موضوع متميز
ومجهود يستحق التقدير
موضوع متميز
ومجهود يستحق التقدير
فكره عبقريه شكلا وموضوعا تحياتى ليك
استاذ
لأ و كمان رئيس قسم
الله ينور يا باشا .. فكرة جميلة..
واسمح لي اضيف اقتراح هايخلي الموضوع متكامل..
لو حضرتك نفذت الموضوع دا على موبايل فيه gps ويكون ويندوز موبايل هايبقى سهل انك تعرف مكان العربية على جوجل مابس في حالة السرقة لا قدر الله..
انا كنت عامل موضوع قبل كدا.. هاضيفه في المشاركة دي..
http://www.nilemotors.net/Nile/167905-a.html
اقتباس:
السلام عليكم ورحمة الله..
في البداية معظمنا سمع عن اجهزة الانذار اللي فيها امكانية التتبع باستخدام ال GPS ولكن هذه الاجهزة ممنوعة للاسف من دخول مصر..
ولكن في طريقة تانية ممكن تؤدي لنفس النتيجة وهي تتبع السيارة ومعرفة مكان السيارة بدقة في حالة سرقتها .. او ممكن لو عندك سيارة أو تاكسي بيقودها سائق غيرك أو عربيات تجارية (نقل) وعايز تعرف في اي وقت اللي سايقها فين دلوقتي وملتزم بخط سيره ولا لأ..
الطريقة عبارة عن استخدام موبايل (ويندوز موبايل) بدلا من جهاز الانذار..
الموبايل هانشغل عليه البرنامج التالي واسمه Where is my Mobile:
RapidShare: 1-CLICK Web hosting - Easy Filehosting
غالبا فيه نسخة منه للنوكيا بس مش متأكد..
البرنامج دا وظيفته كالتالي..
- في حالة سرقة الموبايل .. بتبعت رسالة فيها الكود التالي WIMP$ متبوعا بال PIN يقوم البرنامج بعمله بصورة خفية وعدم اظهار رسالتك يرد عليك برسالة فيها الاحداثيات الموجود بها الموبايل حاليا وكذلك سرعته وكذلك رابط على جوجل مابس لو فتحته هاتلاقي المكان بالظبط اللي فيه الموبايل مع علامة محددة على المكان..
شكل الرابط كدا:
30.047495,31.339585 (Phone) - Google Maps
- طب لو اللي سرق الموبايل غير الشريحة.. البرنامج بمجرد تغيير الشريحة بيرسل لك على رقم انت مسجله قبل كدا في البرنامج رسالة من الشريحة الجديدة اللي غيرها السارق وبالتالي تبعت على الرقم دا الرسالة السابقة والبرنامج يرد عليك بالاحداثيات..
لحد كدا البرنامج مفيد اوي في حالة استرجاع الموبايل المسروق..
واحنا ممكن نضيف فايدة كمان واكبر لهذا البرنامج عن طريق اننا نضع الموبايل في السيارة في مكان غير ظاهر .. تحت التابلوه مثلا أو تحت فرش الباب.. مع توصيل كابل كهرباء له..
وكدا يصبح عندنا جهاز شبيه بجهاز الانذار بخاصية التتبع..
في حالة السرقة لاقدر الله هاتبعت رسالة يجيلك رسالة فيها مكان السيارة بالظبط..
انتوا عارفين ان في عربيات كتير بتتسرق وممكن اللي سرقها يكون عايز يلف بيها شوية او يفك منها بعض حاجات ويروح يرميها في اي حته وبيكون من الصعب جدا العثور عليها..
وطبعا ممكن نستخدم في الموضوع دا موبايلات مش حديثة في حدود 800ج مثلا..
زي:
HTC cruise أو HTC Touch 3g المهم يكون فيه خاصية ال GPS
والله هو الحافظ..
والله برافو عليك بس ليه انت عملت الموضوع حكر علي قسم الدايو
Astonishing !!
