محتاج رأيكم ضروري ..

**Ahmad_Nawwara** · 14-03-2008 11:09 PM

أخوتي الأحباء ..
لأني أثق في رأيكم وخبراتكم من خلال مشاهدتي للمنتديات ولأني وجدت فيكم فعلا المشورة الصادقه وسعة الصدر .. قررت ان ألجأ اليكم في أمر ربما يعتبره البعض تافها أو عجيبا بعض الشيء .. ولكن لا مجال او حل امامي سوى الأستعانه بكم وربنا يجعل راحة بالي والفرج على ايديكم ان شاء الله
الأمر ببساطه أني أعمل مدرس بالمرحلة الثانويه ومتزوج ولم يرزقني الله بأطفال سكني في أحد مدن الوجه البحري ولأني ادرس ماده لايحتاج الطلاب فيها الى دروس خاصه فالمرتب يوفر لي عيشة كريمه والحمد لله بجانب راتب زوجتي بالكاد دون توفير .. المشكله ان عملي يبعد عن السكن بحوالي 7 كيلو ولاأستطيع ركوب الميكروباصات لظروف صحية مما يضطرني لأستعمال التاكسيات مما يكلفني الكثير وفكرت في شراء دراجه من النوع المزود بموتور بحوالي 1700 جنيه للذهاب للعمل .. ولكن زوجتي ترفض هذا الحل بشده لمكانتي الأجتماعيه (على حد قولها) لأني المفروض مدرس محترم !!! واقترحت ان اشتري سياره بالتقسيط مثل السوزوكي ماروتي بسيطة في المقدم والقسط ونحرم نفسنا شويه من الرفاهيات ونضغط المصاريف علشان نوفر القسط .. بالنسبة لي فأنا احمل هم القسط ومشاكل التقسيط واصحاب المعارض وفي نفس الوقت شايف ا ن الأمر مش مستاهل عربيه وكفاية العجله ام موتور دي وشكلها مش فضيحه للدرجه دي .. حيران ومش عارف اعمل ايه ؟؟ استلف المقدم واشتري العربيه بالتقسيط ولا اجيب العجله وخلاص وبلاش فشخره كدابه .. ارجوكم قولوا لي رأيكم ايه ؟ لأني تعبان جدا من المواصلات وقرفها .. وبالمناسبة زوجتي ايضا مدرسه ولكن عملها قريب من البيت بس برضه بتركي تاكسيات لأنها تخينه حبتين ومش بتقدر تمشي ..ههههه منتظر رأيكم أحبتي واخوتي

**Ahmed Anwer** · 14-03-2008 11:38 PM

لا و الله يا أخي الفاضل ،،

مشكلتك مش بسيطة و لا حاجة ،،،

انا شخصيا محتار فيها ،،،

رأيي الشخصي العربيات عبارة عن خسارة فلوس ،،

فالموضوع يرجع لك

هل مستعد لكل هذه الضغط و الحمل المالي

مقابل خدمة معينة ستؤديها لك و مقابل انك تكون من مالكي و راكبي السيارات

ام انك غير مستعد

انا لا اعرف الدراجة ام موتور دي من قبل

و لكن لو حضرتك شايف انها هتؤدي لك الغرض فلما لا ؟؟؟

لو مشوار بسيط هوا ما تحتاجه ،،

و لكن هل تسمح لك ظروفك الصحية بركوبها و لا تسمح لك بركوب الميكروباص ؟؟

**Ahmad_Nawwara** · 14-03-2008 11:47 PM

أشكرك أخي الكريم على ردك ... بالنسبة لمشكلتي مع الميكروباصات تتمثل في اني لاأستطيع الصعود بسهوله الى الميكروباص لوجود اصابة قديمه في الركبه ولكن بالنسبة للدراجه فهي لاتحتاج الى مجهود .. فقط الجلوس وتشغيل الموتور مثل الفيسبا او الموتوسيكل ولكنها بسيطه جدا وسأحاول وضع صورتها .. هي دراجه صينية الصنع بموتور وتشحن بالكهرباء وسرعتها 30كيلو في الساعه وسعرها حوالي 1700 جنيه مصري

**fahd_628** · 14-03-2008 11:50 PM

ولكن زوجتي ترفض هذا الحل بشده لمكانتي الأجتماعيه (على حد قولها) لأني المفروض مدرس محترم !!!

