لو زوجتك أخذت الاولاد و سافرت تتفسح عند أهلها لمده أسبوع زيى أنا ايه احساسك؟
عرض للطباعة
لو زوجتك أخذت الاولاد و سافرت تتفسح عند أهلها لمده أسبوع زيى أنا ايه احساسك؟
يا جماعه قولوا الصدق تحبوا التصويت سرى علشان الزوجات مايعرفوش؟
لو معندهاش كمبيوتر و مش بتدخل على الـ Nile Motors ممكن أقول رأيى بصراحة...!
يا دكتور متعملش مشاكل للاعضاء .....
السلام عليكم ورحمة الله وبركاته
بصراحة أنا لم أصوت لإن الاختيارات المتاحة لا تعكس مشاعرى بدقة
انا شخصيا باشعر بالآتى:
أول يومين اقول: يا سلااااام وأقعد مزأطط عشان خلصت من زن عبد الرحمن اللى ما بيخلصش، وأخرج أقابل أصحابى وأرجع متأخر وأنا ضميرى مستريح من الشعور بالذنب إنى باتفسح وسايب الجماعة شايلين الهم لوحدهم
بعدها بتروح السكرة وتأتى الفكرة: وحيد بين 4 حيطان مش لاقى حد يعبره ولا يكلمه ولا يشغله، وبعدين بيوحشونى واقعد مشغول عليهم، يا ترى عاملين إيه؟ والولد كويس ولا لأ
الصراحة الواحد من غير أولاده وأهل بيته بيحس إنه صعلوك أو متشرد ومالوش لازمة
وكفاية كده لحسن هاعيط
:cry: :cry: :cry: :cry: :cry: :cry:
ياجماعه يبقى انا مش مظبوط و لا عندى حاجه غلط و لازم اتعالج و لا ايه؟
فى الأول بكون سعيد بالحرية وارمى الهدوم على الأرض وابعتر قطع العدة فى كل حدب وصوب واسيب الأطباق على الترابيزة واعمل كل الممنوعات
بس هو وحياتك يوم واحد وبعدين احس ان الدنيا وحشاااااااااااااااااااا
واقعد استنى اليوم اللى هترجع فيه ويوم ما تكون جاية لازم ارتب الشقة واوضبها علشان تكون فى استقبالها فى احسن صورة
الحياه من غير رفيق الكفاح لا طعم لها حتى لو كانوا مبيبطلوش طلبات وبيخسروا كل الأجهزة المنزلية وانا اصلح وبيصغروا دماغهم فى حاجات عبيطة كله يهون جنب كلمه" سلامتك،اعملل حاجة سخنة تشربها " اللى الواحد بيسمعها نابعة من القلب لو مرهق او مريض
انت تحس اكتر بالموضوع لو انت مسافر اكتر من اسبوع زيي كده بسافر 3 شهور بعيد عن اسرتي .. بأشعر بالوحدة وابني بيوحشني جدا...
الوحدة قاتلة يا صديقى, رغم الكثير من المشاكل التى تحدث بسبب تفاهات فى نظرنا والكثير من الطلبات وعقدة الاباء " البامبرز " الى بقة بى 67 جنيه وشوية حاجات تانية الا ان هيا دى الى بتدى للحياه طعم, زى الفلفل الحريف على الطعام فهو مقبل وفاتح للشهية, من الاخر طالما تزوجت انسانة تحبها او على الاقل تتقبلها فمن الصعب ان تبعد عنها ولو يوم واحد.
يا د.إيهاب .. لقد قلبت على المواجع ..
فأنا أعيش بمفردى منذ ما يقرب من شهر ونصف .. لظروف إمتحانتها .. ولن أقول لكم على إحساسي وأنا أعيش لوحدى .. لولا وجودى معكم فى المنتدى لكانت الحياة لا تطاق .. فتخيلوا أننى لا أعرف أعمل لنفسي أى حاجة .. ودايما بعتمد على أكل المطاعم .. ولما أحب أغسل الهدوم أتصل بيها نصف ساعة حتى تشرح لى كيف أشغل الغسالة والفرق بين الأبيض والألوان ومع ذلك لا أعرف أعملها لوحدى رغم الإرشادات وطبعا كل المطلوب أنى اضع الغسيل فى الغسالة وأضغط على الزر ..