كده كده رقم التليفون هيتعرف
علشان العالم المعتوهة اللى بيتصل بيك ويقولك مين معايا
مبيكلفش نفسه ويعب انه يتاكد من النمرة
بس سيبك انت الفكر جميل
وسمعت عنده قبل كده بس كان واحد حاطط التليفون كله وهو اللى بيتصل بالعربية
قبل النزول من العربية اطمن واضغط على خروج يدويا . وممكن عمل مفتاح تبطيل وتشغيل الموبايل
تفكير ممتااااااااز
بس عندي حاجة بسيطة قوي قوي
ممكن في المكان من زرار 2 ل الزرار بتاع العربية اللي راكب في القايم
يبقي في مفتاح صغير عشان لما تركب العربية تقدر تقفل علي الموبايل
يعني كأن العربية مقفولة علي طول
طاب ليه ؟
في الفترة اللي انت فيها قريب من العربية هي في امان وانت شايفها
ومع دخول وخروج الكثيييييييي في العربية
يبقي كدة استخدام ملوش لزمة ليه وتضييع واستهلاك للبطارية بتاعته
يمكن الحكاية ده تنفعني عشان انا في كلية
وما أدراك بقي لما اصحابي بيبقوا معايا
قفل وفتح بتاع 600 مرة
انا كدة ممكن أتجنن
بس انما كفكرة
انت استاااااذ
فكرة رائعة وشرح وافي
تقبل تحياتي وتقديري يا استاذ كريم
يا مرحب بالكبير، أيوة كده عايزين الناس تشتغل :)
مجرد زرع موبايل في العربية (و لو مش هيتصل بيك) فكرة ممتازة. لا قدر الله في حالة سرقة السيارة تقدر تضيف في بلاغ السرقة أنك سايب فيها موبايل رقمه كذا و السيريال بتاعه IMEI كذا و أظن حالة سرقة سيارة هتدفعهم للسير في إجراءات تتبع الموبايل عن طريق شركة الاتصالات التابع لها خطك و مبروك عليك عودة السيارة
فكرة موبايل بـ gps مش قد كده قوي لأن ليها عقبات أسهلها أن اللي سرق العربية يحطها في جراج و ماتشوفش السماء :)
ثانيها الموبايل المستخدم مش هيكون ببساطة الموبايل أبو شاشة خضراء. ممكن يهنج فلازم تنزل له برنامج يضمن عمل ريستارت لو هنج و تضمن تشغيل برنامج الجي بي اس مع كل مرة الموبايل يعمل ريستارت. و لو ظبطت كل الأمور دي و خبيت الموبايل في العربية هيلقط إشارة منين؟؟ تركب له أنتنا في البوردة بتاعته و تطلعها برة يعني قصة مش مضمونة قوي
الموبايل بيلقط اشارة جي بي اس جوة البيت عادي واشارة قوية ومش محتاج انتنا يعني لو في جراج هايلقط برضه..
وفي حالة الريستارت برنامج الجي بي اس مش بيحتاج تشغيل تاني .. بيشتغل اتوماتيك.. غير ان الموبايل مش بيهنج الا من كتر الشغل والبرامج عليه .. اما في الحالة دي هو محطوط في العربية وغير مستخدم..
بالنسبة لبساطة تشغيل الموبايل .. السماعة بتاعته (الهاند فري) بيبقى فيها زر لما تضغط عليه بيتصل بآخر رقم اتصلت بيه .. يعني يمكن توصيل الموبايل بالسماعة وبالتالي تنفيذ باقي الشغل على الزر اللي في السماعة بدون فتح الموبايل خالص ولا عمل وصلات داخل الموبايل.. يعني ابسط في التعامل معاه..
والموضوع دا مفيد اكتر للشركات اللي بتأجر عربيات.. بتقدر تعرف في اي وقت عربياتها فين..
وخلي بالك ان اللي بيسرق عربية ممكن يفك البطارية واي حاجة تانية تتفك ويرمي العربية وفي الحالة دي على ماتعمل بلاغ في القسم برقم السريال للموبايل وعلى مايطلبوا من شركة الاتصالات انها تتبع الموبايل ممكن يكون الموبايل فصل شحن .. (معرفش في الحالة دي ممكن تتبعه ولا لأ)
اما في حالة الجي بي اس انت اللي بتتصرف بسرعة وتروح ورا عربيتك حتى لو فصل بطارية العربية الموبايل ممكن يشتغل يومين على الاقل.. وماظنش ان اليومين دول يكفوا الاجراءات بتاعة البلاغ
بسم الله ما شاء الله
شخصياً لو هاعمل موضوع زي ده عندي هالحم سلك أنتنا كامتداد للأنتنا اللي في بوردة الموبايل. موضوع الريستارت و تشغيل البرنامج كل ما الموبايليطفي و يشتغل ده أمره سهل
عارف الموبايل بيلقط إشارة في البيت (مجربه و فوقنا سقفين خرسانة مش أكتر من كده) و تحت سقف العربية و تحت سقف أتوبيس كمان :36_3_10[1]:. لكن فرضاً العربية مركونة في جراج عمارة كذا دور أو في شارع ضيق و كله عمارات عالية و اللي سرقها سايبها هناك بالأسابيع هل تعتقد في احتمال الموبايل يفضل لاقط إشارة جي بي اس؟
يبقى الأبدى تعتمد على شبكة الموبايل اللي نسبة فشلها أقل من الجي بي اس.
