المشاركة الأصلية كتبت بواسطة Adham
الكلام دة البياعين بيقولوة في المحلات علشان يبيعوا ال سي دي
انما غير صحيح
لان البلازما دة مش غاز ماشي في انابيب داخل الشاشة زي مابيقولوا
و انما هو مزيج بين 3 غازات (زينون - ارجون - نيون) لاعطاء مزيج بين الوان (ازرق - احمربرتقالي - ابيض) و هو موجود داخل خلايا نقطية صغيرة جدا تكون في مجملها مسطح الشاشة
باختصار
ال سي دي:
عمرها اطول شوية
و صورتها اهدا اضاءة
و اوضح الوان و ريسوليوشن اعلى
و قابليتها على اظهار الحركة السريعه اقل (الصورة تتكسر لو حركة سريعه قوي)
البلازما
اضائتها اقوى (لانها عبارة عن خلايا , كل خلية مضيئة و متوهجة بحد زاتها بخلاف ال ال سي دي عبارة عن لوحين من الزجاج بينهما ليكويد كريستال و خلفها مصدر اضاءة (ملبة)
قدرتها اعلى لاظهار الحركة السريعه (ماتشات او جيمات)
اللون الاسود فيها اكثر وضوحا (اسود غامق)
طيب امتى نقول عايزين ال سي دي و للا بلازما
لو عايز شاشة تحطها في مكان مفتوح (كوفي شوب مطعم قاعة اجتماعات او ريسيبشن منزل مفتوح و حوالية شبابيك كبيرة تدخل منها اضاءة قوية للمكان
لو بتتفرج على ماتشات كورة كتير او تنس او سباقات فورميولا
لو حاتلعب جيمز و بلاي ستيشن
يبقى بلاااازماااااااا
انما لو حاتحط الشاشة في ريسيبشن مقفول او حجة نوم او مكان اضاءتة هادية عامه (استعمال منزلي عائلي)
لو عايز صورة نقية و ناعمة و حاتشوف افلام عربي و اجنبي في المجمل
يبقى ال سي دي