الموضوع: انفراد : شهادة التوحيد بخط يد كاميليا شحاتة

المشاركة الأصلية كتبت بواسطة بحري

وهل الأستاذ أحمد موجه طلب كده ..وهل الحل المطروح دائما هو أحد طرفي الأمور..الرجل خاطبك من منطلق كونك رجل قانون فإذا بك تغض الطرف عن هذا وتتهكم عليه بأن يمسك سيفا ويفعل ويفعل
ثم أي أمن قومي هذا...أمن مصر؟؟!!..الذي يتم خرقه بالليل والنهار وبرضى المسؤولين عنه ومباركتهم
ثم أي طوائف هذه..أأصبح المسلمون في البلد طائفة من الطوائف؟؟!!

المسلمون في أمريكا وفرنسا أقلية..وهم طائفة..يطلب منها دائما ضبط النفس وعدم مخالفة الأغلبية مراعاة لكونها أقلية ينبغي أن تلتزم بحكم الأغلبية

المسلمون في مصر أغلبية..وهم طائفة..يطلب منها دائما ضبط النفس وعدم مخالفة الأقلية مراعاة لرغباتها وطموحاتها

يا أخي والله عندك حق

اخرتها بقينا طائفة!!!

و المصيبة الاكبر ان "الطائفة" ديه لا عرف و لا قانون و لا شرع يحميها

لنا الله

هو لو علي حد الرده فهو مش مطبق ، ولكنه صحيح وموجود في الدين الاسلامي.بس اللي بيحصل لو عايزين يبقي فيه مساواه لو كامليا عايزة تبقي مسلمه فهي حره براحتها ، بس عندك قضية العائدين إلي المسيحية ودول حوالي أربعين واحد مش راضيين يدلهم حكم برجوعهم ويكتبو انهم مسيحيين، أيضا قضية محمد حجازي ، تقريبا عايش مختبي وبيتنقل من مكان المكان كالهارب ومش راضيين يدوله بطاقة إنه مسيحي و ممنوع كمان من السفر ، وكذا قضية


هنا يكمن الإختلاف ، لو واحد سايب المسيحية ورايح للإسلام الكل يحتفل به .،،وشهاده اشهار الإسلام بتجي في دقايق ، والعكس صحيح ناس بتعيش مش عارفه تاخد بطاقة ،،هو حد الرده لم يطبق أهو بس بردو لسه مفيش حرية
تاني نقطة ، مين اللي بيبني الجوامع ..الدوله من تحصيل ضرايب مسيحيين ومسلمين ،صح ؟ طيب من اللي بيبني الكنايس والأديره، مين اللي بيدفع مرتبات الكهنه ،المسيحيين بيدفعوها من جيبهم داه لو عرفو يجيبو تصريح بناء من اصلو

نقطه كمان القانون فيه جريمه اسمها التبشير ، فيها سجن وحبس.يعني ماينفعش تدعو حد إلي المسيحية .واحنا مش عايزين ندعو حد عامه كل واحد يخليه في دينه، بس العكس تمام في الإسلام ،ديه لها ثواب كبير .يعني ممكن خطبه الجمعه تسمع فيها إمام يحث المصليين علي نشر الإسلام ، وممكن تسمع حاجات أكتر من كده كمان



طيب احنا عايزين حرية أديان حقيقية ، وكامله ولا بس كلام .لو مش عارفين يبقي مفييش تغيير لا من هنا ولا من هنا . دول مش لعيبه سايبين الزمالك ورايحيين الأهلي كل يوم يمضو عقد مع نادي شكل.


نيجي لموضوع كامليا ، كامليا مش واحده عادية ، يعني بنت عندها 20 سنه محدش يعرفها ،ديه زوجه كاهن معروف وعندها منه أولاد وأسره ، لو زوجه شيخ من الشيوخ المشهورين في مصر إتنصرت ،عايز أعرف إيه رأيكم ولو هتعملو مظاهرات ولا هتتفرجو وتقولو حرية أديان.حد يجاوب.مافيه بنات مسيحيات بيدخلو الأسلام ..براحتهم. لكن هنا بقي انتو عايزين زوجه كاهن معروف تسلم والمسيحيين يباركو لها


وعلي العموم لو عايزة تبقي مسلمه ، فده براحتها، وده حريتها، بس المعامله بالمثل والمساوة كامله بين الاديان نبتدي نطبقها ، أو نقفل الموضوع خالص ومفييش تغيير