إمسك في دي :policeman: "وخلي بالك ان اللي بيسرق عربية ممكن يفك البطارية "
طيب مين أطول؟ فترة الستاند باي بتاعة الموبايل ابن البلد أبو شاشة خضراء ولا الموبايل الويندوز أو السيمبيان اللي غالباً هتجيبه مستعمل و بطاريته نصف عمر :36_7_4[1]:
و زي ما أسهل حاجة بالنسبة للسارق أنه يفك البطارية طيب ما هو ممكن يخبي العربية أول ما يسرقها في مكان مسقوف لا يرى السماء من قريب أو بعيد
أرجوك ما تزعلش مني احنا بنتناقش، و أنا مش ضدك ولا ضد الإلكترونيات و التكنولوجيا بس باقول ميزات و عيوب كل حاجة شايفها
فكرة هايلة , و تنفيذ هايل , ربنا يكرمك و حاول تسجلها يمكن تفيدك و تبيعها ,
مانا بفترض ان فترة الستاند باي بتاعة الموبايل العادي 4 أيام .. وبتاعة الموبايل الويندوز يومين..
في حالة انك مستخدم ويندوز موبايل ممكن في خلال ساعة او ساعتين تكون مرجع العربية.. على اساس ان الموبايل رن عليك وعرفت ان الباب اتفتح والعربية اتسرقت .. ممكن تجيبها في اقل من نصف ساعة..
اما في حالة الموبايل العادي اللي هايقعد 4 ايام بعد فصل بطارية العربية .. معتقدش ان 4 أيام تكفي الاجراءات اللي بتقول عليها .. وممكن على مايبتدوا ينفذوا الاجراءات دي يكون الموبايل فصل شحن..
انا مش زعلان ولاحاجة يا باشا..:E_braces[1]:
بس اللي انا بتكلم فيه هي فكرة اجهزة انذار بيوصل تمنها ل3000 ج دا لو مسموح بدخولها مصر.. وبالشكل دا ممكن ننفذه ب 600 ج فقط..
وبرضه حكاية انه يحطها في جراج تحت الارض موضوع مش وراد بنسبة كبيرة - دا لو في مكان بالمواصفات المنيعة دي - يعني ميحكمش على الموضوع بعدم جداوه..
وبرضه ممكن تظبيط البرنامج انه يشتغل على اقل اشارة واقل عدد اقمار ..
هو حسب كلامك مفيش عيوب للطريقة دي ولكنك بتفترض حالات ممكن تصعب استخدام الطريقة دي ودا وارد في اي طريقة برضه..
غير ان طريقة الوصول للموبايل عن طريق شبكة الاتصالات مش بيديك مكان محدد زي الجي بي اس انما بيديك مكان في محيط معين حسب الابراج الموجودة في المكان
يبقى أحسن حاجة موبايل بـ gps و تستخدم الطريقتين :)
بس هافكه و أركب فيه أنتنا http://www.smileyarena.com/emoticons...ix/antenna.gif
ايوة مانا اقصد اضافة للطريقة المذكورة في الموضوع ان الموبايل يكون فيه جي بي اس.. مع امكانية انه يتصل في حالة فتح الباب..
وممكن ضبط الموضوع دا انه يشتغل في حالة ان العربية مقفولة بالريموت فقط (كانك بتشغل الانذار بتاع العربية).. يعني مش كل ما تفتح الباب الموبايل هايتصل بيك .. (شغل كهرباء بقى)
عبارة عن ايه الانتنا اللي هايركب في الموبايل؟ هو الجي بي اس انتنا زيه زي الانتنا العادي؟؟
اللي اعرفه ان الموبايل لو مفيهوش جي بي اس انتنا.. ممكن تركب له وحدة جي بي اس خارجية .. انما معرفش لما تفكه هاتركب له ايه ..
احنا ممكن نجرب الموبايل في جراج في البدروم ونشوف كفاءته ايه .. لو كويس مفيش داعي للانتنا..