وطبعا تعالوا شوفوا الشقة وهدومى مترمية فى كل حتة ولا بقايا الأكل اللى مش عارف أعمل فيها إيه ..
إحنا من غيرهم ولا حاجة .. واللى يقول غير يبقى مش عارف قيمتهم ..
بصراحة يا جماعة أنا فرجئت بكم الرومانسية والحنان إللي مالية قلوبكم .. وده يدل علي أن الحياة الأسرية في بلدنا حتفضل مستقرة ..بفضل الله .. ولو كره الكارهون .. " أو عبث العابثون .." ..اقتباس:
الحياه من غير رفيق الكفاح لا طعم لها
ورغم الهزار والتهريج فالحقيقة بتفضل حقيقة ..
وربنا ما يحرمنا أبدا من النص الثاني الحلو ( رفيقة الدرب .. وأم الأولاد .. )[b]
لست متزوجا ولكني حبيت اشارك
فلنفعل كما أمرنا رسول الله صلي الله عليه وسلم ( أوصيكو بالنساء خيراً )
وتاني حاجه المرأه نصف المجتمع وهي التي تنجب النصف الأخر
بارك الله لكم في زوجاتكم وأولادكم ورزقنا الزوجه الصالحه والولد الصالح
:lol: اعتقد ان الانسان لازم يستريح شوية علشان يقدر يكمل مشوار الحياة الصعبة و من الصعب جدا انك تعيش عمرك كله تحت ضغط الطلبات و المشاكل والمصاريف و التصليح و ده علشان تجدد حياتك مرة كل سنة و ان الدنيا مش هاتتوقف علشان حد مش موجود لمدة اسبوع فى السنة يعنى .
لا يا دكتور مش انت لوحدك فيه ناس كتير والله :wink: واخد بالك انتاقتباس:
المشاركة الأصلية كتبت بواسطة ehabbadr
بس انا بيتهئلي ان الموضوع ليه علاقة بحياه الواحد فينا قبل الجواز يعني انا مثلا قبل الجواز كنت عزبنجي كبيييير وكنت مظبط حالي تمام عشان كده بحن كتير لايام العزوبية ومبتدايقش من انعدام الاكل والشرب والحاجات ديه لاني واخد عليها من ايام العزوبية واعرف احافظ علي الشقة نظيفة لفترة كبيرة
وعلي العكس فيه ناس كانت في حضن اهاليها قبل الجواز فبيبقي صعب عليهم بعد الجواز كمان يبقيوا وحيدين
هو أنا كنت متفق مع الدكتور إيهاب على وضع الموضوع ده
بس اتفاجأت بالردود اللي كلها تقريباً أجمعت على عدم تفضيل أخذ الأجازة من الزوجة، وهنا أنا شامم ريحة خوف من الحكومة :lol: :lol: :lol:
عاجبني قوي الرد بتاع الأستاذ عزيز محمد فعلاً هو بيجسد الإحساس الطبيعي للشخص الطبيعي
على فكرة انا كمان قبل الزواج كنت عزبنجى كبير، لأن انا عشت 6 سنوات لوحدىبعد وفاه كل من والدى ووالدتى، وبعرف اطبخ وعندى كفاءة أغدى معكسر جيش، وبعرف اغسل وبعرف اعمل كل حاجة فى الدنيا، واساس اول ما تاجوزت مراتى اتعقدت منى لأنى كنت بعمل اكل احسن منها لحد ماهى هى اتعملت ، وعمر ما غيابها آثر معايا فى احتياجاتى الأساسية من اكل وشرب وغسيل الخ، لكن اللى بيآثر معايا هو عدم وجودها هى شخصيا، وليس عدم وجود الخدمات اللى هى بتقدمهالى، بحس ان البيت كئيب ومالوش طعم، وبعرف فعلا ان الدفئ الموجود فى كلمة "بيت" يعبر عن اشخاص وليس عن حوائط، على راى اخوننا السوريين" جنة بلا ناس ما تنداس"اقتباس:
