مشكلة محيرة جدا فى عدادات النوبيرا

**mr_kenawy** · 13-09-2010 09:54 PM

السلام عليكم , السيارة نوبيرا 2006 عاملة 41000 كم , المشكلة كالتالى:- فى كل مرة بعد سير السيارة بشكل متواصل لمدة ثلث الساعة تقريبا يتوقف عداد الكيلومتر و عداد الرحلة تماما و تظل باقى العدادات تعمل بالشكل المعتاد , فاذا ما تم التوقف بالسيارة و اراحتها و اغلاق الكونتاكت لمدة عشر دقائق على الاقل يرجع عدادى الكيلومتر و الرحلة للعمل بالشكل المعتاد , و هكذا
ياترى ايه المشكلة و ايه علاجها و هل هناك تخصص فى السيارات مستقل خاص بالعدادات و لا المشكلة دى يعملها كهربائى السيارات , و هل يستلزم الامر فك التابلوه , الرجاء الافادة نظرا لاهمية الموضوع حيث ان عدادى الكيلومتر و الرحلة هما المعتمد عليهما فى تغيير الزيت و السيور و كافة صيانات السيارة , و لكم الشكر.

**samirayad** · 13-09-2010 11:05 PM

ماهو موقف مؤشر سرعة السياره بنفس العداد

بيقف هو كمان ولا لا

لو بيوقف
يبقى عيب أشاره رايحه من الفتيس للعداد بالتابلوه

وعلاج هذا

غالبا حتكون محتاج تركيب سوكيت أشارة العداد كويس على مكانه بالفتيس

ودى تبقى سهله وتتعمل فى دقيقه

لو مؤشر السرعه بيكون شغال ( مع لحظة توقف عداد الكيلو مترات والرحلات )

يبقى ده عيب فى العداد نفسه بالتابلوه

وهنا ستحتاج لكهربائى لفك العداد من التابلوه لتحديد حالته

والتشييك على التروس الفيبر الخاصه بعداد الرحلات وعداد الكيلومترات

**mr_kenawy** · 13-09-2010 11:11 PM

العدادات كلها بتبقى شغالة ما عدا عداد الكيلومترات و عداد الرحلة.

**mr_kenawy** · 13-09-2010 11:12 PM

لكن ايه الارتباط بين حركة العدادين دول و بين سخونة السيارة , لانهم بيفصلوا لما العربية تشتغل شوية و تسخن و بعدين لما العربية تقف شوية بيشتغلوا تلقائى , و هل لو حبيت اغير العدادين دول هلقاهم بيتباعوا و فين؟.

**samirayad** · 13-09-2010 11:20 PM

المشاركة الأصلية كتبت بواسطة mr_kenawy

العدادات كلها بتبقى شغالة ما عدا عداد الكيلومترات و عداد الرحلة.

العداد ده فيه 3 وظائف

1- سرعة السياره بالكيلو متر فى الساعه

2- تحديد الكيلومترات المقطوعه مع تقدم عمر السياره

3- عداد الرحله ..........بيقلب كل ألف كيلو مترا

المشاركة الأصلية كتبت بواسطة mr_kenawy

لكن ايه الارتباط بين حركة العدادين دول و بين سخونة السيارة , لانهم بيفصلوا لما العربية تشتغل شوية و تسخن و بعدين لما العربية تقف شوية بيشتغلوا تلقائى , و هل لو حبيت اغير العدادين دول هلقاهم بيتباعوا و فين؟.

لو تبين أن العيب عداد نفسه

يبقى ممكن تشترى واحد أستيراد وتجربه

أو تشترى تابلوه كامل وتأخد منه العداد ( حيكون أوفر )

أنا كنت شارى تابلوه عدادت كامل ب 150ج وكانت باغته مشروخه فقط وركبته على باغة التابلوه بتاعى ( لسياره أوبل )

ممكن تلاقى حاجه زى كده

وفاصل مع التاجر

وحنقول ممكن توصل معاه ل 250 ج ( حسب الأسعار اليومين دول )

ومفيش علاقه بين السخونه وشغل العداد المقصود عامة

ممكن فقط مع الأهتزاز

يكون بيحصل فصل مؤقت للفيشه من على الفتيس (دا لو كل مؤشرات العداد بتقف بعد فتره من تحرك السياره )

**mr_kenawy** · 13-09-2010 11:23 PM

لسيادتك جزيل الشكر , بكرة ان شاء الله نروح للكهربائى و نشوف هيقولنا ايه؟

**samirayad** · 13-09-2010 11:26 PM

بالتوفيق

إن شاء الله

**mr_kenawy** · 13-09-2010 11:28 PM

المشاركة الأصلية كتبت بواسطة samirayad

العداد ده فيه 3 وظائف

1- سرعة السياره بالكيلو متر فى الساعه

2- تحديد الكيلومترات المقطوعه مع تقدم عمر السياره

3- عداد الرحله ..........بيقلب كل ألف كيلو مترا

على فكرة عداد السرعة اللى بيحدد سرعة السيارة بيفضل شغال بكفاءة و عمره ما وقف , المشكلة فى عدادى الكيلومتر و الرحلة فقط.

**samirayad** · 13-09-2010 11:30 PM

المشاركة الأصلية كتبت بواسطة mr_kenawy

على فكرة عداد السرعة اللى بيحدد سرعة السيارة بيفضل شغال بكفاءة و عمره ما وقف , المشكلة فى عدادى الكيلومتر و الرحلة فقط.

لو مؤشر السرعه بيكون شغال ( مع لحظة توقف عداد الكيلو مترات والرحلات )

يبقى ده عيب فى العداد نفسه بالتابلوه

وهنا ستحتاج لكهربائى لفك العداد من التابلوه لتحديد حالته

**kimoo2002** · 14-09-2010 05:49 AM

كان عندى عيب مشابه لعيب حضرتك ولما فكيت طبلوة العدادات كامل وفتحت العدادات من جوة وجدت ان
عداد الكيلو مترى الصغير بتاع الرحلات متشال او معلق على 4 رجول بلاستك وكان عندى رجلين مكسورين فشوية يشتغل وشوية يفصل فشتريت طبلوة عدادات كامل واخدت منة عداد الكيلو مترى وعندى باقيت العدادات اسبير عربيتى نوبيرا 1 وكنت شارى طبلوة العدادات ب 120 جنية من سنة ونص تقريبا