فكره جميله إنك تعملها بنفسك
كان فيه عضو من أعضاء المنتدى عارض إذار بنفس المواصفات بـ 3000 جنية من سنه تقريباً
اقتباس:
ومشكلة اخري تعد في صالحك وهو انه كلما فتحت الباب سيأتيك اتصال فإن لم يأتيك قم بتلميس سلكي الخروج لمسح ما سيكون علي الشاشه
أيه اللي ممكن يكون موجود على الشاشة يعيق اتصال الموبايل بيا غير الشركة بعتت رسالة للتنبيه لأي شيء ما (زي العروض والكلام ده) .
أنا شايف أنه مفيش داعي توصيل سلكين لزر الخروج وتلميسهم ببعض في حالة أني فتحت العربية ومجنيش اتصال على موبايلي .. لأني حتغلب على المشكلة دي بأني أغير إعدادات الرسائل في الموبايل call center message .. وبالتالي مش حيجيلي رسائل .
الكلام ده مظبوط ولا فيه حاجة مش فاهمها :majd(4):
اللي اعرفه ان باستخدام الزر اللي في الهاند فري يمكن الاتصال باخر رقم ايا كان المعروض على الشاشة..
ممكن يتوصل بحيث أنه يشتغل مع تفعيل إنذار العربية و يتفصل لو فتحت العربية بالريموت بتاعها عن طريق توصيل كت أوت صغير (relay صغير بقى) بس ده عايز قعدة و تجربة
بالنسبة للموبايل أيوة بيبقى فيه جزء خاص باستقبال إشارة الجي بي اس ده ما تقدرش تلعب فيه و ده مش أنتنا (زي الريسيفر عندك في البيت). لكن ضمن أطراف توصيل هذا الجزء بيكون في طرف أنتنا لتقوية االاستقبال (زي الدش فوق السطح). أنتنا للجي بي اس زي ما فيه أنتنا للشبكة، و ساعات الاتنين يكونوا واحد. المهم أي موبايل فيه مكان في البوردة بتاعته لعمل كونتاكت مع الأنتنا الداخلية بتاعته. مثلا دي صور N95 8GB
المكان اللي بيوصل عليه الأنتنا (الركن التحتاني شمال )
http://i75.photobucket.com/albums/i3...e/IMG_4097.jpg
ده الجزء اللي فيه الأنتنا بتاعة الجي بي اس و هي عبارة عن سلك نحاس تحت الغطاء الأزرق و واضح مكان الكونتاكت اللي هيتوصل مع البوردة اللي في الصورة الأولى
http://i75.photobucket.com/albums/i3...e/IMG_4100.jpg
صاحبنا جاب سلك نحاس طويل و لحمه، و رمى الأنتنا القديمة و خلاص على كده و الفرق يستحق التجربة
http://i75.photobucket.com/albums/i3...e/IMG_4981.jpg
طبعا في حالتنا هنطلع السلك برة الموبايل خالص لأن الشكل الجمالي آخر ما نفكر فيه، المهم قوة الإشارة و سرعة التقاطها. و السلك هيكون معزول عشان ما يلمسش مع جسم العربية و ممكن تمشيه تحت السقف مثلاً
http://i75.photobucket.com/albums/i3.../IMG_4991a.jpg
ده واحد تاني
http://i277.photobucket.com/albums/k...S/100_4509.jpg
http://i277.photobucket.com/albums/k...S/100_4514.jpg
http://i277.photobucket.com/albums/k...S/100_4515.jpg
http://i277.photobucket.com/albums/k...S/100_4512.jpg
حالياً معايا Samsung G810 و أنا مجربه في الجراج تحت البيت يستحيل يلقط إلا لو كنت جنب الباب و بيطول كمان
فكرة ممتازة..واحسن حاجة فيها البساطة..مش محتاجة لا لبرمجة ولا تعقيدات
الله ينور عليك
.. انا كنت فاكر توصيل الانتنا دا حاجة اصعب من كدا.. لو بيزود الاشارة يبقى فعلا يستاهل التجربة..
اختراع هايل
إذا كان كده ......... ماااااااشي :)
ما هو أنت كده كده هتجرب كل الظروف دي على الموبايل قبل ما تنفذ
الفكرة حلوة .. ولو الصين شمت خبر بالموضوع ده .. حتنزله أوبشن في العربيات بتاعتها .. وطبعاً بصورة أحسن وانضف .