يعني انا مثلا قبل الجواز كنت عزبنجي كبيييير وكنت مظبط حالي تمام عشان كده بحن كتير لايام العزوبية ومبتدايقش من انعدام الاكل والشرب
مه العلم انها مالهاش فى الكومبيوتر ومش بتخش على النت وعلاقتها الوحيدةة بهذا الموقع انها حاسة انه واخدنى منها، لكن مش بتقرأ من عليه حاجة وبالتلى مش محتاج انافقها بالكلمتين دول، لكن فعلا هو ده واقع الامر: البيت باهله وليس بجدرانه
معك كل الحقاقتباس:
البيت باهله وليس بجدرانه
أنا زيك تماماً أعرف أغدي فيلق :lol: مش معسكر، بس فعلاً هو افتقداد الرفيق شيئ صعب جداً
كلكم خونه و لا تعليق
مفيش غير سعيد طبعا ديت التى توحى .... بأنها غُمة وانزاحت ! او هم وانزاح ! خليها يا اخى سعيد بدون جداً ! او من حقها ! او من حقى ! اى شىء يوحى بالطمائنينة - مش هم وعايز اخلص منه
والله يادك فيه ناس زيك كده, بس الموضوع مش مأساه يعنىاقتباس:
المشاركة الأصلية كتبت بواسطة ehabbadr
انا مثلا اخدت اسبوع لوحدى كده من شهر وكنت مبسوط جدآ
:lol:
اقتباس:
اللى بيآثر معايا هو عدم وجودها هى شخصيا،
يا جماعة شامين ريحة الحب الكبير
انا برضه بعرف اعيش كويس قوي لوحدي
وبفرح قوي باحساس اني بقيت لوحدي
هيييييييييييييييييي
يوم واتنين وازهق
فين المدام في العيال
كنزي والكمبيوتر بتاعها اللي كل شوية تبوظة واقوم اصلحه-عبد الرحمن علي ايدي وقاعد معاكم بكتب بايد واحدة لان البية ابن ناس ومبيعرفش يقعد في عربيتة - المدام وخناقها معايا انت مش مركز ليه وانا بكلمك انت اهم حاجة عندك الكمبيوتر - هو اهم مني - رغم اني شايل عبد الرحمن وهيا بتتكلم بس تقول ايه بقي
بس والله مابعرفش اقعد من غيرهم
افتكر مرة روحت سفاري مع اصحابي من تاني يوم زهئت وكنت عايز ارجع
وتالت يوم قريفت والرابع سيبتهم ورجعت والحمد لله اني كنت رايح بعربيتي
وانا قاعد لوحدي في البيت ممكن اقعد 6 ساعات ماتحركش من مكاني علي الكمبيوتر
المدام بقي - قوم حرك ضهرك - اجيبلك حاجة تشربها-تلاقي فاكهة اتحطيت وانا قاعد - كدة يعنني
اعتقد ان اكتر ناس بتتبسط من عدم وجود المدام هما اللي لسة بيلعبوا بديولهم
مش كدة ولا يا يا .... و ..... و .............
بلاش ذكر اسماء احسن
:D :D :D :D
إيه يا خوانا هي الناس كلها بقت خايقفة من الحكومة ليه كده :lol: :lol: :lol:
من غير لعب انا عجزت على المواضيع دى و اديك شايفنى طول النهار قاعد أخلص خناقات حتى مافيش ذيل :lol: :lol:
أنا عايز اجااااااااااااااااااااااا ااااااااااااااااااااااااا ااااااااااااااااااااااااا ااااازه
:x
يا عينى يابنى تعال لعمو حبيبى
أنا شايف أن موضوع الإجازه صحي جدا
وبيكسر الروتين واالملل
بس مين الحكومه اللي توافق علي كده
إلا لو كانت الأسباب قهريه و إجباريه
طبعاً الهدوء حلو بس الواحد مبيعرفش يعمل حاجه لنفسه ..... :? :? :? ....
باقولكم إيه سيبونا عايشين أحسن
مفيش تعليق وإلى بالى بالك يادكتور :lol: