المشاركة الأصلية كتبت بواسطة esam_comm
اشكرك واحييك علي الفكره الجميله دي بس ممكن تسمحلي ازود شويه افكار بعد اذن حضرتك
احنا ممكن نعمل الكلام اللي حضرتك بتقوله بس بدون الزرار الاضافي ممكن زي ما بعض الزملاء قالو من نور الصالون وممكن كمان نربطه علي الانذار ودي الفكره اللي حابب اتكلم عنها
اولا نقوم بتوصيل الخرج اللي رايح علي السارينه وهو بقي 12 vdc علي (relay) وموصفاته انه يكون coil -12vdc ونوصل الطرفين اللي رايحين علي السارينه علي اطراف coil وده فايدته لما الانذار يشتغل هايوصل ال12 فولت علي كويل الريلاي فا اذرع التلامس هاتغير وضعها يعني لو انا موصل علي normal open في حاله الانذار بعد سريان ال12 فولت هايتحول ل closedيعني ها يعمل حاجه اسمها dray contact اللي هي هاتتوصل بطرفي الهاند فري اللي بدورها هاتعمل باقي الخطوات اللي زميلنا الكريم اقترحها علي فكره الموضوع ده عمليا افضل لانك مش هاتحتاج تخرم علشان تركب الزرار الاضافي وكمان لو جالك call علشان حد خبط في العربيه ولا عيال بتلعب فانت لو قريب من المكان هاتسمع في نفس الوقت صوت السارينه يعني ممكن تكنسل هايبقي افضل من انك كل ماتفتح العربيه يعملك mised call
انا بحاول اوصل الفكره بتاعتي
لو عجبتكم ممكن بقي احاول ارسملكم الدايره او نتكلم باستفاضه يعني دي فكره عامه والسلام عليكم
م/عصام بدوي