يا خسارة العقول في مصر :I_angr1[1]:
معلم معلم بجد
وجاري التنفيذ بس علي لانسر
شكرا جزيلا لكل من اثني ومر بالموضوع
بالنسبه للــ gps الموضوع مكلف جدا ووارد فيه الاخطاء ويقدم خدمة ما بعد السرقة وهو تحديد مكان السيارة وهناك اماكن كثيره ليس بها هذه الخدمة ويحتاج لضبط كثير قد يتعارض مع الهدف
وكثير منا لا يريد التكلفة الباهظة وكثير لا يعرف التعامل مع الخدمة
لكن فكرة الموبايل محل الموضوع تكلفتها 60 جنيه فقط وتؤدي غرض الانذار قبل السرقة وتتبع ما يحدث بعد السرقة سواء من ناحية الكلام في السيارة الا اذا كان السارق اخرس مثلا ودي تحصل مع قليل البخت زي المثل ما بيقول وكما تفضل الصديق وقال ان احد الاعضاء عرض الفكرة ب 3000 ج وانا اقسم انني نفذتها ولم اسمع عنها قبل ذلك في اي مكان بل كان مجرد تفكير وقررت التنفيذ
نرجع نقول ان راكب السيارة او الحرامي اكيد هايتكلم ومفيد جدا ان صاحب العربية المسروقه يعرف عربيته في أي محافظة لتحديد نطاق البحث ومن خلال المباحث الجنائية يتم التعرف علي منطقة اخر اتصال وارد او خارج واعتقد ان البحث في نطاق ضيق جدا لا يتعدي مجال عامود اشارة يسهل الوصول للسيارة لأنها بعكس ما اذا كان لا يعرف سيارته ذهبت في اي اتجاه في الدولة كلها
بل ممكن قائد السيارة او السارق يحدد مكانه بالتفصيل لأي صديق له قد يتصل به لمقابلته وهذا احتمال كبير جدا
ان الانذار العادي عندما يعطي اشاره لك وانت في غرفة نومك فستتوجه الي البلكونه بما يكون عليك من ملابس لتري ما يحدث فربما طفل يلعب بجوار السيارة وان كان حرامي فستضطر الي العودة لتغيير ملابسك والاستعداد وهذا وقت كافي للفكاك بالسيارة
وهناك من يترك المفاتيح في السيارة ويدخل سوبر ماركت ليشتري شئ ويخرج ويجد سيارته غير موجوده وحدث ذلك في اكثر من خمس حالات اعرفهم شخصيا
أما في حالة تركيب الموبايل ليعطي انذار مع فتح الباب فمعني وصول اتصال من السيارة انك تقوم بتغيير ملابسك وسحب اجزاء سلاحك والنزول فورا للسيارة بدون تردد لأنها حتما تتعرض للسرقة
وفي حالة ما اذا كنت في سوبر ماركت او من يفعل ذلك وانا لست منهم فبمجرد قيام السارق بدخول السيارة ومحاولة قفل الباب يكون الموبايل اشتغل
ثانيا :- بالنسبة لقصة زر الخروج فالرسائل الواردة والمكالمات لم يرد عليها لا تمنع التصال كما تفضل الصديق ووضح
لكن ما يمنع الاتصال هو قيام طفل مثلا بلمس زر الاتصال السريع وهو هنا زر رقم (2) لمسة بسيطه وليست طويلة او اذا لم تغلق الباب تماما وبقوة وقام بلمس الزر لمسه واحده ليست طويله في هذه الحالة سيكتب علي الشاشه رقم 2 وهذا ما يمنع الاتصال فقط لا غير
لذلك قررت اخذ سلك من زر الخروج ولا استخدمه الا في اضيق الحدود بدلا من الفتح علي الموبايل وعمل مسح للشاشه
ثالثا :- بالنسبة للإتصال من الغير علي الهاتف عن طريق الخطأ في الرقم فالمتصل عن طريق الخطأ لن يعرف ان هذا الموبايل موصول في سيارة فاذا كانت السيارة ليس فيها احد فلن يسمع شئ وسيتأكد من الرقم او يخاصم اللي متصل بيه للأبد ومش يتصل بيه تاني لأنه مطنشه
اما اذا كنت في السيارة فسيسمع دقيقه لن يعرف من خلالها شئ
خلاصة القول ان هذا الموضوع شغال عندي من شهر تقريبا ولم تحدث اي اخطاء والحمد لله
وبالنسبة للمايك فوضعته في مكان جميل جدا ولقط قوي بدون ان يعرف مكانه الجن وكذلك الموبايل يسهل وصولي اليه جدا ولا يخطر علي احد مكانه
(مستشار بلال عبد الونيس )
بجد انت عبقري
بس المفروض كنت تسجل الفكرة فى وزارة البحث العلمى
فكره راااااائعه .... ماشاء الله عليك
حقيقي ... انت عظييم