الموضوع: سؤال هام للمتزوجين فقط

هو أنا كنت متفق مع الدكتور إيهاب على وضع الموضوع ده
بس اتفاجأت بالردود اللي كلها تقريباً أجمعت على عدم تفضيل أخذ الأجازة من الزوجة، وهنا أنا شامم ريحة خوف من الحكومة :lol: :lol: :lol:
عاجبني قوي الرد بتاع الأستاذ عزيز محمد فعلاً هو بيجسد الإحساس الطبيعي للشخص الطبيعي

يعني انا مثلا قبل الجواز كنت عزبنجي كبيييير وكنت مظبط حالي تمام عشان كده بحن كتير لايام العزوبية ومبتدايقش من انعدام الاكل والشرب

على فكرة انا كمان قبل الزواج كنت عزبنجى كبير، لأن انا عشت 6 سنوات لوحدىبعد وفاه كل من والدى ووالدتى، وبعرف اطبخ وعندى كفاءة أغدى معكسر جيش، وبعرف اغسل وبعرف اعمل كل حاجة فى الدنيا، واساس اول ما تاجوزت مراتى اتعقدت منى لأنى كنت بعمل اكل احسن منها لحد ماهى هى اتعملت ، وعمر ما غيابها آثر معايا فى احتياجاتى الأساسية من اكل وشرب وغسيل الخ، لكن اللى بيآثر معايا هو عدم وجودها هى شخصيا، وليس عدم وجود الخدمات اللى هى بتقدمهالى، بحس ان البيت كئيب ومالوش طعم، وبعرف فعلا ان الدفئ الموجود فى كلمة "بيت" يعبر عن اشخاص وليس عن حوائط، على راى اخوننا السوريين" جنة بلا ناس ما تنداس"
مه العلم انها مالهاش فى الكومبيوتر ومش بتخش على النت وعلاقتها الوحيدةة بهذا الموقع انها حاسة انه واخدنى منها، لكن مش بتقرأ من عليه حاجة وبالتلى مش محتاج انافقها بالكلمتين دول، لكن فعلا هو ده واقع الامر: البيت باهله وليس بجدرانه

البيت باهله وليس بجدرانه

معك كل الحق
أنا زيك تماماً أعرف أغدي فيلق :lol: مش معسكر، بس فعلاً هو افتقداد الرفيق شيئ صعب جداً

كلكم خونه و لا تعليق