انا يا باشا الكلمة دية مزعلانى والله لأن الأنسان محترم بشخصيتة مش بعربيتة انا رأى ان سيبك من كلام الناس لأن بجد محدش حينفعك فى الأخر مش الناس هية الى حتدفعلك قسط العربية

المهم لية متفكرش فى عربية اقتصادية مثلا السيات 133 او ال فيات 126 العربيات دية رخيصة تقريبا من 5-7 الاف و ترحمك من قرف المواصلات ؟

**Ghamrawy** · 14-03-2008 11:50 PM

انا بصراحة شايف انك ماتزنقش نفسك علشان العربية برضه محتاجة مصروف خصوصا لو لسه حاتتعلم السواقة عليها كده حايبقى القسط و البنزين و الزيت و الصيانة العادية و الله لايقدر اى مصروف تانى لتصليح اى حاجة اتكسرت او اتعوجت و عموما انت الوحيد اللى تعرف ظروفك و استخير ربنا و ان شاء الله يرزقك بالاصلح

**mada121977** · 14-03-2008 11:51 PM

الاخ الفاضل من رأيى حضرتك تضغط على نفسك شويه وتجيب عربيه بالتقسيط وموضوع المقارنه بين الدراجه اللى بموتور والعربيه مش مجرد منظره ولا حاجه لان العربيه اصبحت حاجه ضروريه هتخدم حضرتك وهتخدم العائله وتريح نفسك من المواصلات والتاكسيات

**Ghamrawy** · 14-03-2008 11:52 PM

المشاركة الأصلية كتبت بواسطة fahd_628

انا يا باشا الكلمة دية مزعلانى والله لأن الأنسان محترم بشخصيتة مش بعربيتة انا رأى ان سيبك من كلام الناس لأن بجد محدش حينفعك فى الأخر مش الناس هية الى حتدفعلك قسط العربية

المهم لية متفكرش فى عربية اقتصادية مثلا السيات 133 او ال فيات 126 العربيات دية رخيصة تقريبا من 5-7 الاف و ترحمك من قرف المواصلات ؟

تمام 100000 %

**Ahmad_Nawwara** · 14-03-2008 11:57 PM

بجد مش عارف أشكركم ازاي على استجابتكم وتفاعلكم مع مشكلتي .. بجد منتدى محترم واخوة في منتهى الأحترام والرقي .... فعلا والله بدأت أشعر بالراحه النفسيه معاكم .. بالمناسبة هذه هي صورة الدراجه لعلها تساعدكم في ابداء الرأي

**Ghamrawy** · 15-03-2008 12:04 AM

المشاركة الأصلية كتبت بواسطة anawwara

بجد مش عارف أشكركم ازاي على استجابتكم وتفاعلكم مع مشكلتي .. بجد منتدى محترم واخوة في منتهى الأحترام والرقي .... فعلا والله بدأت أشعر بالراحه النفسيه معاكم .. بالمناسبة هذه هي صورة الدراجه لعلها تساعدكم في ابداء الرأي

يا استاذى انت قلت انك ساكن فى احدى مدن الوجه البحرى و طبعا الدراجة دى حاتبهدلك فى المطر و النوات الكتيرة الصعبة فاشوف امكانياتك و حاول بنك اسلامى او مع بنك ناصر يمولك العربية اللى عايز تشتريها و ان شاء الله القسط يبقى معقول و تبقى الفائدة رحيمة.

**mohamed ibiza** · 15-03-2008 12:18 AM

العربية:هذا اللفظ يعني عدة اشياء معلش حتة فلسفة
عربية يعني انت مستريح يعني انت باشا نازل من بيتك عربيتك مستنياك تركب تدور تدوس تطلع توصل سريع مريح و اخر تمتم هتزنأ في نفسك هتتعب شوية و تقرف شوية و ترجع تقول اهي برضه شيء له احتياج
عربية يعني مصاريف زيادة خناقات زيادة و كلام صنايعية كتيييييييييييييييييييييير يصدع دماغك
هترجع تقول ما انا كنت اعد رايق و فاضي و شاري دماغي
حلوة القصيدة دي عربية يعني هتفتح بقها مع السنين و الاستخدام بس برضه هننفسح بيها و تبسط المدام و انت ماشي في امان بس اه لو حد خبطك و لا ريح عليك الصنايعية مش هيسيبوك انت لسه جديد و مش هيرحموك انا رأيي الداجة ام موتور كويسة او موتوسيكل عشان المدام متزعلش احنا برضه نحب نرضي جميع الاطراف

Ibiiiiiiiiiiiiiiiiiiiiiiiiiiiiiiiiiiiiiiiiiizzzzzz zzzzzzzzzzzzzaaaaaaaaaaaaaaaa For Ever