوز يروح الشغل او اي مشورا

علشان البيه مكسل يركن العربية بعيد شوية عن بيته 5 او حتى 20 متر انا مش عارف ليه اللي حصلنا انا دلوقتي

قاعد بكتب واحد عمال يزمر ليه ربع ساعة علشان فيه عربية ساده عليه وعاوز يطلع بالعربية انتو لو مكاني و

لقيتوا عربيه ساده عليكو تعملوا فيها ايه

**mohamed_selim** · 13-09-2010 08:19 PM

حاول تشوف الناس و تتكلم معاها
فى فكره كويسه طالما الشارع يستحمل صف تانى ... اركنو عمودى على الرصيف هتشيلو ضعف عدد العربيات بس لازم تتكلم مع الناس و تنشر الفكره ب 3 او 4 عربيات الاول و الباقى هيعمل زيكم

**Nistelrooy** · 13-09-2010 08:25 PM

اكتر المواقف استفزازاً في الشارع المصري .. ياه بقي لو واحد رخم جه ركن قدام جراج خاص زي ما بيحصل معايا ..

**Dr.Karim Emam** · 13-09-2010 08:49 PM

اتكلم معاهم بهدوء في الأول
لو ماجابتش نتيجة
يبقى ماتركنش صف أول و خليك على طول صف تاني و إقفل إنت عليهم

**shiko85** · 13-09-2010 08:54 PM

المشاركة الأصلية كتبت بواسطة nistelrooy

اكتر المواقف استفزازاً في الشارع المصري .. ياه بقي لو واحد رخم جه ركن قدام جراج خاص زي ما بيحصل معايا ..

+1111111111111111
لو كل واحد بيراعى حق غيره كأنه حقه هو هنبقى احسن 100 الف مره من دلوقتى
انا علشان بركن العربيه فجراج خاص (بتاع البيت) و بعانى من اللى بيسيبوا الشارع كله و يركنوا قدام الجراج عندى, و الله عندى مشوار مش بركن العربيه قدام مدخل عماره او محل مقفول او اى حاجه ممكن تكون سبب انى اعطل غيرى و بفضل ادور على مكان مناسب حتى لو هبعد كتير عن المكان اللى انا عايزه و للأسف صحابى بيعيبوا على فالموضوع ده كتير, بس انا شايف ان هو ده الصح علشان مبقاش بعمل حاجه و بزعل لو حد عملها فيا

**Eng_Mostafa_89** · 13-09-2010 10:17 PM

جرب اركن بعيد عن الرصيف شوية بحيث ان مفيش حد ينفع لا يركن على يمينك ولا شمالك

**thegoodhacker** · 13-09-2010 10:46 PM

المشاركة الأصلية كتبت بواسطة eng_mostafa_89

جرب اركن بعيد عن الرصيف شوية بحيث ان مفيش حد ينفع لا يركن على يمينك ولا شمالك

تمام كده ايوة ما يلزقش في الرصيف و يطلع بره شوية بحيث لو حد حب يركن صف تاني حيلاقي عربيته في نص الشارع وبالتالي حيلغي الفكرة دي و يمشي

**shalaby2001** · 13-09-2010 10:51 PM

لا اله الا انت سبحانك انى كنت من الظالمين

**Ahmed Selim** · 13-09-2010 11:40 PM

أنا كنت شايل معايا قلم فلوماستر سن تخين شوية وى اللى بيتكتب بيه على ال white board كده......لما كان يحصلى موقف مشابه و أعرف أزق العربية أو أطلع منه بأى طريقة بنزل و اكتب له على الأزاز الأمامى كلمتين خفاف كده.....من غير شتيمة من غير قلة أدب زى " كده غلط يا بنى أدم ".

منها هيعرف أن اللى بيعمله ده غلط و أن فيه ناس بتضايق منه و منها أنك مش هتضره لأن الكتابة هتطلع لو شغل المساحات و المياه.

حالياً انا فى الإمارات.....و أحياناً بيبقى فيه أماكن زحمة جداً و فيه ناس بتركن صف تانى......الناس دى بتعمل أيه ؟
بتسيب رقم تليفونها على أزاز العربية علشان اللى مقفول عليه يتصل بيها لو وصل.
أو الحل التانى لو صاحب العربية الصف التانى مش سايب رقم تليفونه.....بتكلم الشرطة و تقولهم أن العربية رقم كذا راكنة صف تانى و أنك مش عارف تطلع......الشرطة مش بتيجى و تشيله العربية.....لأ بيكلموه على تليفونه و يقولوله ينزل علشان يطلعك.....بس معرفش بيكتبوها مخالفة عليه و لا لأ.

-

الموضوع: والله انا تعبت

LinkBack

أدوات الموضوع

عرض

والله انا تعبت - انشر الموضوع فى :

-

-

-

-

-

-

-

المواضيع المتشابهه

انا تعبت بجد

يااااااااااااااااااااه اخيرا روحت !! بس والله والله والله فى امل

بجد انا والله تعبت في سوق مصر وابصم ليكم بالعشرة ربنا يعينكم

تعبت والله من لمشكله دى ؟

الكلمات الدلالية لهذا الموضوع

المفضلات

المفضلات

ضوابط المشاركة