بص يا سيدي .. اسمع مني و انزل دور علي العربيه :
الركبه هيا البتاع اللي انت هاتشوفها لو بصيت ورا العجله اللي قدام في عربيتك .. و دي بتبقي عمود مدور و راكب حواليه ياي (سوسته مدوره لولبيه) ...
لو دققت كويس هاتلاقي الركبه دي ماسكه في الحوض من جوه ب 3 مسامير .. المسامير دي ماسكه في البطاحه .. اللي هيا حته البتاع الجلد المدوره اللي تحتها .... هيا دي البطاحه .. هاتلاقي في نصها كده صاموله (ممكن تكون مستخبيه تحت غطاء بلاستيك) ...الصاموله دي ماسكه في المساعد .. و المساعد ده راكب جوه الركبه (اليتاعه السوداء اللي ورا العجله اللي حواليها السوسته المساعد راكب جةه السوسته بقي ....
الركبه ماسك فيها العجله عن طريق : اخر الركبه من تحت فيه اكس ... الاكس ده راكب عليه بلي .. البلي ده راكب عليه سره .. و السره دي راكب عليها طنبوره الفرامل .. و طنبوره الفرامل دي ماسك فيها الجنط .. _جهاز الفرامل ماسك في الركبه نفسها) ...
الركبه متثبته من تحت برضه .. عن طريق مقص ... المقص دهبيبقي شكله يأما علي شكل حرف L او l...
المقص ده راكب في القنطره .. و القنطره دي كمره حديد متثبته في الشاسيه ...
و بكده يبقي شرحنا نظام تعليق العفشه ...
العكاز ده بقي .. اللي بيجيبوه لجدو لما يكبر في السن هههههه اول مره اسمع عنه ههههه
المفضلات